ಈ ಮಾಸ್ಕ್​​ನಲ್ಲಿ ಮೈಕ್​ ಇದೆ, ಸ್ಪೀಕರ್ ಇದೆ; ಅಪ್ಪ-ಅಮ್ಮನ ಕಷ್ಟ ನೋಡಿ ಮಗನೇ ಇದನ್ನು ತಯಾರಿಸಿದ!

ನವದೆಹಲಿ: ಕರೊನಾ ಬಂದ ಮೇಲೆ ಮಾಸ್ಕ್​ ಹಾಕಿಕೊಂಡೇ ಇರುವುದು ಅನಿವಾರ್ಯವಾಗಿದೆ. ಆದರೆ ಹಾಗೆ ಮಾಸ್ಕ್ ಹಾಕಿಕೊಂಡಿರುವಾಗ ಮಾತನಾಡಲು ಕಷ್ಟವಾಗುತ್ತದೆ ಎಂದು ಎಷ್ಟೋ ಜನ ಬಾಯಿಯಿಂದ ಕೆಳಗಿಳಿಸಿ ಗಲ್ಲದ ಮೇಲೆ ಮಾಸ್ಕ್​ ಇರಿಸಿಕೊಂಡಿರುವುದನ್ನೂ ಹಲವರು ನೋಡಿರುತ್ತೀರಿ. ಇನ್ನು ಕೆಲವರು ಹಾಗೆ ಪೂರ್ತಿ ಮುಚ್ಚಿಕೊಂಡೇ ಮಾಸ್ಕ್​ ಒಳಗಿನಿಂದಲೇ ಮಾತನಾಡಲು ಯತ್ನಿಸಿದರೂ ಎದುರಿಗಿದ್ದವರಿಗೆ ಎಷ್ಟೋ ಸಲ ಸರಿಯಾಗಿ ಕೇಳಿಸದಿರುವ ಉದಾಹರಣೆಯೂ ಇದೆ.

ಇಂಥದ್ದನ್ನು ತಪ್ಪಿಸಲೆಂದೇ ಇಲ್ಲೊಬ್ಬ ಯುವಕ ಮೈಕ್​-ಸ್ಪೀಕರ್ ಇರುವ ಮಾಸ್ಕ್ ಕಂಡು ಹಿಡಿದಿದ್ದಾನೆ. ಹೀಗೊಂದು ವಿಭಿನ್ನ ಮಾಸ್ಕ್​ ವಿನ್ಯಾಸ ಮಾಡಿದ್ದು ಒಬ್ಬ ವಿದ್ಯಾರ್ಥಿ. ಕೇರಳದ ತ್ರಿಶೂರ್​ನ ಬಿ.ಟೆಕ್ ಮೊದಲ ವರ್ಷದ ವಿದ್ಯಾರ್ಥಿ ಕೆವಿನ್ ಜಾಕೊಬ್​. ಅದರಲ್ಲೂ ಅಪ್ಪ-ಅಮ್ಮ ಮಾಸ್ಕ್​ ಹಾಕಿಕೊಂಡು ಮಾತನಾಡಲು ಕಷ್ಟಪಡುತ್ತಿದ್ದುದೇ ಈ ವಿದ್ಯಾರ್ಥಿ ಇಂಥದ್ದೊಂದು ಮಾಸ್ಕ್​ ಕಂಡುಹಿಡಿಯಲು ಪ್ರೇರಣೆ.

ಇದನ್ನೂ ಓದಿ: ಸೋಂಕಿತ ತಾಯಿ ತೀರಿಹೋದ ಮೂರೇ ದಿನಕ್ಕೆ ಅಣ್ಣ-ತಮ್ಮನೂ ಕರೊನಾಗೆ ಬಲಿ; ಅಮ್ಮಂದಿರ ದಿನವೇ ಇಬ್ಬರೂ ಏಕಕಾಲಕ್ಕೇ ನಿಧನ! 

ನನ್ನ ತಂದೆ-ತಾಯಿ ಇಬ್ಬರೂ ಡಾಕ್ಟರ್​. ಕರೊನಾ ಬಂದಾಗಿನಿಂದಲೂ ಅವರು ಮಾಸ್ಕ್ ಧರಿಸುತ್ತಿದ್ದು, ತಮ್ಮ ರೋಗಿಗಳ ಜತೆ ಮಾತನಾಡುವಾಗ ಬಹಳ ಕಷ್ಟಪಡುತ್ತಿದ್ದರು. ಅದರಲ್ಲೂ ಮಾಸ್ಕ್​, ಫೇಸ್​ಶೀಲ್ಡ್​ ಎಲ್ಲ ಹಾಕಿಕೊಂಡು ಮಾತನಾಡುವುದಂತೂ ನಿಜಕ್ಕೂ ಕಷ್ಟ. ಅದನ್ನು ನೋಡಿ ನಾನು ಹೀಗೆ ಮೈಕ್​-ಸ್ಪೀಕರ್ ಅಳವಡಿಸಿರುವ ಮಾಸ್ಕ್​ ರೂಪಿಸಿದ್ದೇನೆ. ಇದರಿಂದ ಅಗತ್ಯ ಸುರಕ್ಷೆಯೂ ಸಿಗುತ್ತದೆ, ಮಾತನಾಡಲೂ ಅನುಕೂಲ ಆಗುತ್ತದೆ ಎನ್ನುತ್ತಾನೆ ಕೆವಿನ್. ಸದ್ಯ ಈತ ಇಂಥ 50ಕ್ಕೂ ಅಧಿಕ ಮಾಸ್ಕ್​ ರೂಪಿಸಿ ದಕ್ಷಿಣ ಭಾರತದ ವೈದ್ಯರನೇಕರಿಗೆ ಕೊಟ್ಟಿರುವುದಾಗಿ ಹೇಳಿದ್ದಾನೆ.

https://www.vijayavani.net/delhi-hc-directs-whatsapp-to-suspend-services-of-users-pirating-radhe/

https://www.vijayavani.net/mla-opposed-to-convert-school-into-covid-care-centre/