Tirupati Laddu| ವಿವಾದದ ನಡುವೆಯೂ ತಿರುಪತಿ ಲಡ್ಡುಗೆ ತಗ್ಗದ ಬೇಡಿಕೆ; 4 ದಿನಗಳಲ್ಲಿ ಮಾರಾಟ ಆಗಿರುವುದು ಎಷ್ಟು ಗೊತ್ತಾ?

ಅಮರಾವತಿ: ಕೋಟ್ಯಂತರ ಮಂದಿಯ ಆರಾಧ್ಯದೈವ ತಿರುಪತಿ(Tirupati ) ವೆಂಕಟೇಶ್ವರ ಸನ್ನಿಧಿಯಲ್ಲಿ ನೀಡಲಾಗುವ ಲಡ್ಡುಗಳಲ್ಲಿ(Laddu) ಪ್ರಾಣಿಗಳ ಕೊಬ್ಬನ್ನು ಬಳಸಲಾಗಿದೆ ಎಂಬ ಆರೋಪ ವಿಶ್ವದಾದ್ಯಂತ ಚರ್ಚಗೆ ಗ್ರಾಸವಾಗಿದೆ. ಹಿಂದಿನ ವೈಎಸ್​ಆರ್​ಸಿಪಿ ಸರ್ಕಾರದ ಅವಧಿಯಲ್ಲಿ ತಿರುಮಲದಲ್ಲಿ ತಯಾರಾದ ಲಡ್ಡೂಗಳಲ್ಲಿ ಕಲಬೆರಕೆ ತುಪ್ಪ ಮತ್ತು ಪ್ರಾಣಿಗಳ ಕೊಬ್ಬನ್ನು ಬೆರೆಸಲಾಗಿತ್ತು ಎಂದು ಸಿಎಂ ಚಂದ್ರಬಾಬು ನಾಯ್ಡು ಆರೋಪಿಸಿದ್ದರು.

ಇದನ್ನು ಓದಿ: Tirupati Laddu Row| ಪವನ್​ ಕಲ್ಯಾಣ್​​ ಹೇಳಿಕೆಗೆ ನಟ ಕಾರ್ತಿ ರಿಯಾಕ್ಷನ್​​ ಹೀಗಿದೆ..

ಶ್ರೀವಾರಿ ಲಡ್ಡು ಪ್ರಸಾದಕ್ಕೆ ಬಳಸುವ ತುಪ್ಪದಲ್ಲಿ ಪ್ರಾಣಿಗಳ ಕೊಬ್ಬನ್ನು ಬೆರೆಸಲಾಗಿದೆ ಎಂಬ ವಿವಾದ ಸೃಷ್ಟಿಯಾದ ಬಳಿಕ ಮಹಾಪಾಪ ಪರಿಹಾರವಾಗಿ ತಿರುಮಲ ಶ್ರೀವಾರಿ ದೇವಸ್ಥಾನದಲ್ಲಿ ಶಾಂತಿ ಹೋಮ ಮತ್ತು ಪಂಚಗವ್ಯ ಪ್ರೋಕ್ಷಣೆ ಏರ್ಪಡಿಸಲಾಗಿತ್ತು. ಇದಕ್ಕೆ ಸಂಬಂಧಿಸಿದಂತೆ ಸಿಎಂ ಚಂದ್ರಬಾಬು ನಾಯ್ಡು ಅವರು ರಾಜ್ಯದ ಎಲ್ಲಾ ದೇವಾಲಯಗಳ ಶುದ್ಧೀಕರಣ ಮಾಡಲಾಗುವುದು ಎಂದು ಇತ್ತೀಚೆಗೆ ತಿಳಿಸಿದ್ದರು.

ಈ ಎಲ್ಲಾ ಚರ್ಚೆ ಮತ್ತು ವಿವಾದದ ನಡುವೆಯೂ ತಿರುಮಲದ ಮಹಾಪ್ರಸಾದ ಬೇಡಿಕೆ ಕಡಿಮೆಯಾಗಿಲ್ಲ. ಈ ವಿವಾದದಿಂದ ಲಡ್ಡೂ ಮಾರಾಟದ ಮೇಲೆ ಯಾವುದೇ ಪರಿಣಾಮ ಬೀರಿಲ್ಲ ಎಂದು ಟಿಟಿಡಿ ಅಧಿಕಾರಿಗಳು ಇತ್ತೀಚೆಗೆ ಸ್ಪಷ್ಟಪಡಿಸಿದ್ದಾರೆ. ಕಲಬೆರಕೆ ತುಪ್ಪ ವಿವಾದ ಬಯಲಿಗೆ ಬಂದ ನಂತರ ನಾಲ್ಕು ದಿನಗಳಲ್ಲಿ 14 ಲಕ್ಷಕ್ಕೂ ಹೆಚ್ಚು ತಿರುಪತಿ ಲಡ್ಡೂ ಮಾರಾಟವಾಗಿದೆ ಎಂದು ದೇವಸ್ಥಾನದ ಆಡಳಿತ ಮಂಡಳಿ ತಿಳಿಸಿದೆ. ಸೆಪ್ಟೆಂಬರ್ 19 ರಂದು 3.59 ಲಕ್ಷ, ಸೆಪ್ಟೆಂಬರ್ 20 ರಂದು 3.17 ಲಕ್ಷ, ಸೆಪ್ಟೆಂಬರ್ 21 ರಂದು 3.67 ಲಕ್ಷ ಮತ್ತು ಸೆಪ್ಟೆಂಬರ್ 22 ರಂದು 3.60 ಲಕ್ಷ ಲಡ್ಡೂಗಳು ಮಾರಾಟವಾಗಿವೆ. ಈ ಅಂಕಿಅಂಶಗಳು ದೈನಂದಿನ ಸರಾಸರಿ 3.50 ಲಕ್ಷ ಬ್ರೌನಿಗಳಿಗೆ ಸಮನಾಗಿರುತ್ತದೆ ಎಂದು ಹೇಳಿದರು.

ಪ್ರತಿದಿನ 60,000 ಯಾತ್ರಿಕರನ್ನು ಸೆಳೆಯುವ ಶ್ರೀ ವೆಂಕಟೇಶ್ವರ ದೇವಸ್ಥಾನದಲ್ಲಿ ಈ ಅಮೂಲ್ಯವಾದ ಪ್ರಸಾದದ ಮಾರಾಟಕ್ಕೆ ವಿವಾದದ ಬಿಸಿ ತಟ್ಟಿಲ್ಲ ಎಂದು ಹೇಳಲಾಗಿದೆ.ಇನ್ನು ಈ ಬಗ್ಗೆ ಭಕ್ತಾಧಿಗಳನ್ನು ಕೇಳಿದಾಗ ಅವರು, ಈಗ ಇದು ಹಿಂದಿನ ವಿಷಯ, ನಮ್ಮ ನಂಬಿಕೆ ಅಲುಗಾಡಲಾಗದಷ್ಟು ಬಲವಾಗಿದೆ ಎಂದು ಪ್ರತಿಕ್ರಿಯಿಸಿದ್ದಾಗಿ ವರದಿಯಾಗಿದೆ.(ಏಜೆನ್ಸೀಸ್​​)

https://www.vijayavani.net/tirupati-laddu-rowpawan-kalyan-warning-to-prakash-raj