ರಾಜ್ಯದಲ್ಲೀಗ ಕರೊನಾ ಮತ್ತಷ್ಟು ಆತಂಕಕಾರಿ; ಇಂದು 34 ಸಾವಿರ ಪ್ರಕರಣ, ಒಂದೇ ದಿನದಲ್ಲಿ ಪಾಸಿಟಿವಿಟಿ ದರ ಶೇ. 5 ಏರಿಕೆ

ಬೆಂಗಳೂರು: ರಾಜ್ಯದಲ್ಲಿ ಕರೊನಾ ಇದೀಗ ಮತ್ತಷ್ಟು ಆತಂಕಕಾರಿಯಾಗಿ ಪರಿಣಮಿಸಿದ್ದು, ದಿನೇದಿನೆ ಕರೊನಾ ಸೋಂಕು ತೀವ್ರಗತಿಯಲ್ಲಿ ಏರುತ್ತಿದೆ. ಮತ್ತೊಂದೆಡೆ ಇವತ್ತೊಂದೇ ದಿನದಲ್ಲಿ ಪಾಸಿಟಿವಿಟಿ ದರದಲ್ಲಿ ಶೇ. 5 ಏರಿಕೆ ಕಂಡುಬಂದಿದೆ.

ರಾಜ್ಯದಲ್ಲಿ ಇಂದು ಹೊಸದಾಗಿ 34,047 ಜನರಲ್ಲಿ ಕೋವಿಡ್​-19 ಸೋಂಕು ದೃಢಪಟ್ಟಿದೆ. ಆ ಪೈಕಿ ರಾಜಧಾನಿ ಬೆಂಗಳೂರಿನಲ್ಲೇ 21,017 ಜನರಲ್ಲಿ ಸೋಂಕು ಕಂಡು ಬಂದಿದೆ. ಈ ಮೂಲಕ ಬೆಂಗಳೂರಿನಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 1.46 ಲಕ್ಷ ತಲುಪಿದ್ದರೆ, ಇಡೀ ರಾಜ್ಯದ ಸಕ್ರಿಯ ಪ್ರಕರಣಗಳ ಸಂಖ್ಯೆ 1,97,982ಕ್ಕೆ ಏರಿದೆ.

ಇದನ್ನೂ ಓದಿ: ಉಸಿರುಗಟ್ಟಿ ಸಾವಿಗೀಡಾದರು ಏಳು ವರ್ಷದ ಮಗಳು ಮತ್ತು ತಾಯಿ; ಸ್ನಾನದ ಕೋಣೆಯಲ್ಲಿ ಸಂಭವಿಸಿತು ದುರಂತ!

ಇನ್ನು ನಿನ್ನೆ ಶೇ. 15ರಷ್ಟಿದ್ದ ಪಾಸಿಟಿವಿಟಿ ಪ್ರಮಾಣ ಇಂದು ಏಕಾಏಕಿ ಏರಿದ್ದು, ಶೇ. 20ಕ್ಕೆ ಸಮೀಪಿಸಿದೆ. ಇಂದು ರಾಜ್ಯದಲ್ಲಿನ ಕೋವಿಡ್ ಸೋಂಕು ಪಾಸಿಟಿವಿಟಿ ದರ ಶೇ. 19.29 ಆಗಿದೆ. ಮಾತ್ರವಲ್ಲ, ಕಳೆದ 24 ಗಂಟೆಗಳಲ್ಲಿ ಕೋವಿಡ್​ಗೆ 13 ಮಂದಿ ಬಲಿಯಾಗಿದ್ದಾರೆ. ಒಟ್ಟಿನಲ್ಲಿ ವಾರಾಂತ್ಯ ಹಾಗೂ ನೈಟ್ ಕರ್ಫ್ಯೂ ಇದ್ದಾಗ್ಯೂ ಕೋವಿಡ್​ ಸೋಂಕು ತೀವ್ರಗತಿಯಲ್ಲಿ ವ್ಯಾಪಿಸುತ್ತಿರುವುದು ಆತಂಕ ಮೂಡಿಸಿದೆ.

https://www.vijayavani.net/woman-who-gave-loan-to-others-later-lost-her-life-with-her-two-daughters/

https://www.vijayavani.net/woman-who-was-giving-loan-lost-her-life-at-home/