VIDEO| ಮೈಕಲ್​ ಜಾಕ್ಸನ್​ ಮೂನ್​ ವಾಕ್​ ಮೂಲಕ ಸಂಚಾರ ನಿರ್ವಹಿಸೋ ಪೇದೆಯ ಹಿಂದಿದೆ ಕಣ್ಣೀರ ಕತೆ..!

ಇಂದೋರ್​: ಯಾವುದೇ ಕೆಲಸ ಮಾಡಿದರೂ ಅದರಲ್ಲೇ ಖುಷಿ ಕಾಣಬೇಕು ಎಂಬ ಹಿರಿಯರ ಮಾತಿಗೆ ಉದಾಹರಣೆಯಾಗಿ ಮಧ್ಯಪ್ರದೇಶದ ಇಂದೋರ್​ನ ಸಂಚಾರಿ ಪೊಲೀಸ್​ ಒಬ್ಬರು ನಿಂತಿದ್ದಾರೆ.

ಪ್ರತಿನಿತ್ಯ ವಾಹನಗಳ ಶಬ್ದದ ಕಿರಿಕಿರಿ, ಹಾನಿಕಾರಕ ಹೊಗೆ ಮತ್ತು ವಾಹನ ದಟ್ಟಣೆಯನ್ನು ನೋಡಿ...ನೋಡಿ ಬಹುತೇಕ ಸಂಚಾರಿ ಪೇದೆಗಳ ಮುಖ ಬಸವಳಿದು, ನಗು ಮರೆಯಾದಂತೆ ಕಾಣುತ್ತಿರುತ್ತದೆ. ಆದರೆ, ಇಂದೋರ್​ನ​ ಸಂಚಾರಿ ಪೇದೆ ರಂಜೀತ್​ ಸಿಂಗ್​ ಕೊಂಚ ವಿಭಿನ್ನವಾಗಿ ನಿಲ್ಲುತ್ತಾರೆ. ಏಕೆಂದರೆ, ಡ್ಯಾನ್ಸ್​ ಮಾಡುತ್ತಾ ಸಂಚಾರ ನಿರ್ವಹಣೆ ಮಾಡುವುದರೊಂದಿಗೆ ತಾವು ಖುಷಿಯಾಗಿ ವಾಹನ ಸವಾರರ ಮನವನ್ನು ತಣಿಸುತ್ತಿದ್ದಾರೆ.

ಇದನ್ನೂ ಓದಿ: ಸೆಕ್ಸ್​ ಬಗ್ಗೆ ಮುಕ್ತವಾಗಿ ಮಾತನಾಡಿದ ಮಹಿಳೆ: ವಿಡಿಯೋ ವೈರಲ್​ ಬೆನ್ನಲ್ಲೇ ಯೂಟ್ಯೂಬರ್​ ಅರೆಸ್ಟ್​!

ಅಂದಹಾಗೆ ರಂಜೀತ್​ ಅವರು ಸಂಚಾರ ನಿರ್ವಹಣೆ ವೇಳೆ ಹಾಕುವ ಹೆಜ್ಜೆ, ಪಾಪ್​ ಸಂಗೀತ ಲೋಕದ, ಎಂದೂ ಮರೆಯದ ದಂತಕತೆ ಮೈಕಲ್​ ಜಾಕ್ಸನ್​ ಅವರ ಮೂನ್​ ವಾಕ್​ ಸ್ಟೆಪ್ಸ್​. ಕಳೆದ 16 ವರ್ಷಗಳಿಂದ ರಂಜೀತ್​ ಅವರು ತಮ್ಮ ವೃತ್ತಿಯಲ್ಲಿ ಡ್ಯಾನ್ಸ್​ ಅಳವಡಿಸಿಕೊಂಡು ಸೇವೆ ಮಾಡುತ್ತಾ ಖುಷಿ ಕಾಣುತ್ತಾ ಬಂದಿದ್ದಾರೆ. ಹೀಗಾಗಿಯೇ ರಂಜೀತ್​ ಅವರು ಸೋಶಿಯಲ್​ ಮೀಡಿಯಾ ಸ್ಟಾರ್​ ಜತೆಗೆ ಸ್ಥಳೀಯ ಸೆಲೆಬ್ರಿಟಿಯು ಆಗಿದ್ದಾರೆ. ಅನೇಕ ಮಂದಿ ರಂಜೀತ್​ ಅವರೊಂದಿಗೆ ಸೆಲ್ಫಿ ತೆಗೆದುಕೊಳ್ಳಲು ಮುಗಿಬೀಳುತ್ತಾರೆ.

ತಮ್ಮ ಕರ್ತವ್ಯದ ಬಗ್ಗೆ ಮಾತನಾಡಿರುವ ರಂಜೀತ್​, ಸುಮಾರು 16 ವರ್ಷದಿಂದ ಕರ್ತವ್ಯದಲ್ಲಿ ಡ್ಯಾನ್ಸ್​ ಅಳವಡಿಕೊಂಡಿದ್ದೇನೆ. ಸ್ಥಳವೊಂದರಲ್ಲಿ ಅಪಘಾತ ಸಂಭವಿಸಿದ್ದು, ಜನದಟ್ಟನೆ ನಿಯಂತ್ರಿಸಬೇಕೆಂಬ ಸಂದೇಶವೊಂದು ನನ್ನ ಸಂವಹನ ಸಾಧನಕ್ಕೆ ಬಂದಿತು. ತಕ್ಷಣ ನಾನು ಘಟನಾ ಸ್ಥಳಕ್ಕೆ ಹೋಗಿ ನೋಡಿದಾಗ, ನನಗೆ ಶಾಕ್​ ಆಯಿತು. ಏಕೆಂದರೆ, ಅಪಘಾತದಲ್ಲಿ ಮೃತಪಟ್ಟವನು ನನ್ನ ಸ್ನೇಹಿತನಾಗಿದ್ದ. ಇದೇ ತಲ್ಲಣದಿಂದ ನಾನು ರಸ್ತೆಯಲ್ಲಿ ಅಡ್ಡಾಡುವಾಗ, ನನ್ನ ಚಲನೆಯಿಂದ ಜನರು ನಿಲ್ಲುತ್ತಾರೆಂದು ನನ್ನ ಮೇಲಾಧಿಕಾರಿಗಳು ಹೇಳಿದರು. ಅಂದಿನಿಂದ ನನ್ನ ವೃತ್ತಿಗೆ ಮೂನ್​ ವಾಕ್​ ಸೇರಿಕೊಂಡೆ ಎನ್ನುತ್ತಾರೆ ರಂಜೀತ್​.

ಇದನ್ನೂ ಓದಿರಿ: ಮಗನ ದುರಾಸೆಗೆ ತಂದೆ ಬಲಿ: ಅಂತ್ಯಸಂಸ್ಕಾರ ಮಾಡ್ಬೇಕು ಎಲ್ಲಿದ್ರೂ ಬೇಗ ಬಾ ಮಗನೇ… ತಾಯಿಯ ಗೋಳಾಟ

ವಿದ್ಯಾರ್ಥಿ ದೆಸೆಯಿಂದಲೂ ರಂಜೀತ್​ ಅವರಿಗೆ ಡ್ಯಾನ್ಸ್​ ಅಂದ್ರೆ ತುಂಬಾ ಇಷ್ಟವಿತ್ತಂತೆ. ಬಡತನದಿಂದಾಗಿ ಡ್ಯಾನ್ಸ್​ ಮುಂದುವರಿಸಲು ಸಾಧ್ಯವಾಗಲಿಲ್ಲ. ಇಂದು ಡ್ಯಾನ್ಸ್​ನಿಂದಲೇ ಸಂಚಾರಿ ನಿರ್ವಹಣೆಯನ್ನು ಉತ್ತಮವಾಗಿ ಮಾಡುತ್ತಿದ್ದೇನೆ ಎಂದಿರುವ ರಂಜೀನ್​, ವಾಹನ ಸವಾರರ ಮುಖದಲ್ಲಿ ಮಂದಹಾಸ ಮೂಡಿಸುತ್ತಿದ್ದಾರೆ. ಜನರು ಕೆಲವೊಮ್ಮೆ ಕೆಟ್ಟ ಮೂಡ್​ನಿಂದ ರಸ್ತೆಗೆ ಇಳಿದಿರುತ್ತಾರೆ. ಆದರೆ, ನನ್ನ ಡ್ಯಾನ್ಸ್​ ನೋಡಿದಾಗ ಮನಸಿನ ಭಾರ ಕಡಿಮೆಯಾಗುತ್ತದೆ ಎಂದಿದ್ದಾರೆ.

ರಂಜೀತ್​ ಅವರ ಕೆಲಸವನ್ನು ಹೊಗಳಿರುವ ಹೆಚ್ಚುವರಿ ಪೊಲೀಸ್​ ವರಿಷ್ಠಾಧಿಕಾರಿ ಪ್ರಶಾಂತ್​ ಛೋಬೆ, ರಂಜೀತ್​ ಅವರ ಕೆಲಸವನ್ನು ಉತ್ತಮವಾಗಿ ಮಾಡುತ್ತಿದ್ದಾರೆ. ಅವರನ್ನು ಎಲ್ಲಿಗೆ ನಿಯೋಜಿಸಿದರೂ ಸಂಚಾರ ಮೃದುವಾಗಿ ಸಾಗುತ್ತದೆ. ಯಾರನ್ನೇ ತಡೆದರೂ ಅವರು ರಂಜೀತ್​ ಜತೆಯಲ್ಲಿ ಜಗಳ ಆಡುವುದಿಲ್ಲ ಎಂದಿದ್ದಾರೆ.

ಇದನ್ನೂ ಓದಿರಿ: ದುಬೈನಲ್ಲಿ ಗಂಡನ ಕಾರಿಗೆ ಬಲಿಯಾದ ಭಾರತೀಯ ಮಹಿಳೆ! ಗಾಡಿ ನಿಲ್ಲಿಸಲು​ ಸಹಾಯ ಮಾಡಿದ್ದೇ ತಪ್ಪಾಯಿತು

ಅನೇಕ ಟಿವಿ ಕಾರ್ಯಕ್ರಮಗಳಲ್ಲೂ ರಂಜೀತ್​ ಕಾಣಿಸಿಕೊಂಡಿದ್ದಾರೆ. ಉತ್ತಮ ಸಂಚಾರಿ ನಿರ್ವಹಣೆಯ ಪ್ರಶಸ್ತಿಯನ್ನು ಸಹ ಪಡೆದುಕೊಂಡಿದ್ದಾರೆ. ಡ್ಯಾನ್ಸ್​ ಮಾಡುತ್ತಾ ಸಂಚಾರಿ ನಿರ್ವಹಣೆ ಮಾಡುವುದನ್ನು ಹೊರತುಪಡಿಸಿದರೆ, ಇತರೆ ಸಂಚಾರಿ ಪೇದೆಗಳಿಗೆ ಚೆನ್ನಾಗಿ ತರಬೇತಿಯನ್ನು ಸಹ ನೀಡುತ್ತಾರೆ. (ಏಜೆನ್ಸೀಸ್​)

https://www.vijayavani.net/bodybuilder-cheats-on-doll-wife-with-bizarre-object-while-she-gets-repaired/

https://www.vijayavani.net/dharwad-accident-photo-making-family-sad/

https://www.vijayavani.net/womans-epic-reply-to-neighbours-note-telling-her-to-stop-screaming-during-night/