ನಟ ಧನುಷ್​ ಮುಂದಿನ ಚಿತ್ರಕ್ಕೆ ಇವರೇ ನಾಯಕಿ?

ತಮಿಳುನಾಡು: ಕಾಲಿವುಡ್​ ಚಿತ್ರರಂಗದ ಸ್ಟಾರ್​ ನಟ ಧನುಷ್​ ಅವರ ಮುಂಬರುವ ಚಿತ್ರಕ್ಕೆ ನಾಯಕಿಯಾಗಿ 'ಬುಟ್ಟ ಬೊಮ್ಮ' ಚಿತ್ರದ ಖ್ಯಾತಿಯ​ ಅನಿಖಾ ಸುರೇಂದ್ರನ್ ಕಾಣಿಸಿಕೊಳ್ಳಲಿದ್ದಾರೆ ಎಂಬ ವದಂತಿ ಇದೀಗ ಚಿತ್ರರಂಗದಲ್ಲಿ ವ್ಯಾಪಕವಾಗಿ ಚರ್ಚೆಯಾಗುತ್ತಿದೆ.

ಇದನ್ನೂ ಓದಿ: ಡೆಂಗ್ಯೂ ಏರಿಕೆ; ಆ್ಯಂಟಿ ಲಾರ್ವಾ ಸಿಂಪಡಿಸಲು ಡ್ರೋನ್‌ಗಳನ್ನು ಬಳಸಲು ಮುಂದಾದ ದೆಹಲಿ ಮುನ್ಸಿಪಾಲಿಟಿ

'ಬುಟ್ಟ ಬೊಮ್ಮ' ಚಿತ್ರದ ಮೂಲಕ ಪರಿಪೂರ್ಣ ನಾಯಕಿಯಾಗಿ ಟಾಲಿವುಡ್​ನಲ್ಲಿ ಹೊರಹೊಮ್ಮಿದ ನಟಿ ಅನಿಖಾ ಸುರೇಂದ್ರನ್, ಈ ಹಿಂದೆ 'ಯೆನೈ ಅರಿಂದಾಲ್' ಮತ್ತು 'ವಿಶ್ವಾಸಂ' ಚಿತ್ರಗಳ ಪಾತ್ರಗಳಲ್ಲಿ ಅಭಿನಯಿಸುವ ಮುಖೇನ ಇದೀಗ ಸಿನಿಪ್ರಿಯರಿಗೆ ಮತ್ತಷ್ಟು ಚಿರಪರಿಚಿತ. ಸದ್ಯ ದುಲ್ಕರ್ ಸಲ್ಮಾನ್ ಅವರ 'ಕಿಂಗ್ ಆಫ್ ಕೋಥಾ'ದಲ್ಲಿ ಅಭಿನಯಿಸಿದ್ದು, ಈ ಚಿತ್ರ ಓಣಂ ಹಬ್ಬದಂದು ಬಿಡುಗಡೆಯಾಗಲು ಸಜ್ಜಾಗಿದೆ.

ಧನುಷ್ ಅವರ ಮುಂಬರುವ 'ಡಿ 50' (ತಾತ್ಕಾಲಿಕ ಟೈಟಲ್​) ಚಿತ್ರದಲ್ಲಿ ಅನಿಖಾ ಸುರೇಂದ್ರನ್​ ಮಹತ್ವದ ಪಾತ್ರವನ್ನು ನಿಭಾಯಿಸಲಿದ್ದಾರೆ ಎಂದು ಹೇಳಲಾಗಿದೆ. ಈ ಚಿತ್ರ ಗ್ಯಾಂಗ್‌ಸ್ಟರ್ ಸಿನಿಮಾ ಎಂದು ತಿಳಿಸಿದ್ದು, ಪ್ರಸ್ತುತ ನಿರ್ಮಾಣ ಹಂತದಲ್ಲಿದೆ.

ಇದನ್ನೂ ಓದಿ: ಬೆಳ್ಳಂಬೆಳಗ್ಗೆ ಪಾಲಿಕೆ ಆಯುಕ್ತರ ಕಾರ್ಯಾಚರಣೆ; ಅಂಗಡಿಕಾರರಿಗೆ ಬಿಸಿ-ವಿಜಯವಾಣಿ ವರದಿಗೆ ಜನರ ಮೆಚ್ಚುಗೆ

ಸದ್ಯ ಚಿತ್ರದ ಬಗ್ಗೆ ಮತ್ತಷ್ಟು ಮಾಹಿತಿಯನ್ನು ಚಿತ್ರತಂಡ ಅಧಿಕೃತವಾಗಿ ಘೋಷಿಸಲಿದೆ ಎಂದು ನಿರೀಕ್ಷಿಸಲಾಗಿದ್ದು, ಡಿ 50 ಸಿನಿಮಾದಲ್ಲಿ ಧನುಷ್ ಜತೆಗೆ ವಿಷ್ಣು ವಿಶಾಲ್ ಮತ್ತು ಎಸ್.ಜೆ. ಸೂರ್ಯ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ ಎಂದು ಹೇಳಲಾಗಿದೆ,(ಏಜೆನ್ಸೀಸ್).

https://www.vijayavani.net/mcd-to-use-drones-to-spray-anti-larval-due-to-dengue-spike