ಕಳೆದ ಬಾರಿ ಚುನಾವಣೆಯಲ್ಲಿ ಕಡೇ ಕ್ಷಣದಲ್ಲಿ ಅಚ್ಚರಿ ಅಭ್ಯರ್ಥಿಯಾಗಿ ಕಣಕ್ಕಿಳಿದು ದೊಡ್ಡ ಗೆಲುವು ಸಾಧಿಸಿದ್ದ ತೇಜಸ್ವಿ ಸೂರ್ಯಗೆ ಮರುಸ್ಪರ್ಧೆಗೆ ಪಕ್ಷ ಅವಕಾಶ ನೀಡಿದೆ. ಇತ್ತ ಕಾಂಗ್ರೆಸ್ ತನ್ನ ಕಾರ್ಯತಂತ್ರ ಬದಲಿಸಿದ್ದು, ಕ್ಷೇತ್ರಕ್ಕೆ ಚಿತಪರಿಚಿತರಾದ ಮಾಜಿ ಶಾಸಕಿ ಸೌಮ್ಯಾ ರೆಡ್ಡಿ ಅವರನ್ನು ಕಣಕ್ಕಿಳಿಸಿದೆ. ಕಳೆದ ಎಂಟು ಲೋಕಸಭಾ ಚುನಾವಣೆಯಲ್ಲೂ ಬಿಜೆಪಿ ಜಯಿಸಿದೆ. 1951 ಹಾಗೂ 1989ರಲ್ಲಿ ಮಾತ್ರ ಕಾಂಗ್ರೆಸ್ ಗೆಲುವು ಸಾಧಿಸಿರುವುದು ಇತಿಹಾಸ. ಸೌಮ್ಯಾ ರೆಡ್ಡಿ ಹಿಂದಿರುವ ಶಕ್ತಿ ಅವರ ತಂದೆ, ಸಾರಿಗೆ ಸಚಿವ ರಾಮಲಿಂಗಾ ರೆಡ್ಡಿ. ಈ ಚುನಾವಣೆ ಸೌಮ್ಯಾ ರೆಡ್ಡಿ ವರ್ಸಸ್ ತೇಜಸ್ವಿ ಸೂರ್ಯ ಎಂದು ವ್ಯಾಖ್ಯಾನಿಸುವ ಬದಲು ರಾಮಲಿಂಗಾ ರೆಡ್ಡಿ ವರ್ಸಸ್ ಬಿಜೆಪಿ ಎಂದು ಚಿತ್ರಿತವಾಗಿದೆ. ಒಟ್ಟಾರೆ ಚುನಾವಣಾ ಕಣ ‘ಒನ್ ಸೈಡೆಡ್’ ಮ್ಯಾಚ್ ರೀತಿಯಂತೂ ಕಾಣಿಸುತ್ತಿಲ್ಲ.
