ಕಲಬೆರಕೆ ತಿರುಪತಿ ಲಡ್ಡು ತಿಂದು ಯಾರಾದ್ರೂ ಸತ್ತಿದ್ದಾರಾ? ಲಡ್ಡು ಬೂಂದಿ ಹಿಡಿದು ರಾಜಕೀಯ ಮಾಡಬೇಡಿ: ಸೀಮಾನ್ ವಿವಾದಾತ್ಮಕ ಹೇಳಿಕೆ

ಆಂಧ್ರಪ್ರದೇಶ: ತಿರುಮಲ ಲಡ್ಡು ವಿವಾದ ಇದೀಗ ದೇಶಾದ್ಯಂತ ಚರ್ಚೆಗೆ ಗ್ರಾಸವಾಗಿದೆ. ಹಿಂದೂಗಳಷ್ಟೇ ಅಲ್ಲ, ರಾಜಕೀಯ ಪಕ್ಷಗಳೂ ತಮ್ಮ ಆಕ್ರೋಶ ವ್ಯಕ್ತಪಡಿಸುತ್ತಿದ್ದು, ಕಠಿಣ ಶಿಕ್ಷೆ ವಿಧಿಸಲು ಬಯಸುತ್ತಿವೆ. ಕಳೆದ ವೈಎಸ್​ಆರ್​ ಸರ್ಕಾರದಲ್ಲಿ ತಿರುಮಲ ಲಡ್ಡು ಅಶುದ್ಧವಾಗಿದ್ದು, ಹಿಂದಿನ ಸರ್ಕಾರ ಪ್ರಾಣಿಗಳ ಕೊಬ್ಬಿನಿಂದ ತಯಾರಿಸಿತ್ತು. ಇದಕ್ಕೆ ಹಿಂದಿನ ಸರ್ಕಾರದ ಸಿಎಂ, ವೈಸಿಪಿ ಮುಖ್ಯಸ್ಥ ಜಗನ್, ಟಿಟಿಡಿ ಮಾಜಿ ಅಧ್ಯಕ್ಷರು ಮತ್ತಿತರರು ಪ್ರತಿಕ್ರಿಯಿಸಿದ್ದಾರೆ.

ತಮ್ಮ ಆಡಳಿತಾವಧಿಯಲ್ಲಿ ಯಾವುದೇ ತಪ್ಪು ನಡೆದಿಲ್ಲ ಎಂದಿರುವ ಚಂದ್ರಬಾಬು, ಇಂತಹ ಹೇಳಿಕೆ ನೀಡುವ ಮೂಲಕ ಹಿಂದೂಗಳ ಭಾವನೆಗಳಿಗೆ ಧಕ್ಕೆ ಉಂಟು ಮಾಡುತ್ತಿದ್ದಾರೆ ಎಂದು ಹೇಳಿದ್ದಾರೆ. ಇದು ಪ್ರಸ್ತುತ ಚರ್ಚೆಯಲ್ಲಿದೆ.

ತಿರುಮಲ ಲಡ್ಡು ವಿವಾದದ ಕುರಿತು ತಮಿಳುನಾಡು ಎನ್‌ಟಿಕೆ ಪಕ್ಷದ (ನಾಮ್ ತಮಿಳರ್ ಕಚ್ಚಿ) ನಾಯಕ ಸೀಮಾನ್ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. 'ದೇಶದಲ್ಲಿ ಲಡ್ಡು ಬಿಟ್ಟರೆ ಬೇರೆ ಸಮಸ್ಯೆಗಳಿಲ್ಲವೇ? ಕಲಬೆರಕೆ ಕಂದು ತಿಂದು ಯಾರಾದರೂ ಸತ್ತಿದ್ದಾರೆಯೇ? ಅಕ್ರಮ ನಡೆದಲ್ಲಿ ಕ್ರಮ ಕೈಗೊಳ್ಳಿ. ಮೇಲಾಗಿ ಲಡ್ಡು, ಬೂಂದಿ ಹಿಡಿದು ರಾಜಕೀಯ ಮಾಡಬಾರದು ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ತಿರುಮಲ ಲಡ್ಡು ಪಡೆಯುವ ಬಗ್ಗೆ ತಕರಾರು ಮಾಡುತ್ತಿದ್ದಾರೆ. ಇತರ ಸಮಸ್ಯೆ ಬಗೆಹರಿಸುವತ್ತ ಗಮನಹರಿಸಿ ಎಂದು ಮಾಧ್ಯಮಗೋಷ್ಠಿಯಲ್ಲಿ ಹೇಳಿದರು. ಸೀಮಾನ್ ಹೇಳಿಕೆಗೆ ಹಿಂದೂ ಸಮುದಾಯಗಳು ಕೂಡ ಆಕ್ರೋಶ ವ್ಯಕ್ತಪಡಿಸಿವೆ.

ಪ್ರಸಾದದ ಪಾವಿತ್ರ್ಯತೆ ಮರುಕಳಿಸಿರುವುದಾಗಿ ದೇವಸ್ಥಾನದ ಆಡಳಿತ ಮಂಡಳಿ ಹೇಳಿಕೆ ನೀಡಿದೆ. ಈಗ ಪ್ರಸಾದ ಸಂಪೂರ್ಣ ಶುದ್ಧವಾಗಿದೆ ಎಂದು ತಿರುಮಲ ತಿರುಪತಿ ದೇವಸ್ಥಾನಂ (ಟಿಟಿಡಿ) ಹೇಳಿದೆ.

ಶುಕ್ರವಾರ ತಡರಾತ್ರಿ ಟಿಟಿಡಿ ಸಾಮಾಜಿಕ ಜಾಲತಾಣ ಎಕ್ಸ್ ನಲ್ಲಿ , ಶ್ರೀವಾರಿ ಲಡ್ಡುವಿನ ದೈವತ್ವ ಮತ್ತು ಪಾವಿತ್ರ್ಯ ಈಗ ನಿಷ್ಕಳಂಕವಾಗಿದೆ. ಎಲ್ಲಾ ಭಕ್ತರಿಗೆ ತೃಪ್ತಿಯಾಗುವಂತೆ ಲಡ್ಡು ಪ್ರಸಾದದ ಪಾವಿತ್ರ್ಯತೆ ಕಾಪಾಡಲು ಟಿಟಿಡಿ ಬದ್ಧವಾಗಿದೆ.

https://www.vijayavani.net/do-you-know-the-marks-scored-by-actor-darshan-in-sslc-this-is-the-real-truth-revealed-by-actor