ಕೇರಳದಲ್ಲಿ ಭಾರತದ ಮೊದಲನೇ ಮತ್ತು ಎರಡನೇ ಕೊರೊನಾ ವೈರಸ್ ಸೋಂಕಿತರು ಪತ್ತೆಯಾಗಿದ್ದಾರೆ. ಈ ಇಬ್ಬರೂ ಸಹ ಚೀನಾದಿಂದ ಭಾರತಕ್ಕೆ ಜನವರಿ 23ರಂದು ವಿಮಾನದಲ್ಲಿ ಬಂದಿದ್ದರು ಎನ್ನಲಾಗಿದೆ. ಸೋಂಕಿತರು ಪ್ರಯಾಣಿಸಿದ ವಿಮಾನದಲ್ಲಿ ಅವರ ಮುಂದೆ ಮತ್ತು ಹಿಂದೆ ಕುಳಿತಿದ್ದ ಒಟ್ಟು ಎಂಟು ಜನರನ್ನು ಗುರುತಿಸಲಾಗಿದೆ. ಇದರಲ್ಲಿ ಇಬ್ಬರು ಕೊಲ್ಕತ್ತದ ನೇತಾಜಿ ಸುಭಾಷ್ ಚಂದ್ರ ಬೋಸ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇಳಿದಿದ್ದು, ಅವರಿಬ್ಬರನ್ನೂ ಅಸನ್ಸೋಲ್ ಮತ್ತು ಒಡಿಶಾ ನಿವಾಸಿಗಳೆಂದು ಗುರುತಿಸಲಾಗಿದೆ. ಎಂಟರಲ್ಲಿ ಮೂರು ಜನರು ಚೀನಾದವರಾಗಿದ್ದು ಅವರೆಲ್ಲರೂ ಈಗಾಗಲೇ ಚೀನಾಕ್ಕೆ ಮರಳಿರುವುದಾಗಿ ಆರೋಗ್ಯ ಇಲಾಖೆಯ ನಿರ್ದೇಶಕ ಅಜಯ್ ಕುಮಾರ್ ತಿಳಿಸಿದ್ದಾರೆ.
