ಸೊಂಟ ಮತ್ತು ಬೆನ್ನು ನೋವಿಗೆ ರಾಮಬಾಣ, ಈ ಯೋಗಾಸನ!

ಆಧುನಿಕ ಜೀವನಶೈಲಿಯಿಂದ ಉಂಟಾಗುವ ಸೊಂಟ ನೋವು, ಬೆನ್ನು ನೋವುಗಳಿಗೆ ಪರಿಹಾರ ನೀಡುವ ಯೋಗಾಸನಗಳಲ್ಲಿ 'ಶಲಭಾಸನ'ವೂ ಒಂದು. ಈ ಆಸನದ ನಿಯಮಿತ ಅಭ್ಯಾಸದಿಂದ ಬೆನ್ನಿನ ಕೆಳಭಾಗದ ಸ್ನಾಯುಗಳು ಬಲಗೊಳ್ಳುತ್ತವೆ.

ಪ್ರಯೋಜನಗಳು: ಬೆನ್ನಿನ ಕೆಳಭಾಗದ ಸ್ನಾಯುಗಳು ಹದಗೊಳ್ಳುತ್ತವೆ. ಬೆನ್ನು, ಸೊಂಟ ಮತ್ತು ತೊಡೆಗಳು ಬಲಗೊಳ್ಳುತ್ತವೆ. ಮಧುಮೇಹ ನಿಯಂತ್ರಣಕ್ಕೆ ಈ ಆಸನ ಸಹಕಾರಿ. ಭುಜ ಮತ್ತು ಕುತ್ತಿಗೆಯ ಸ್ನಾಯುಗಳು ಬಲಗೊಳ್ಳುತ್ತವೆ. ಮೂತ್ರಜನಕಾಂಗಗಳು ಸಚೇತನಗೊಳ್ಳುತ್ತವೆ. ಮೂಲಾಧಾರ ಮತ್ತು ಮಣಿಪುರ ಚಕ್ರಗಳ ಸುಸ್ಥಿತಿಗೆ ಇದು ಸಹಕಾರಿ.

ಇದನ್ನೂ ಓದಿ: ಸೊಂಟದ ಬೊಜ್ಜು ಕರಗಿಸಿ ದೇಹದ ತೂಕ ಇಳಿಸಲು ಮರೀಚ್ಯಾಸನ ಮಾಡಿ!

ಅಭ್ಯಾಸಕ್ರಮ: ಜಮಖಾನದ ಮೇಲೆ ಮಕರಾಸನದಲ್ಲಿ ಮಲಗಬೇಕು. ಕಾಲುಗಳನ್ನು ಜೋಡಿಸಿ, ಕೈಗಳನ್ನು ಗಲ್ಲಕ್ಕೆ ಇಟ್ಟುಕೊಂಡು ಹಾಯಾಗಿರಬೇಕು. ಸೊಂಟದ ಕೆಳಭಾಗದಿಂದ ಎರಡೂ ಕಾಲುಗಳನ್ನು ಸಾಧ್ಯವಾದಷ್ಟೂ ಮಡಿಸಿ ಪೃಷ್ಠದ ಕಡೆಗೆ ತರಬೇಕು. ಹೀಗೆ ಎರಡು ಮೂರು ಬಾರಿ ಮಡಿಸುವುದು, ಚಾಚುವುದು ಮಾಡಬೇಕು. ಈ ಸ್ಥಿತಿಯಲ್ಲಿ ಸಹಜ ಉಸಿರಾಟ ನಡೆಸುತ್ತಿರಬೇಕು. ಆಮೇಲೆ ಉಸಿರನ್ನು ಬಿಡುತ್ತಾ ಮಕರಾಸನಕ್ಕೆ ಹಿಂತಿರುಗಿ ವಿರಮಿಸಬೇಕು.

ಸೊಂಟ ಅಥವಾ ಬೆನ್ನು ನೋವು ಇರುವವರು ದಿನಕ್ಕೆ 2-3 ಬಾರಿ ಶಲಭಾಸನವನ್ನು ಅಭ್ಯಾಸ ಮಾಡಬೇಕು. ಆದರೆ ಹೃದಯದ ಸಮಸ್ಯೆ ಇರುವವರು ಈ ಆಸನ ಮಾಡಬಾರದು.

https://www.vijayavani.net/women-be-cautious-about-breast-cancer-symptoms-tests-and-treatment-details-here-by-raksha-rao/

https://www.vijayavani.net/al-qaida-congratulates-taliban-says-liberate-kashmir/