VIDEO: ಹಾರ್ನ್​ ಮೂಲಕ ಹೊರಬಂತು ಲಾರಿ ಡ್ರೈವರ್​ನ ಸಂಗೀತ ಪ್ರತಿಭೆ: ಮತ್ತೆ ಹಾರ್ನ್​ ಮಾಡು ಎಂದು ಮುಗಿ ಬಿದ್ದ ಜನ

ಭೋಪಾಲ್​: ವಾಹನಗಳ ಹಾರ್ನ್​ ಶಬ್ಧ ಎಷ್ಟೋ ಬಾರಿ ಕಿರಿಕಿರಿ ಎನಿಸುತ್ತದೆ. ಅಬ್ಬಾ! ಎಂದು ಕಿವಿ ಮುಚ್ಚಿಕೊಳ್ಳುವಂತೆ ಮಾಡಿಸುತ್ತವೆ. ಆದರೆ ಇಲ್ಲೊಬ್ಬ ಲಾರಿ ಡ್ರೈವರ್​ ಮಾಡುವ ಹಾರ್ನ್​ ಸದ್ದಿಗೆ ಫಿದಾ ಆಗಿರುವ ಜನರು ಲಾರಿಯನ್ನು ಅಡ್ಡ ಹಾಕಿ ಮತ್ತೊಮ್ಮೆ ಹಾರ್ನ್​ ಮಾಡು ಎಂದು ಕೇಳಿಕೊಂಡಿದ್ದಾರೆ.

ಲಾರಿಯನ್ನು ಅಡ್ಡಗಟ್ಟಿರುವ ಜನರು "ಇನ್ನೊಮ್ಮೆ, ಇನ್ನೊಮ್ಮೆ", "ಒನ್ಸ್​ ಮೋರ್​" ಎಂದು ಕೂಗುತ್ತಾರೆ. ಲಾರಿ ಡ್ರೈವರ್​ ಮತ್ತೊಮ್ಮೆ ತನ್ನ ಗಾಡಿಯ ಹಾರ್ನ್​ನಲ್ಲಿ ಬಾಲಿವುಡ್​ನ ಹಾಡೊಂದನ್ನು ನುಡಿಸಿದ ನಂತರವೇ ಜನರು ಆತನಿಗೆ ಹೋಗಲು ಬಿಡುತ್ತಾರೆ. ಇಂತದ್ದೊಂದು ವಿಡಿಯೋ ಕಳೆದ ಎರಡು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್​ ಆಗಿದೆ.

ಈ ಪ್ರತಿಭಾವಂತ ಲಾರಿ ಡ್ರೈವರ್​ ಎಲ್ಲಿಯವನು, ಯಾವ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ ಎನ್ನುವುದರ ಕುರಿತಾಗಿ ಸ್ಪಷ್ಟ ಮಾಹಿತಿ ಇಲ್ಲ. ಆದರೆ ಕೇವಲ ಸ್ಥಳೀಯ ಜನರಿಂದ ಮಾತ್ರವಲ್ಲದೆ ಸೋಶಿಯಲ್​ ಮೀಡಿಯಾದ ಜನರಿಂದಲೂ ಸಹ ಈ ಲಾರಿ ಡ್ರೈವರ್​ ಭಾರೀ ಪ್ರಮಾಣದ ಮೆಚ್ಚುಗೆ ಪಡೆದಿದ್ದು ಮಾತ್ರ ವಿಶೇಷ. (ಏಜೆನ್ಸೀಸ್​)