ಪ್ರಭಾಸ್​ 'ಸ್ಪಿರಿಟ್'​ಗೆ ದೀಪಿಕಾ ಗುಡ್​ಬೈ! ಈ ಇಬ್ಬರು ಸ್ಟಾರ್​ ನಟಿಯರ ಹೆಸರು ಮುಂಚೂಣಿ; ಯಾರಿಗೆ ಅವಕಾಶ? Prabhas Spirit

Prabhas Spirit: ತೆಲುಗು ನಿರ್ದೇಶಕ ಸಂದೀಪ್ ವಂಗಾ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಬಹುನಿರೀಕ್ಷಿತ ಡಾರ್ಲಿಂಗ್ ಪ್ರಭಾಸ್ ಅಭಿನಯಿಸುತ್ತಿರುವ ‘ಸ್ಪಿರಿಟ್’​ ಚಿತ್ರದಿಂದ ಇದೀಗ ನಟಿ ದೀಪಿಕಾ ಪಡುಕೋಣೆ ಹೊರನಡೆದಿದ್ದಾರೆ. ಈ ಸುದ್ದಿ ಅಧಿಕೃತವಾಗಿ ಹೊರಬಿದ್ದಿದ್ದು, ದುಬಾರಿ ಮೊತ್ತದ ಸಂಭಾವನೆ ಮತ್ತು ಚಿತ್ರದ ಲಾಭದ ಪಾಲು ಕೇಳಿದ ಹಿನ್ನೆಲೆ ದೀಪಿಕಾರನ್ನು ಚಿತ್ರದಿಂದ ತೆಗೆದುಹಾಕಲು ಸಂದೀಪ್ ಕಠಿಣ ನಿರ್ಧಾರ ಕೈಗೊಂಡಿರುವುದಾಗಿ ವರದಿಗಳು ಸೂಚಿಸಿವೆ.

ಇದನ್ನೂ ಓದಿ: ಆಡಳಿತ ಸುಧಾರಣೆಗೆ ಆಯೋಗದ ವೇಗ; ಅಕ್ರಮ ರೇಷನ್ ಕಾರ್ಡ್​ಗೆ ಕತ್ತರಿ

ಇನ್ನೇನು ಕೆಲವೇ ತಿಂಗಳಲ್ಲಿ ಚಿತ್ರೀಕರಣ ಪ್ರಾರಂಭಿಸಲು ಸಜ್ಜಾಗಿದ್ದ ನಿರ್ದೇಶಕರಿಗೆ ದೀಪಿಕಾ ಅವರ ಹಲವು ಷರತ್ತುಗಳು ಅತೀವ ಬೇಸರ ತಂದಿದ್ದು, ಈ ಸಿನಿಮಾದ ಪ್ರಮುಖ ಪಾತ್ರದಲ್ಲಿ ನಟಿಸಲು ಆಯ್ಕೆಯಾಗಿದ್ದ ಬಾಲಿವುಡ್​ ಬೆಡಗಿಗೆ ಗೇಟ್​ಪಾಸ್ ಕೊಟ್ಟಿದ್ದಾರೆ. ತಾನು ಹಾಕಿದ್ದ ಡಿಮಾಂಡ್​ಗಳನ್ನು ತಿರಸ್ಕರಿಸಿದ ಹಿನ್ನೆಲೆ ದೀಪಿಕಾ ಕೂಡ ಬೇಸರಗೊಂಡಿದ್ದು, ದಿಢೀರ್ ಎಂಬಂತೆ ಚಿತ್ರತಂಡದಿಂದ ಹೊರನಡೆದಿದ್ದಾರೆ.

'ಸ್ಪಿರಿಟ್​'ನಿಂದ ದೀಪಿಕಾ ಪಡುಕೋಣೆ ಹೊರನಡೆದಿದ್ದೇ ತಡ ಅವರ ಪಾತ್ರದಲ್ಲಿ ಇನ್ಯಾವ ಸ್ಟಾರ್ ನಟಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಸುದ್ದಿಗಳು ಟಾಲಿವುಡ್​ ಮತ್ತು ಬಾಲಿವುಡ್​ ಅಂಗಳದಲ್ಲಿ ಭಾರೀ ಸದ್ದು ಮಾಡಿವೆ. ಒಂದೆಡೆ ಬಾಲಿವುಡ್​ ನಟಿ ಶ್ರದ್ಧಾ ಕಪೂರ್​ ಅವರ ಹೆಸರು ಮುನ್ನೆಲೆಗೆ ಬಂದರೆ, ಮತ್ತೊಂದೆಡೆ, 'ಸೀತಾ ರಾಮಂ' ಖ್ಯಾತಿಯ ಮೃಣಾಲ್ ಠಾಕೂರ್​ ಅವರ ಹೆಸರು ಕೇಳಿಬಂದಿದೆ. ಈ ಇಬ್ಬರಲ್ಲಿ ಯಾರು ದೀಪಿಕಾ ಪಾತ್ರಕ್ಕೆ ಆಯ್ಕೆ ಆಗಲಿದ್ದಾರೆ ಎಂಬ ಪ್ರಶ್ನೆ ಸದ್ಯ ಸಿನಿಪ್ರಿಯರಲ್ಲಿ ಕಾಡತೊಡಗಿದೆ.

ಇದನ್ನೂ ಓದಿ: ಅಪ್ರಾಪ್ತರ ಸಹಾಯದಿಂದ ಪತಿಯನ್ನೇ ಚಟ್ಟಕ್ಕೇರಿಸಿದ ಪ್ರಾಂಶುಪಾಲೆ! ಪೆಟ್ರೋಲ್ ಸುರಿದು ಗಂಡನ ದೇಹಕ್ಕೆ ಬೆಂಕಿ | Murder Case

ಈ ಹಿಂದೆ 'ಸಾಹೋ' ಚಿತ್ರದಲ್ಲಿ ಪ್ರಭಾಸ್​ ಜೊತೆಗೆ ತೆರೆಹಂಚಿಕೊಂಡಿರುವ ಅನುಭವ ಶ್ರದ್ಧಾಗಿದೆ. ಇವರಿಬ್ಬರ ಜೋಡಿ ಬಾಲಿವುಡ್​ ಮಂದಿಗೂ ಪರಿಚಿತ. ಹೀಗಿರುವಾಗ ಪ್ರಭಾಸ್​ಗೆ ಶ್ರದ್ಧಾ ಕಪೂರ್​ ಅವರೇ ಫಿಕ್ಸ್ ಎಂಬ ಮಾತುಗಳು ಸಿನಿ ವಲಯಗಳಲ್ಲಿ ಕೇಳಿಬಂದಿವೆ. ಈ ಮಧ್ಯೆ ಸೌತ್ ಬ್ಯೂಟಿ ಮೃಣಾಲ್​ಗೂ ಹೆಚ್ಚಿನ ಮತಗಳು ಸಿಕ್ಕಿದ್ದು, ಪ್ರಭಾಸ್​ ಜೊತೆಗೆ 'ಸೀತಾ ರಾಮಂ' ನಟಿಯನ್ನು ನೋಡುವ ತವಕ ಅಭಿಮಾನಿಗಳದ್ದಾಗಿದೆ. ಒಟ್ಟಾರೆ, ಇವರಿಬ್ಬರಲ್ಲಿ ಯಾರಿಗೆ ಅವಕಾಶ ಸಿಗಲಿದೆ ಎಂಬುದನ್ನು ಮುಂದಿನ ದಿನಗಳಲ್ಲಿ ಕಾದು ನೋಡಬೇಕಿದೆ,(ಏಜೆನ್ಸೀಸ್).

https://www.vijayavani.net/women-killed-her-husband-and-burnt-murder-case