ಮನಸೇ ರಿಲ್ಯಾಕ್ಸ್ ಪ್ಲೀಸ್​; ಹಿರಿಯರಿಗೆ ಮಾನಸಿಕ ಧೈರ್ಯ ತುಂಬಿ

ಇಂದು ವಿಶ್ವ ಮಾನಸಿಕ ಆರೋಗ್ಯ ದಿನ 

ಸದೃಢ ಬದುಕು ಕಟ್ಟಿಕೊಳ್ಳಲು ಮಾನಸಿಕ ಆರೋಗ್ಯ ಅತ್ಯಗತ್ಯ. ಆರ್ಥಿಕ ಸಂಕಷ್ಟ, ಕೆಲಸದ ಒತ್ತಡ, ಕೌಟುಂಬಿಕ ಸಮಸ್ಯೆ, ಮಾದಕ ವ್ಯಸನ ಹೀಗೆ ಹಲವು ವಿಧದಲ್ಲಿ ಮಾನಸಿಕ ರೋಗ ಮನುಷ್ಯರನ್ನು ಕಾಡುತ್ತಿದೆ. ಇದೆಲ್ಲದರ ಜತೆಗೆ ಕರೊನಾ ಮಹಾಮಾರಿ ಹಲವರ ಬದುಕನ್ನು ಕಸಿದಿದೆ. ಕರೊನಾ ಹೊಡೆತದಿಂದಾಗಿ ಹಲವರು ಮಾನಸಿಕ ಕಾಯಿಲೆಗೆ ತುತ್ತಾಗಿದ್ದಾರೆ. ಮಾನಸಿಕ ರೋಗ ಯಾರಿಗೆ, ಯಾವ ಕಾರಣಕ್ಕೆ ಬರುತ್ತದೆ. ಅದರಿಂದ ಹೊರಬರುವ ಮಾರ್ಗ ಹೇಗೆ ಎಂಬುದನ್ನು ಮನೋರೋಗ ತಜ್ಞರು ವಿಜಯವಾಣಿ ಜತೆ ಮಾಹಿತಿ ಹಂಚಿಕೊಂಡಿದ್ದಾರೆ.

| ಸುಭಾಷ್ ಎಚ್.ಜಿ., ಆಪ್ತ ಸಮಾಲೋಚಕರು

ಶಾಲಾ ಮಕ್ಕಳಿಗೆ ಚಟುವಟಿಕೆಗಳಿಲ್ಲ. ಜತೆಗೆ ಆನ್​ಲೈನ್ ತರಗತಿಗಳಿಂದ ಎದುರಾಗುವ ಮಾನಸಿಕ ಪರಿಣಾಮವೇನು? ಆನ್​ಲೈನ್ ಪಾಠ ಗ್ರಹಿಸಲು ಮಕ್ಕಳು ಶಕ್ತರೇ?

ಶಾಲೆಗೆ ತೆರಳಿದರೆ ಅವರ ಮನಸ್ಥಿತಿಗೆ ಹೊಂದುವ, ಸಮವಯಸ್ಕ ಮಕ್ಕಳ ಜತೆ ಸೇರಬಹುದು. ಆದರೆ, ಆನ್​ಲೈನ್ ತರಗತಿಯಿಂದ ಇದು ಸಾಧ್ಯವಾಗುವುದಿಲ್ಲ. ಸತತ 8 ಗಂಟೆ ಆನ್​ಲೈನ್ ತರಗತಿಗೆ ಪೂರಕ ವಾತಾವರಣ ಮನೆಯಲ್ಲಿ ನಿರ್ವಿುಸುವುದು ಕಷ್ಟ. ಮಗುವೂ ತನ್ನದೇ ರೀತಿಯಲ್ಲಿ ಹಾಗೂ ಬೇರೆ ಪ್ರಮಾಣದಲ್ಲಿ ಹೊಂದಿಕೊಳ್ಳಬಹುದು. ಆದರೆ, ಮಕ್ಕಳು ಗ್ರಹಿಸುತ್ತಿದ್ದಿರಾ? ಇಲ್ಲವಾ? ಎಂದು ಉಪನ್ಯಾಸಕರಿಗೆ ತಿಳಿದುಕೊಳ್ಳುವುದು ಕಷ್ಟ.

• ಕರೊನಾ ಭೀತಿಯಿಂದ ಬಹುತೇಕ ವೃದ್ಧರ ಆರೋಗ್ಯ ನಿರ್ವಹಣೆ ಕುಟುಂಬ ಸದಸ್ಯರಿಗೆ ಸವಾಲಾಗಿದ್ದರೆ, ಮತ್ತೊಂದೆಡೆ ಸೋಂಕು ಭೀತಿ ಹಿನ್ನೆಲೆಯಲ್ಲಿ ಹಿರಿಯ ಮನಸ್ಸಿನ ಮೇಲೆ ದುಷ್ಪರಿಣಾಮ ಬೀರುತ್ತಿ್ತೆ. ಇದಕ್ಕೆ ಪರಿಹಾರವೇನು?
• ಸಾಮಾನ್ಯವಾಗಿ ಹಿರಿಯರಲ್ಲಿ ಆರೋಗ್ಯ ಸಮಸ್ಯೆಗೆ ತುತ್ತಾಗಬಹುದೆಂಬ ಅಥವಾ ಅಸಹಜ ಮರಣದ ಕುರಿತಾದ ಭಯ ಇರುತ್ತದೆ. ಕುಟುಂಬಸ್ಥರು ಅವರಿಗೆ ಸಕಾರಾತ್ಮಕ ಸಂಗತಿಗಳನ್ನು ಹೇಳುತ್ತಾ, ಇದರಿಂದ ಪಾರಾದ ತಮ್ಮಂತಹ ಇತರ ಹಿರಿಯರ ಕಥೆಗಳನ್ನು ಹೇಳುತ್ತಾ ಧೈರ್ಯ ತುಂಬಬೇಕು. ಭಯಭೀತರನ್ನಾಗಿಸುವಂತಹ ಅನವಶ್ಯಕ ಮಾಹಿತಿ ಅವರಿಂದ ದೂರವಿಡಬೇಕು. ಇದರಿಂದ ಮಾನಸಿಕವಾಗಿ ಕುಗ್ಗುವುದನ್ನು ತಪ್ಪಿಸಬಹುದು.
• ಕರೊನಾದಿಂದಾಗಿ ಬಹುತೇಕ ಮನೆಗಳಲ್ಲಿ ಗಂಡ, ಹೆಂಡತಿ, ಮಕ್ಕಳು ಸೇರಿ ಮನೆ ಮಂದಿಯೆಲ್ಲ ಸದಾ ಕಾಲ ಒಟ್ಟಿಗೆ ಇರುವಂತಾಗಿದೆ. ಕೆಲ ಸಮಯ ಇದು ಒಳಿತೆನಿಸಿದರೂ, ಬಹುತೇಕ ಕುಟುಂಬಗಳಲ್ಲಿ ಕಲಹಕ್ಕೆ ಕಾರಣವಾಗಿದೆಯೆಲ್ಲಾ?
• ಮನೆಯಲ್ಲಿ ಒಟ್ಟಿಗೆ ಇರುವುದರಿಂದಲೇ ಕಲಹ ಉಂಟಾಗುತ್ತದೆ ಎಂದು ಭಾವಿಸಬಾರದು. ನೀವು ಖುಷಿಯಾಗಿದ್ದಾಗ ನಿಮ್ಮ ಸಂಬಂಧಗಳನ್ನು ಉಳಿಸಿಕೊಳ್ಳುವುದು ಸುಲಭ. ಕರೊನಾ ಭೀತಿ, ಕಚೇರಿ ಒತ್ತಡದ ನಡುವೆ ಉತ್ತಮ ಬಾಂಧವ್ಯ ಮುಂದುವರಿಕೆ ಸವಾಲೇ ಸರಿ. ಕಚೇರಿ ಒತ್ತಡವನ್ನು ಕುಟುಂಬಸ್ಥರ ಮೇಲೆ ತೋರಿಸಬಾರದು. ಮನೆಯಲ್ಲಿದ್ದರೂ ಕಚೇರಿ, ಕೆಲಸದ ವಿಷಯ ಪ್ರತ್ಯೇಕವಾಗಿಡಬೇಕು.
• ಕರೊನಾ ವಾರಿಯರ್ಸ್ ಅನ್ನು ಸಮಾಜ ನೋಡುತ್ತಿರುವ ರೀತಿಯಿಂದ ಅವರ ಮನಸ್ಸಿಗೆ ಘಾಸಿಯಾಗುತ್ತಿದೆಯಲ್ಲವೇ?
• ಕರೊನಾ ಸೋಂಕು ನಮ್ಮಿಂದ ಎಲ್ಲಿ ಮನೆಯವರಿಗೆ ಹರಡುತ್ತದೋ ಎಂಬ ಭೀತಿ ಕರೊನಾ ವಾರಿಯರ್ಸ್​ಗೂ ಇರುತ್ತದೆ. ಜನರಿಗೆ ವಾರಿಯರ್ಸ್ ಪಾತ್ರದ ಬಗ್ಗೆ ತಿಳಿಸಬೇಕು. ಕುಟುಂಬಸ್ಥರ ಸುರಕ್ಷತೆಗೆ ಒತ್ತು ಕೊಡಬೇಕು.
• ಸಿನಿಮಾ ನಟ-ನಟಿಯರು ಡ್ರಗ್ಸ್ ಜಾಲದಲ್ಲಿ ಸಿಲುಕಿದ್ದು, ಅವರು ಮಾದಕ ವ್ಯಸನಿಗಳಾಗಲು ಕಾರಣವೇನು? ಈಗ ಅವರ ಮನಸ್ಥಿತಿ ಹೇಗಿರುತ್ತದೆ?
• ನಮ್ಮ ದೇಹದಲ್ಲಿ ಬೇರೆಬೇರೆ ಭಾವನಾತ್ಮಕ ಸನ್ನಿವೇಶಗಳಿಗೆ ಬ್ರೖೆನ್​ನಲ್ಲಿರುವ ವಿವಿಧ ನ್ಯೂರೋಟ್ರಾಸ್ಮಿಟರ್ಸ್ ಕಾರಣವಾಗುತ್ತವೆ. ಆರಂಭದಲ್ಲಿ ಸಹವಾಸ, ಮೋಜು ಅಥವಾ ಒತ್ತಡ ನಿವಾರಣೆಗೆ ಮಾದಕ ವಸ್ತು ತೆಗೆದುಕೊಂಡು ಅದಕ್ಕೆ ದಾಸರಾದರೆ, ದೇಹವೂ ಅವುಗಳ ಮೇಲೆ ಅವಲಂಬಿತವಾಗುತ್ತದೆ. ಮುಂದೊಂದು ದಿನ ಬಿಡಲು ಯತ್ನಿಸಿದಾಗ ಅನೇಕ ಬಾರಿ ಅವರ ಪ್ರಯತ್ನ ವಿಫಲವಾಗಬಹುದು. ಆಪ್ತ ಸಮಾಲೋಚಕರ ಅಥವಾ ವೈದ್ಯರ ಬಳಿ ಈ ವಿಷಯವನ್ನು ತಿಳಿಸಿ ಅವರ ಸಹಾಯ ಪಡೆಯುವುದು ಅತ್ಯವಶ್ಯಕ.