ನಾಲ್ಕನೇ ಮದುವೆಯಾಗಲು ಮೂರನೇ ಪತಿಯನ್ನು ಕೊಂದ ಪತ್ನಿ!.. ಅಸಲಿಗೆ ನಡೆದಿದ್ದೇನು..?

ಬಿಹಾರ: ಗಂಡ-ಹೆಂಡತಿ ನಡುವೆ ಜಗಳವಾಗುವುದು ಸಹಜ. ಆದರೆ ಈ ನಡುವೆ ದಂಪತಿ ನಡುವಿನ ಜಗಳ ಹೊಡೆದಾಟಗಳು ಕೊಲೆ, ಆತ್ಮಹತ್ಯೆಗಳಿಗೆ ದಾರಿ ಮಾಡಿಕೊಡುತ್ತಿವೆ. ನಾಲ್ಕನೇ ಮದುವೆಯಾಗಲು ಮೂರನೇ ಪತಿಯನ್ನು ಯುವತಿ ಕೊಲೆ ಮಾಡಿರುವ ಘಟನೆ ಬಿಹಾರದ ಪಾಟ್ನಾದಲ್ಲಿ ನಡೆದಿದೆ.

ಪೊಲೀಸರ ಪ್ರಕಾರ, ಅಸ್ಮೇರಿ ಖಾತೂನ್ ಉರಾಫ್ ಈ ಹಿಂದೆ ಮದುವೆಯಾಗಿದ್ದರು. ಇದಾದ ನಂತರ ಎರಡನೇ ಮದುವೆಯಾದಳು. ಮತ್ತೆ ಕಾರಣಾಂತರಗಳಿಂದ ಎರಡು ವರ್ಷಗಳ ಹಿಂದೆ ಸುಭಾಷ್​​ನನ್ನು ಮದುವೆಯಾಗಿದ್ದಳು. ಆದರೆ ಇತ್ತೀಚೆಗೆ ಸುಭಾಷ್ ತನ್ನ ಹೆಂಡತಿಯಲ್ಲಿ ಬದಲಾವಣೆಯನ್ನು ಗಮನಿಸಿದನು. ಅವನಿಗೆ ಅವಳ ನಡವಳಿಕೆಯನ್ನು ಇಷ್ಟಪಡುತ್ತಿರಲಿಲ್ಲ.  ಸುಭಾಷ್ ಅವರ ಪತ್ನಿ ಮತ್ತು ಅತ್ತೆ ಕತ್ತು ಹಿಸುಕಿ ಕೊಲೆ ಮಾಡಿದ್ದಾರೆ.

ಮೃತನ ಸಹೋದರ ನೀಡಿದ ವಿವರಗಳ ಪ್ರಕಾರ, ಸುಭಾಷ್, ಪತ್ನಿ ಅಸ್ಮೇರಿ ಖಾತೂನ್ ಅವರು ಪ್ರಸ್ತುತ ಇನ್ನೊಬ್ಬ ವ್ಯಕ್ತಿಯೊಂದಿಗೆ ಸಂಬಂಧ ಹೊಂದಿದ್ದಾರೆ. ಮೃತ ಸುಭಾಷ್ ಮದ್ಯವ್ಯಸನಿಯಾಗಿದ್ದ. ಆಗಾಗ ಪತ್ನಿಯೊಂದಿಗೆ ಯಾವುದೋ ವಿಷಯಕ್ಕೆ ಜಗಳವಾಡುತ್ತಿದ್ದ. ಈ ಕಾರಣಗಳಿಂದ ಅವರ ನಡುವಿನ ಜಗಳ ಕೊಲೆಗೆ ಕಾರಣವಾಗಿದೆ ಎನ್ನಲಾಗಿದೆ. ಈ ಹಿಂದೆ ಅಸ್ಮೇರಿ ಎರಡು ಬಾರಿ ವಿವಾಹವಾದ ನಂತರ ಅವರನ್ನು ಬಿಟ್ಟು ಸುಭಾಷ್ ನನ್ನು ಮೂರನೇ ಮದುವೆಯಾಗಿದ್ದಳು ಎನ್ನಲಾಗಿದೆ. ಇದಲ್ಲದೆ, ಅಸ್ಮೆರಿಗೆ ಈಗಾಗಲೇ ಇಬ್ಬರು ಮಕ್ಕಳಿದ್ದಾರೆ ಎಂದು ಹೇಳಲಾಗುತ್ತದೆ.

ತನ್ನ ಸಹೋದರನ ಪತ್ನಿ ಬೇರೆ ಪುರುಷನೊಂದಿಗೆ ಸಂಬಂಧ ಹೊಂದಿದ್ದಾಳೆ. ಆದರೆ ಈ ವಿಷಯ ತನ್ನ ಸಹೋದರ ಸುಭಾಷ್​​ಗೆ ತಿಳಿಯಿತು. ಈ ಹಿನ್ನೆಲೆಯಲ್ಲಿ ಅಸ್ಮೇರಿ ತನ್ನ ಪೋಷಕರೊಂದಿಗೆ ಸೇರಿ ಸುಭಾಷ್​ನ ಕತ್ತು ಹಿಸುಕಿ ಕೊಲೆ ಮಾಡಿದ್ದಾರೆ. ಘಟನೆಯ ಬಗ್ಗೆ ತಿಳಿದ ತಕ್ಷಣ ಸ್ಥಳಕ್ಕೆ ಬಂದಿರುವುದಾಗಿ ಫುಲ್ವಾರಿ ಪೊಲೀಸರು ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ.

https://www.vijayavani.net/the-incident-in-which-23-pigeons-were-end-took-place-in-hubballi