ಮಾತುಕತೆ ಮುಂದುವರೆಯದೆ ಇದ್ದರೆ 21ಕ್ಕೆ ಸ್ಟ್ರೈಕ್ ಮಾಡುತ್ತೇವೆ: ಎಐಯುಟಿಸಿ ಅಧ್ಯಕ್ಷ ಅನಂತ ಸುಬ್ಬರಾವ್

ಬೆಂಗಳೂರು: ಅನಂತ್ ಸುಬ್ಬರಾವ್ ನೇತೃತ್ವದ ಸಂಘಟನೆ ಸಾರಿಗೆ ನೌಕರರ ಮುಷ್ಕರಕ್ಕೆ ಕರೆ ನೀಡಿದೆ.21 ಮಾರ್ಚ್​ನಿಂದ ಅನಿರ್ಧಿಷ್ಟಅವಧಿ ಮುಷ್ಕರ ಶುರುವಾಗಲಿದ್ದು ಅನಂತ್ ಸುಬ್ಬರಾವ್ ಮುಖ್ಯಮಂತ್ರಿಗೂ ಪತ್ರ ಬರೆದು ಎಚ್ಚರಿಕೆ ನೀಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಸಾರಿಗೆ ನೌಕರರ ಬಹುದಿನಗಳ ಬೇಡಿಕೆಗೆ ಮಣಿದಿರುವ ಸಾರಿಗೆ ಇಲಾಖೆ, ವೇತನ ಪರಿಷ್ಕರಣೆ ಮಾಡಿದೆ. ಈ ಬಗ್ಗೆ ಸಾರಿಗೆ ಸಚಿವ ಶ್ರೀರಾಮುಲು ಟ್ವಿಟರ್​​ನಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ಶೇಕಡಾ 15ರಷ್ಟು ವೇತನ ಹೆಚ್ಚಳ ಮಾಡುವಕ್ಕೆ ತೀರ್ಮಾನಿಸಿರುವುದಾಗಿ ಹೇಳಿದ್ದರು.

ಇದನ್ನೂ ಓದಿ: ಮಾರ್ಚ್ 21 ರಿಂದ ಸಾರಿಗೆ ನೌಕರರಿಂದ ಅನಿರ್ದಿಷ್ಟಾವಧಿ ಮುಷ್ಕರ..!

ಇದಕ್ಕೆ ಸಂಬಂಧಿಸಿದಂತೆ ಎಐಯುಟಿಸಿ ಅಧ್ಯಕ್ಷ ಅನಂತ ಸುಬ್ಬರಾವ್ ಸುದ್ದಿಗೋಷ್ಟಿ ನಡೆಸಿದ್ದು 'ಬೆಳಗ್ಗೆ ಮುಖ್ಯಂಮತ್ರಿಗಳು 20% ಕೆಪಿಟಿಸಿಎಲ್ ಗೆ ಕೊಟ್ಟಿದ್ದಾರೆ ಕೆಎಸ್‌ಆರ್‌ಟಿಸಿಗೆ 15% ಕೊಟ್ಟಿದ್ದಾರೆ. ನಾವು ಹೆಚ್ಚು ಕೇಳಿದ್ದೇವೆ. ನೂರಾರು ಜನರು ಸ್ಟ್ರೈಕ್‌ನಲ್ಲಿದ್ದಾರೆ ಅಂತ ಎಫ್‌ಐಆರ್ ಆಗಿದೆ. ಅವರನ್ನು ಕೆಲಸದಿಂದ ತೆಗೆಯಬಾರದು ಎಂದು ಬೇಡಿಕೆ ಇತ್ತು. ಆದ್ರೆ ಬೆಳಗ್ಗೆ 15% ಅಂತ ಬಂದಿರೋದು ನಿಜಕ್ಕೂ ಶಾಕಿಂಗ್.

ಇದನ್ನೂ ಓದಿ: ನೌಕರರ ಮುಷ್ಕರ: ನಾಳೆಯಿಂದ ಕೆಪಿಟಿಸಿಎಲ್​, ಎಸ್ಕಾಂ, ಬೆಸ್ಕಾಂ ಎಲ್ಲವೂ ಬಂದ್!

ನಾಳೆ ಸಮಾವೇಶವನ್ನು ಹಮ್ಮಿಕೊಂಡಿದ್ದೇವೆ. 2016 ರಲ್ಲೂ ಕೂಡಾ ಒಪ್ಪಂದ ಆಗಿ ನಂತರ ನೋಟಿಫಿಕೇಷನ್ ಬಂತು. ಈಗ ಚರ್ಚೆ ಆಗಿರಬೇಕಾದಾಗಲೇ ಈ ರೀತಿ ಮಾಡಿರೋದು ಸರಿಯಲ್ಲ. ಮುಖ್ಯಮಂತ್ರಿಗಳೇ ನಮಗೆ ಅಪಾಯಿಂಟ್‌ಮೆಂಟ್ ಕೊಡಿ. ಸರ್ಕಾರದ ಮಟ್ಟದಲ್ಲಿ ಏನಿದೆ ಅಂತ ಹೇಳಬಹುದು. ನಮ್ಮ ತೀರ್ಮಾನ ಯಥಾಸ್ಥಿತಿ ಇದೆ. ಮಾತುಕತೆ ಮುಂದುವರೆಯದೆ ಇದ್ದರೆ 21 ಕ್ಕೆ ಸ್ಟ್ರೈಕ್ ಮಾಡುತ್ತೇವೆ' ಎಂದಿದ್ದಾರೆ.

https://www.vijayavani.net/congress-leader-in-bellary-charged-with-fir/

https://www.vijayavani.net/helicopter-chetak-latest-news-vijayavani/#google_vignette

https://www.vijayavani.net/difference-between-virus-and-common-fevers/