ಸಿನಿಮಾ ಮತ್ತು ರಾಜಕಾರಣಕ್ಕೆ ಅವಿನಾಭಾವ ಸಂಬಂಧ. ಎರಡೂ ಸಾರ್ವಜನಿಕ ಕ್ಷೇತ್ರಗಳಾಗಿರುವುದೇ ಅದಕ್ಕೆ ಪ್ರಮುಖ ಕಾರಣ. ಸಿನಿಮಾ ಕಾರ್ಯಕ್ರಮಗಳಿಗೆ ರಾಜಕಾರಣಿಗಳು ಬರುವುದು, ರಾಜಕಾರಣಿಗಳ ಪರ ಸಿನಿಮಾ ಮಂದಿ ಪ್ರಚಾರ ಮಾಡುವುದು, ರಾಜಕಾರಣಿಗಳು ಚಿತ್ರಗಳಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸುವುದು, ರಾಜಕಾರಣಿಗಳ ಮಕ್ಕಳು ಸಿನಿಮಾಗಳಲ್ಲಿ ನಾಯಕ, ನಾಯಕಿಯಾಗಿರುವುದು, ಸಿನಿಮಾ ಮಂದಿ ರಾಜಕಾರಣಕ್ಕೂ ಎಂಟ್ರಿ ಕೊಡುವುದು ಸಾಮಾನ್ಯ. ಅದರ ಹೊರತಾಗಿಯೂ ರಾಜಕಾರಣಿಗಳು ಮತ್ತು ನಟ, ನಟಿಯರ ನಡುವಿನ ಸಂಬಂಧ ಆಗಾಗ ಮದುವೆಯ ಮೂಲಕವೂ ಗಟ್ಟಿಯಾಗಿದೆ. ಅದಕ್ಕೆ ಇತ್ತೀಚಿನ ಉದಾಹರಣೆ "ಟಗರು' ಚಿತ್ರದ ಕಾನ್ಸ್ಟೆಬಲ್ ಸರೋಜ ಖ್ಯಾತಿಯ ನಟಿ ತ್ರಿವೇಣಿ ರಾವ್ ಮತ್ತು ತ್ರಿಪುರ ಮಾಜಿ ಸಿಎಂ, ಸಂಸದ ಬಿಪ್ಲವ್ ಕುಮಾರ್ ದೇವ್ ಮದುವೆ. ಹಾಗಂತ ಈ ಎರಡೂ ಕ್ಷೇತ್ರಗಳ ಸಂಬಂಧ ಮೂರು ಗಂಟುಗಳಲ್ಲಿ ಬೆಸೆದುಕೊಂಡಿರುವುದು ಇದೇ ಮೊದಲೇನಲ್ಲ. ಈ ಹಿಂದೆಯೂ ಕೆಲ ನಟ, ನಟಿಯರು ರಾಜಕಾರಣಿಗಳನ್ನು ವರಿಸಿದ್ದಾರೆ.
