ಒಂದೊಮ್ಮೆ ಈ ವ್ಯವಸ್ಥೆಯಲ್ಲಿ ಒಂದಿಷ್ಟು ಏರುಪೇರಾದರೂ ಭೂಮಿಯ ಬದುಕು ದುಸ್ತರವಾಗುತ್ತದೆ. ಹಾಗಾಗಿ ಭೂಮಿ ಮತ್ತು ವ್ಯೋಮ ಮತ್ತಲ್ಲಿರುವ ಗೋಚರ, ಅಗೋಚರ ವಸ್ತುಗಳು ಜೀವಗಳನ್ನು ಮಗುವಿನಂತೆ ಪಾಲಿಸುತ್ತಿವೆ. ಜೀವವಾದರೋ ಪಂಚಭೂತಗಳಾದ ಭೂಮಿ, ನೀರು,ಅಗ್ನಿ,ವಾಯು, ಆಕಾಶಗಳಿಂದ ಪೋಷಿತವಾಗಿದೆ. ಇವುಗಳಿಂದಲೇ ಪಂಚೇಂದ್ರಿಯಗಳಾದ ಗಂಧ, ರುಚಿ, ಬೆಳಕು, ಸೋಕು, ಸದ್ದು ಕೆಲಸಮಾಡುತ್ತವೆ. ಜೊತೆಗೆ ಮನಸ್ಸು, ಬುದ್ಧಿ, ಅಹಂಕಾರಗಳೆಂಬ ಅಂತಃಕರಣಗಳು ಸೇರಿ ಜೀವದ ಕಾರ್ಯಕೌಶಲ. ಪಂಚಕಮೇಂದ್ರಿಯಗಳಾದ ವಾಕ್ಕು, ಕೈ, ಕಾಲು, ಅಧೋಧ್ವಾರಗಳು ಸೇರಿದ ವ್ಯವಸ್ಥೆಯಿಂದಾಗಿ ಜೀವಜಗತ್ತು. ಇವೆಲ್ಲಾ ಸಂಯೋಜಿತ ವ್ಯವಸ್ಥೆಯು ಭೂಮಿ-ಸೂರ್ಯ ರದ್ದು ಮಾತ್ರವೇನು? ಖಂಡಿತಾ ಅಲ್ಲ. ಪ್ರಕೃತಿಯಲ್ಲಿರುವ ಸತ್ತಾ್ವತಿಶಯಗಳಲ್ಲಿ, ವಿಸ್ಮಯಗಳಲ್ಲಿ ವ್ಯಕ್ತವಾಗುವ ಅವ್ಯಕ್ತವಾಗಿ ರುವ ಪರಬ್ರಹ್ಮ ಸ್ವರೂಪವು ಎಲ್ಲವನ್ನೂ ಮುನ್ನಡೆಸುತ್ತಿದೆ ಎನ್ನುವುದೆ ನಿತ್ಯ ಸತ್ಯ.
