ಈ ವಾರ Bigg Boss ಮನೆಯಿಂದ ಎಲಿಮಿನೇಟ್​ ಆಗಿದ್ದು ಇವರೇ ನೋಡಿ; ವೈಲ್ಡ್​ಕಾರ್ಡ್​ ಮೂಲಕ ಎಂಟ್ರಿ ಕೊಟ್ಟ ಇಬ್ಬರು

ಬೆಂಗಳೂರು: ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ಬಾಸ್​ ಆರಂಭವಾಗಿ ಏಳು ವಾರಗಳು ಕಳೆದಿದ್ದು, ಸ್ಫರ್ಧಿಗಳ ನಡುವಿನ ಕಿತ್ತಾಟ ಹಾಗೂ ವಿವಾದದಿಂದಲೇ ಹೆಚ್ಚು ಸದ್ದು ಮಾಡುತ್ತಿದೆ. ಮನೆಯಿಂದ ಈಗಾಗಲೇ ಯಮುನಾ, ರಂಜಿತ್​, ಜಗದೀಶ್​, ಹಂಸಾ ಹಾಗೂ ಮಾನಸ ಎಲಿಮಿನೇಟ್​ ಆಗಿದ್ದು, ಈ ವಾರವೂ ಕೂಡ ಎಲಿಮಿನೇಷನ್​ (Elimination) ನಡೆಯಲಿದೆ. ಆದರೆ ಎಲಿಮಿನೇಷನ್​ ವಿಚಾರಕ್ಕೆ ಸಂಬಂಧಿಸಿದಂತೆ ಬಿಗ್​ಬಾಸ್​ (Bigg Boss) ಕಾರ್ಯಕ್ರಮ ಸಖತ್​ ಸೌಂಡ್​ ಮಾಡುತ್ತಿದೆ.

ರಂಜಿತ್​ ಹಾಗೂ ಜಗದೀಶ್​ ಮನೆಯಿಂದ ನೇರವಾಗಿ ಎಲಿಮಿನೇಟ್​ ಆದ ಬಳಿಕ ಗಾಯಕ ಹನುಮಂತು ವೈಲ್ಡ್​ಕಾರ್ಡ್​ ಸ್ಫರ್ಧಿಯಾಗಿ ಎಂಟ್ರಿ ಕೊಟ್ಟಿದ್ದರು. ಆ ಬಳಿಕ ನಡೆದ ಟಾಸ್ಕ್​ಗಳಲ್ಲಿ ಭರ್ಜರಿ ಪ್ರದರ್ಶನ ನೀಡುವ ಮೂಲಕ ಹನುಮಂತು ಅವರು ಎರಡೆರಡು ಬಾರಿ ಕ್ಯಾಪ್ಟನ್​ ಆಗಿದ್ದು, ಮನೆಯಲ್ಲಿರುವ ಇತರೆ ಸ್ಫರ್ಧಿಗಳಿಗೆ ಟಕ್ಕರ್​ ಕೊಟ್ಟಿದ್ದಾರೆ. ದಿನ ಕಳೆದಂತೆ ಹನುಮಂತು ಸ್ಟ್ರಾಂಗ್ ಸ್ಪರ್ಧಿಯಾಗಿ ಹೊರಹೊಮ್ಮುತ್ತಿದ್ದು, ಇದರ ನಡುವೆಯೇ ಎಲಿಮಿನೇಷನ್​ಗೆ ಸಂಬಂಧಿಸಿದ ವಿಚಾರ ಹೊರಬಂದಿದೆ.

ಅದರಂತೆ ಕಾರ್ಯಕ್ರಮ ಶುರುವಾಗಿ ಏಳು ವಾರಗಳಾಗಿದ್ದು, ಈ ವಾರ ಮನೆಯಿಂದ ನಟಿ ಅನುಷಾ ರೈ ಎಲಿಮಿನೇಟ್​ ಆಗಿದ್ದಾರೆ ಎಂಬ ವಿಚಾರ ಹೊರಬಿದ್ದಿದೆ. ಸುದ್ದಿ ಮೂಲಗಳ ಪ್ರಕಾರ ಅತಿ ಕಡಿಮೆ ವೋಟ್‌ ಪಡೆದ ಕಾರಣ ಅನುಷಾ ರೈ ಬಿಗ್​ಬಾಸ್​ ಮನೆಯಿಂದ ಎಲಿಮಿನೇಟ್​ ಆಗಿದ್ದಾರೆ ಎಂದು ವರದಿಯಾಗಿದ್ದು, ಈ ಬಗ್ಗೆ ಇನ್ನಷ್ಟೇ ಅಧಿಕೃತವಾಗಬೇಕಿದೆ.

ಅನುಷಾ, ಭವ್ಯ, ಮಂಜು, ಧನರಾಜ್, ಧರ್ಮ, ಗೌತಮಿ, ಹನುಮಂತ, ಮೋಕ್ಷಿತಾ, ಸುರೇಶ್ ಮತ್ತು ಶಿಶಿರ್ ಈ ವಾರದ ಎಲಿಮಿನೇಷನ್‌ ರೇಸ್‌ನಲ್ಲಿದ್ದರು. ಅದರಂತೆ ಸುರೇಶ್​ ಹಾಗೂ ಮೋಕ್ಷಿತಾ ಶನಿವಾರದ ಸಂಚಿಕೆಯಲ್ಲಿ ಸೇವ್​ ಆಗಿದ್ದಾರೆ. ಇನ್ನೂ ಈ ವಾರ ಮನೆಗೆ ಇಬ್ಬರು ಹೊಸ ಸ್ಫರ್ಧಿಗಳು ವೈಲ್ಡ್​ಕಾರ್ಡ್​ ಮೂಲಕ ಎಂಟ್ರಿಕೊಟ್ಟಿದ್ದು, ಕೇಳಿ ಬಂದಿರುವ ಮಾಹಿತಿ ಪ್ರಕಾರ ರಜತ್​ ಹಾಗೂ ಶೋಭಾ ಶೆಟ್ಟಿ ದೊಡ್ಮನೆಗೆ ಎಂಟ್ರಿ ಕೊಟ್ಟಿದ್ಧಾರೆ ಎಂದು ಹೇಳಲಾಗಿದ್ದು, ಇನ್ನಷ್ಟೇ ಅಧಿಕೃತವಾಗಬೇಕಿದೆ.

https://www.vijayavani.net/mohammed-shami-to-join-team-india-for-border-gavaskar-trophy-set-to-leave-for-australia-with-rohit-sharma-report

https://www.vijayavani.net/8-killed-17-injured-as-21-year-old-goes-on-stabbing-spree-in-china