ಇತ್ತೀಚೆಗಷ್ಟೇ ಭರ್ಜರಿ ಓಪನಿಂಗ್ ಪಡೆದ ತೆಲುಗು ಹಿರಿಯ ನಟ ಬಾಲಯ್ಯ ಅಭಿನಯದ 'ಡಾಕು ಮಹಾರಾಜ' ಸಿನಿಮಾ ಸದ್ಯ ಚಿತ್ರಮಂದಿರಗಳಲ್ಲಿ ಪ್ರೇಕ್ಷಕರಿಂದ ಕಂಗೊಳಿಸುತ್ತಿವೆ. ಆ್ಯಕ್ಷನ್, ಮಾಸ್ಗೆ ಕಿಂಗ್ ಆಗಿ ಮಿಂಚುತ್ತಿರುವ ನಟ ಬಾಲಯ್ಯ, ಡಾಕು ಮಹಾರಾಜ್ ಮೂಲಕ ಬಾಕ್ಸ್ ಆಫೀಸ್ನಲ್ಲಿ ಅತ್ಯುತ್ತಮ ಗಳಿಕೆ ನೋಡುವ ನಿರೀಕ್ಷೆಯಲ್ಲಿದ್ದಾರೆ. ಥಿಯೇಟರ್ಗಳತ್ತ ಮುಖ ಮಾಡಿರುವ ಸಿನಿರಸಿಕರು, ಬಾಲಯ್ಯ ನಟನೆಗೆ ಫಿದಾ ಆಗಿದ್ದಾರೆ. ಇದೊಂದು ಸಿನಿಮಾ ಮೂಲಕ ಟಾಲಿವುಡ್ಗೆ ಹೊಸ ವರ್ಷದಲ್ಲಿ ಹೊಸ ಭರವಸೆ ಸಿಕ್ಕಂತಾಗಿದೆ. ಕಳೆದ ವರ್ಷ 'ಪುಷ್ಪ 2' ಗೆಲುವಿನ ಅಲೆಯಲ್ಲಿದ್ದ ಟಾಲಿವುಡ್ಗೆ ಡಾಕು ಮಹಾರಾಜ್ ಹೊಸದೊಂದು ಆಯಾಮವನ್ನೇ ಕೊಟ್ಟಿದೆ. ಬರೋಬ್ಬರಿ 8 ಸಿನಿಮಾಗಳನ್ನು ಫೆಬ್ರವರಿಯಲ್ಲಿ ತೆರೆಗೆ ತರಲು ನಿರ್ಧರಿಸಿರುವ ಟಾಲಿವುಡ್, ತೆಲುಗು ಚಿತ್ರರಸಿಕರಿಗೆ ಮನರಂಜನೆಯ ಹಬ್ಬದೂಟ ಕೊಡಲು ಮುಂದಾಗಿದೆ.
