ಆದರೆ, ಇತ್ತೀಚೆಗೆ ಅಧ್ಯಕ್ಷ ಚುನಾವಣೆಯ ಚರ್ಚೆಗಳಲ್ಲಿ ಟ್ರಂಪ್, ‘ಭಾರತ ದೇಶವು ಚೀನಾ ದೇಶದಂತೆ ನಿಜವಾದ ಕರೊನಾ ಸಾವಿನ ಸಂಖ್ಯೆಗಳನ್ನು ಮುಚ್ಚಿಟ್ಟಿದೆ ಎಂದು ಹೇಳಿದ್ದು, ್ತ ಭಾರತ ವಾಯುಮಾಲಿನ್ಯದಿಂದ ತುಂಬಾ ಕೆಟ್ಟದೆ ಎಂದು ಆಪಾದಿಸಿದ್ದರು. ಇದು ಮೋದಿಗೆ ಮುಜುಗರ ಉಂಟು ಮಾಡಿತ್ತು. ನೂತನ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಭಾರತ ಮೂಲದವರಾಗಿರುವುದರಿಂದ ಭಾರತಕ್ಕೆ ಬಹುದೊಡ್ಡ ಸಹಾಯ ಇರುತ್ತದೆ. ಏಕೆಂದರೆ, ಅಧ್ಯಕ್ಷರ ನೀತಿಯನ್ನು ರೂಪಿಸುವವರು ಉಪಾಧ್ಯಕ್ಷರೇ ಆಗಿರುತ್ತಾರೆ. ಡೆಮಾಕ್ರಟಿಕ್ ಪಕ್ಷದವರು ವಲಸಿಗರಿಗೆ ಪ್ರಾಮುಖ್ಯತೆ ಕೊಡುವುದರಿಂದ ಎಚ್-1ಬಿ ಸಮಸ್ಯೆಗಳು, ಗ್ರೀನ್ ಕಾರ್ಡ್ ಸಮಸ್ಯೆಗಳು ಪರಿಹಾರವಾಗುವ ಸಂಭವವಿದ್ದು ಭಾರತಕ್ಕೆ ಸಹಾಯ ಮಾಡುತ್ತವೆ.
