ಈ ಪಾನೀಯಗಳನ್ನು ಕುಡಿದರೆ ನಿಮ್ಮ ಜೀರ್ಣಕ್ರಿಯೆ ಸುಧಾರಿಸುತ್ತೆ..!

ಬೆಂಗಳೂರು: ಅನಿಯಮಿತ ಆಹಾರ ಸೇವನೆ, ತ್ವರಿತ ಆಹಾರ ಸೇವನೆ, ಸಂಸ್ಕರಿಸಿದ ಆಹಾರ ಮತ್ತು ಒತ್ತಡದಿಂದಾಗಿ ಅಜೀರ್ಣ ಉಂಟಾಗುತ್ತದೆ. ಜೀರ್ಣಕ್ರಿಯೆಯ ಪ್ರಕ್ರಿಯೆಯು ಆಹಾರವನ್ನು ಒಡೆಯುವುದು ಮಾತ್ರವಲ್ಲ, ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಒದಗಿಸುವುದಾಗಿದೆ.

ಇದನ್ನೂ ಓದಿ: 3 ಮಕ್ಕಳು ಸೇರಿದಂತೆ ಒಂದೇ ಕುಟುಂಬದ ನಾಲ್ವರು ಮೃತದೇಹವಾಗಿ ಪತ್ತೆ: ಅನುಮಾನ ಮೂಡಿಸಿದ ‘ಆಕೆ’ಯ ನಡೆ..

ಆಹಾರ ಸರಿಯಾಗಿ ಜೀರ್ಣವಾಗದಿದ್ದರೆ ಹೊಟ್ಟೆ ಉಬ್ಬರ, ಅಸಿಡಿಟಿಯಂತಹ ಸಮಸ್ಯೆಗಳು ಬರುತ್ತವೆ. ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸಲು ಮನೆಯಲ್ಲಿಯೇ ಹಲವು ಪಾನೀಯ ಸೇವಿಸಬಹುದಾಗಿದೆ. ಪುದೀನಾ ಮತ್ತು ತುಳಸಿಯಲ್ಲಿನ ಔಷಧೀಯ ಗುಣಗಳಿದ್ದು, ಇವುಗಳ ಎಲೆಗಳನ್ನು ಸ್ವಚ್ಛವಾಗಿ ತೊಳೆದು ನೀರಿನಲ್ಲಿ ಕುದಿಸಿ ಆರಿಸಿ ಕುಡಿಯಬಹುದಾಗಿದೆ. ಇದನ್ನು ಆಗಾಗ ಕುಡಿದರೆ ಜೀರ್ಣಕ್ರಿಯೆ ಸಮಸ್ಯೆಗಳು ಕಡಿಮೆಯಾಗುವುದಲ್ಲದೆ ದೇಹದಲ್ಲಿನ ಕಲ್ಮಶಗಳು ದೂರವಾಗುತ್ತವೆ. ರೋಗನಿರೋಧಕ ಶಕ್ತಿಯನ್ನು ಸುಧಾರಿಸುತ್ತದೆ

ಶುಂಠಿಯಲ್ಲಿರುವ ಫೀನಾಲಿಕ್ ಸಂಯುಕ್ತವು ಲಾಲಾರಸ ಮತ್ತು ಪಿತ್ತರಸದ ಉತ್ಪಾದನೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಶುಂಠಿಯು ಜೀರ್ಣಕ್ರಿಯೆಯಲ್ಲಿ ಲಿಪೇಸ್ ಕಿಣ್ವದ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ. ಶುಂಠಿಯನ್ನು ತುರಿದು ನೀರಿನಲ್ಲಿ ಕುದಿಸಿ, ಸ್ವಲ್ಪ ತಣ್ಣಗಾದ ನಂತರ ಈ ಮದ್ದನ್ನು ಸೋಸಿ ಕುಡಿದರೆ ಅಜೀರ್ಣ ಕಡಿಮೆಯಾಗುತ್ತದೆ.

ಇದನ್ನೂ ಓದಿ: ಏಲಿಯನ್‌ನಂತೆ ಕಾಣುವ ವಿಚಿತ್ರ ಮಗುವಿಗೆ ಜನ್ಮ ನೀಡಿದ ಮಹಿಳೆ..

ಜೀರಿಗೆಯು ಕಬ್ಬಿಣ, ರಂಜಕ, ಕ್ಯಾಲ್ಸಿಯಂ, ಸೋಡಿಯಂ, ಪೊಟಾಶಿಯಂ, ವಿಟಮಿನ್ ಎ, ವಿಟಮಿನ್ ಸಿನಿಂದ ಸಮೃದ್ಧವಾಗಿದ್ದು, ಇದು ಪಿತ್ತಜನಕಾಂಗದಲ್ಲಿ ಪಿತ್ತರಸದ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ. ಜೀರಿಗೆ ಹೊಟ್ಟೆ ನೋವು, ಅತಿಸಾರ ಮತ್ತು ಬೆಳಗಿನ ಬೇನೆಯಿಂದ ರಕ್ಷಿಸುತ್ತದೆ. ಒಂದು ಚಮಚ ಜೀರಿಗೆಯನ್ನು ತೊಳೆದು 150 ಮಿ.ಲೀ. ರಾತ್ರಿಯಿಡೀ ನೀರಿನಲ್ಲಿ ನೆನೆಸಿ, ಈ ನೀರನ್ನು ಮುಂಜಾನೆಯೇ ಕುಡಿದರೆ ಅಜೀರ್ಣ ಮತ್ತು ಮಲಬದ್ಧತೆ ಸಂಪೂರ್ಣ ಗುಣವಾಗುತ್ತದೆ.

ಸೋಂಪು ಹೆಚ್ಚಿನ ಫೈಬರ್ ಅಂಶವನ್ನು ಹೊಂದಿದೆ. ಇದರಲ್ಲಿರುವ ಕರಗದ ನಾರು ಜೀರ್ಣಕ್ರಿಯೆಗೆ ಒಳ್ಳೆಯದು. ಇದು ಕರುಳನ್ನು ಆರೋಗ್ಯವಾಗಿರಿಸುತ್ತದೆ. ಅಜೀರ್ಣ ಸಮಸ್ಯೆಯನ್ನು ನಿವಾರಿಸುತ್ತದೆ. ಒಂದು ಲೋಟ ನೀರಿಗೆ ಒಂದು ಚಮಚ ಸೋಂಪು ಕಾಳು ಸೇರಿಸಿ ಐದು ನಿಮಿಷ ಕುದಿಸಿ ಬೆಚ್ಚಗಾದ ನಂತರ ಕುಡಿಯಬಹುದಾಗಿದೆ. ಈ ವಿಷಯವು ಸಾಮಾನ್ಯ ಮಾಹಿತಿ ಮತ್ತು ಸಲಹೆಯನ್ನು ಮಾತ್ರ ಒದಗಿಸುತ್ತದೆ. ಇದು ಅರ್ಹ ವೈದ್ಯಕೀಯ ಅಭಿಪ್ರಾಯವಲ್ಲ. ಹೆಚ್ಚಿನ ಮಾಹಿತಿಗಾಗಿ ಯಾವಾಗಲೂ ತಜ್ಞ ಅಥವಾ ನಿಮ್ಮ ಸ್ವಂತ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.(ಏಜೆನ್ಸೀಸ್​)

https://www.vijayavani.net/black-magic-suspect-man-ends-old-womans-life-with-sharp-weapon-in-jharkhand

https://www.vijayavani.net/countdown-to-ganesh-chaturthi-festival-bbmp-releases-guidelines