ಟ್ರಂಪ್ ತಮ್ಮ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಈ ಕುರಿತು ಬರೆದುಕೊಂಡಿದ್ದಾರೆ. ಜತೆಗೆ ಹೊಸ ಕರೆನ್ಸಿ ತರುವ ಪ್ರಯತ್ನದ ಕುರಿತು ಬ್ರಿಕ್ಸ್ ರಾಷ್ಟ್ರಗಳಾದ ಬ್ರೆಜಿಲ್, ರಷ್ಯಾ, ಭಾರತ, ಚೀನಾ ಮತ್ತು ದಕ್ಷಿಣ ಆಫ್ರಿಕ ಮಾತ್ರವಲ್ಲದೆ, ಅದರ ಹೊಸ ಸದಸ್ಯರಾದ ಇರಾನ್, ಈಜಿಪ್ಟ್, ಇಥಿಯೋಪಿಯಾ ಮತ್ತು ಯುಎಇ ಔಪಚಾರಿಕ ಭರವಸೆ ನೀಡಬೇಕೆಂದು ಟ್ರಂಪ್ ಕೋರಿದ್ದಾರೆ. ‘ಬ್ರಿಕ್ಸ್ ಕರೆನ್ಸಿ ತರುವುದಿಲ್ಲ ಅಥವಾ ಯುಎಸ್ ಡಾಲರ್ಗೆ ಬದಲಿ ಆಗಿ ಯಾವುದೇ ಇತರ ಕರೆನ್ಸಿಗೆ ಬೆಂಬಲಿಸುವುದಿಲ್ಲ ಎಂಬ ಬದ್ಧತೆ, ಭರವಸೆ ನಮಗೆ ಈ ರಾಷ್ಟ್ರಗಳಿಂದ ಬೇಕಾಗಿದೆ, ಇಲ್ಲವಾದರೆ ಶೇ.100ರಷ್ಟು ತೆರಿಗೆ ವಿಧಿಸುವುದನ್ನು ಎದುರಿಸಬೇಕಾಗುತ್ತದೆ’ ಎಂದು ಎಚ್ಚರಿಸಿದ್ದಾರೆ.
