ಇದು ಆಲು ಸಮೋಸಾ ಅಲ್ಲ ಬೆಂಡೆಕಾಯಿ ಸಮೋಸಾ: ವಿಡಿಯೋ ವೈರಲ್..Bhindi Samosa

Bhindi Samosa: ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಮಾಧ್ಯಮದಲ್ಲಿ ಆಹಾರದ ಹೊಸ ಹೊಸ ಪ್ರಯೋಗಗಳು ಬಹಳ ಜನಪ್ರಿಯವಾಗುತ್ತಿದೆ. ವಿಶಿಷ್ಟ ಅಡುಗೆ ವಿಧಾನ, ಹೊಸ ಕೈರುಚಿ ಹಾಗೂ ಅಸಾಮಾನ್ಯ ಪದಾರ್ಥಗಳನ್ನು ಬಳಸಿ ಅಡುಗೆ ಮಾಡುವ ವಿಧಾನಗಳು ಸೋಶಿಯಲ್​ ಮಿಡೀಯಾದಲ್ಲಿ ತುಂಬಿರುವುದನ್ನು ನಾವು ನೋಡಿದ್ದೇವೆ.

ಕೆಲವೊಂದು ಆಹಾರ ಪದಾರ್ಥಗಳು ನಮ್ಮಲ್ಲಿ ಕುತೂಹಲ ಹುಟ್ಟಿಸುವುದುಂಟು. ಅದೇ ರೀತಿ ಭಾರತೀಯ ಜನಪ್ರಿಯ ತಿಂಡಿ ಸಮೋಸಾ ಇದೀಗ ಹೊಸ ರುಚಿಯನ್ನು ಪಡೆದುಕೊಂಡಿದೆ. ಆಲೂಗಡ್ಡೆಯ ಬದಲಿಗೆ ಸಮೋಸದಲ್ಲಿ ಬೆಂಡೆಕಾಯಿ ತುಂಬಿಸಿ ಸಮೋಸಾದ ಹೊಸ ರುಚಿಯ ವಿಡಿಯೋ ಇದೀಗ ಸೋಶಿಯಲ್​ ಮಿಡೀಯಾದಲ್ಲಿ ಸಖತ್​​​ ವೈರಲ್​​ ಆಗುತ್ತಿದೆ.

ಇಲ್ಲಿದೆ ನೋಡಿ ವಿಡಿಯೋ

ಇನ್​ಸ್ಟಾಗ್ರಾಮ್​​ನಲ್ಲಿ ಫುಡ್​​ ಬ್ಲಾಗರ್ ಒಬ್ಬರು ಸಮೋಸಾ ಮಾಡುವ ಹೊಸ ವಿಧಾನದ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಒಬ್ಬ ವ್ಯಕ್ತಿಯು ಗ್ರೇವಿ, ಹಸಿರು ಚಟ್ನಿ ಮತ್ತು ಕೆಲವು ಮಸಾಲೆಗಳೊಂದಿಗೆ ಬೆಂಡೆಕಾಯಿ ಸೇರಿಸಿ ಸಮೋಸವನ್ನು ತಯಾರಿಸಿದ್ದಾನೆ. ಈ ವಿಡಿಯೋ 1.7 ಮಿಲಿಯನ್‌ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿದೆ.

ಇದನ್ನೋ ಓದಿ: ಭದ್ರತಾ ಪಡೆಗಳು ಮತ್ತು ಭಯೋತ್ಪಾದಕರ ನಡುವೆ ಗುಂಡಿನ ಚಕಮಕಿ: ಒಬ್ಬ ಸೈನಿಕ ಹುತಾತ್ಮ...

ಈ ಪೋಸ್ಟ್‌ಗೆ ಲೆಕ್ಕವಿಲ್ಲದಷ್ಟು ಲೈಕ್‌ಗಳು ಮತ್ತು ಕಾಮೆಂಟ್‌ಗಳು ಬಂದಿವೆ. ಆದರೆ ಹಲವಾರು ಜನರು ಇದರಿಂದ ಸಂತೋಷವಾಗಿಲ್ಲ. ಒಬ್ಬ ವ್ಯಕ್ತಿ "ಓ ದೇವರೇ... ಹೇ ಹರಿರಾಮ್ ಕೃಷ್ಣ ಜಗನ್ನಾಥ್ ಪ್ರೇಮಾನಂದ ಏನಾಯಿತು" ಎಂದು ಬರೆದಿದ್ದಾರೆ. ಮತ್ತೊಬ್ಬ ಬಳಕೆದಾರರು "ಭಿಂಡಿ ಮತ್ತು ಸಮೋಸಾಗೆ ನ್ಯಾಯ" ಎಂದು ಹೇಳಿದರೆ, ಇನ್ನೊಬ್ಬರು "ಅಬ್ ಕುಚ್ ದಿನ್ ಬಾದ್ ಬಂಗನ್ ಸಮೋಸಾ, ದಾಲ್ ಚಾವಲ್ ಸಮೋಸಾ, ಖಿಚಡಿ ಸಮೋಸಾ ಸಬ್ ಆಯೇಗಾ" ಎಂದು ಕಾಮೆಂಟ್​​ ಮಾಡಿದ್ದಾರೆ.(ಏಜೆನ್ಸೀಸ್​)