ಈ ನಡುವೆ ಸೆಲಿಬ್ರಿಟಿಗಳು ತಮ್ಮ ವೈಯಕ್ತಿಕ ಅಭಿಪ್ರಾಯಗಳನ್ನು ಬಹಿರಂಗಪಡಿಸುತ್ತಿದ್ದಾರೆ. ಇತ್ತೀಚೆಗೆ ತಮಿಳು ನಟ ಕಾರ್ತಿ ತಮ್ಮ ಸಿನಿಮಾ ಕಾರ್ಯಕ್ರಮವೊಂದರಲ್ಲಿ ಲಡ್ಡು ಬಗ್ಗೆ ಹೇಳಿರುವ ಮಾತು ಎಲ್ಲೆಡೆ ವೈರಲ್ ಆಗಿ ತೀವ್ರ ಆಕ್ಷೇಪ ಉಂಟಾಗಿತ್ತು. ಸಮಾರಂಭದಲ್ಲಿ ಕಾರ್ತಿ ಅವರ ಮೇಲೆ ಮಾಡಿದ ಮೀಮ್ಗಳನ್ನು ತೋರಿಸಿ ಅವರ ಪ್ರತಿಕ್ರಿಯೆಯನ್ನು ಕೇಳಲಾಗುತಿತ್ತು. ಲಡ್ಡು ಬಗ್ಗೆ ಪರದೆಯ ಮೇಲೆ ಮೂಡಿಬಂದ ವ್ಯಂಗ್ಯ ಚಿತ್ರ ನೋಡಿ ಹಾಸ್ಯಸ್ಪದವಾಗಿ ಉತ್ತರಿಸಿದ್ದರು. ಲಡ್ಡು ಕಾವಲಾ ನಾಯಿನಾ? (ನಿಮಗೆ ಲಡ್ಡು ಬೇಕಾ?) ಎಂದು ಕೇಳಿದ್ದಕ್ಕೆ, ನಗುತ್ತಲೇ ಈಗ ಲಡ್ಡು ಬಗ್ಗೆ ಮಾತನಾಡುವುದು ಬೇಡ. ಇದು ಸೂಕ್ಷ್ಮ ವಿಷಯ. ನಮಗೆ ಇದು ಅಗತ್ಯವಿಲ್ಲ ಎಂದಿದ್ದರು. ಈ ಹೇಳಿಕೆ ವೈರಲ್ ಆಗುತ್ತಿದ್ದಂತೆ ಆಂಧ್ರಪ್ರದೇಶ ಡಿಸಿಎಂ ಪವನ್ ಕಲ್ಯಾಣ್ ಎಚ್ಚರಿಸಿದ್ದರು.
