ಕೇಂದ್ರ ಹಣಕಾಸು ಸಚಿವಾಲಯದ ವೆಚ್ಚ ಇಲಾಖೆ 17 ರಾಜ್ಯಗಳಿಗೆ 2021&22ನೇ ಸಾಲಿನ ಹಂಚಿಕೆ ನಂತರದ ಆದಾಯ ಕೊರತೆಯ (ಪಿಡಿಆರ್ಡಿ) 3ನೇ ತಿಂಗಳ ಕಂತು 9,871 ಕೋಟಿ ರೂ. ಬಿಡುಗಡೆ ಮಾಡಿದೆ. ಇದರಲ್ಲಿ ಕರ್ನಾಟಕಕ್ಕೆ 135 ಕೋಟಿ ರೂ. ಮಾತ್ರ ಲಭ್ಯವಾಗಿದೆ. ಈ ಮೂರನೇ ಕಂತಿನ ಬಿಡುಗಡೆಯೊಂದಿಗೆ ಪ್ರಸಕ್ತ ಹಣಕಾಸು ವರ್ಷದ ಮೊದಲ ಮೂರು ತಿಂಗಳುಗಳಲ್ಲಿ ರಾಜ್ಯಗಳಿಗೆ ಬಿಡುಗಡೆ ಮಾಡಲಾದ ಹಂಚಿಕೆ ನಂತರದ ಆದಾಯ ಕೊರತೆಯ ಒಟ್ಟು ಮೊತ್ತ 29,613 ಕೋಟಿ ರೂ. ಆದಂತಾಗಿದೆ.
ಪೆಟ್ಟಿನ ಮೇಲೆ ಪೆಟ್ಟು: 14ನೇ ಹಣಕಾಸು ಆಯೋಗದಲ್ಲಿ ಕರ್ನಾಟಕಕ್ಕೆ ಬರಬೇಕಾಗಿರುವ ಒಟ್ಟಾರೆ ತೆರಿಗೆ ಹಣ ಶೇ.4.71ರಷ್ಟಕ್ಕೆ ಹೋಲಿಸಿದರೆ 15ನೇ ಹಣಕಾಸು ಆಯೋಗದಲ್ಲಿ ರಾಜ್ಯದ ಪ್ರಮಾಣ ಶೇ. 3.63ಕ್ಕೆ ತಗ್ಗಿತ್ತು. ಇದರಿಂದ ಸರಾಸರಿ ವರ್ಷಕ್ಕೆ 11 ಸಾವಿರ ಕೋಟಿ ರೂ. ಕೇಂದ್ರದ ಪಾಲು ಕಡಿಮೆಯಾಗಲಿದೆ.
ಆದಾಯ ಕೊರತೆ: 15ನೇ ಹಣಕಾಸು ಆಯೋಗ ರಾಜ್ಯಗಳಿಗೆ ಅನುದಾನವನ್ನು ಪುನರ್ ಹಂಚಿಕೆ ಮಾಡಿದ ಬಳಿಕ ಕರ್ನಾಟಕಕ್ಕೆ ಆದಾಯ ಕೊರತೆಯಾಗುತ್ತದೆ ಎಂದು ಸ್ಪಷ್ಟಮಾಡಿಯೇ "ಆದಾಯ ಕೊರತೆ ಅನುದಾನ' ಬಿಡುಗಡೆಗೆ ಶಿಾರಸು ಮಾಡಿದೆ. ಆದರೆ, ಇತರೆ ರಾಜ್ಯಗಳಿಗೆ ಹೋಲಿಸಿದರೆ ಕರ್ನಾಟಕ ಅತೀ ಕನಿಷ್ಠ ಪ್ರಮಾಣದಲ್ಲಿ ನೆರವು ಪಡೆಯುತ್ತಿದೆ. ಕಳೆದ ಮೂರು ತಿಂಗಳಲ್ಲಿ (ಏಪ್ರಿಲ್&ಜೂನ್) ಕೇರಳ& 4972.74 ಕೋಟಿ ರೂ., ಆಂಧ್ರ& 4214.24 ಕೋಟಿ ರೂ., ಅಸ್ಸಾಂ& 1593.99 ಕೋಟಿ ರೂ., ಹಿಮಾಚಲ ಪ್ರದೇಶ& 2562.24 ಕೋಟಿ ರೂ., ಪಂಜಾಬ್& 2520.24 ಕೋಟಿ ರೂ., ರಾಜಸ್ಥಾನ& 2469.51 ಕೋಟಿ ರೂ., ಪಶ್ಚಿಮ ಬಂಗಾಳ 4401.75 ಕೋಟಿ ರೂ. ಪಡೆದುಕೊಂಡಿದೆ. ಕರ್ನಾಟಕಕ್ಕೆ ಸಿಕ್ಕಿದ್ದು ಕೇವಲ 407.76 ಕೋಟಿ ರೂ. ಮಾತ್ರ. ಕೇಂದ್ರ ಮತ್ತು ರಾಜ್ಯದಲ್ಲಿ ಒಂದೇ ಪದ ಸರ್ಕಾರ ಇದ್ದರೆ ಸ್ವರ್ಗವನ್ನೇ ಇಳಿಸುತ್ತೇವೆಂದು ಆಡಳಿತ ಪ ಹೇಳಿಕೊಂಡಿತ್ತು. ಆದರೀಗ, ತದ್ವಿರುದ್ಧ ಬೆಳವಣಿಗೆ ನಡೆದು ಪ್ರತಿಪಕ್ಕೆ ಹಣಿಯಲು ಮತ್ತೊಂದು ಅಸ್ತ್ರ ಸಿಕ್ಕಂತಾಗಿದೆ.
