ಶನಿವಾರ ಕನಕಪುರ ದೇಗುಲಮಠದ ಶ್ರೀ ಆದಿ ನಿರ್ವಾಣ ಸ್ವಾಮಿಗಳ ಜಾತ್ರೆ

ಕನಕಪುರ : ಈ ನಾಡಿನ ಪ್ರಸಿದ್ದ ಮಠಗಳಲ್ಲಿ ಒಂದಾಗಿರುವ ಕನಕಪುರದ ದೇಗುಲಮಠದ ಜಾತ್ರೆಯು ಶನಿವಾರ (ಇಂದು) ನಡೆಯಲಿದೆ ಎಂದು ಶ್ರೀಮಠದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಸುಮಾರು 700 ವರ್ಷಗಳ ಇತಿಹಾಸವಿರುವ ಶ್ರೀಮಠದ ಆದಿ ನಿರ್ವಾಣ ಸ್ವಾಮಿಗಳು ಅಲ್ಲಮಪ್ರಭುಗಳ ವಿರಕ್ತ ಸಂಪ್ರದಾಯದಲ್ಲಿ ಅರ್ಕಾವತಿ ನದಿ ತೀರದಲ್ಲಿ ಸ್ಥಾಪಿಸಿದ ದೇಗುಲಮಠವು ನಾಡಿನ ಅನೇಕ ಕಡೆಗಳಲ್ಲಿ ಭಕ್ತರನ್ನು ಹೊಂದಿದೆ.

ಶ್ರೀಮಠದ ಗುರುಪರಂಪರೆಯಲ್ಲಿ 14 ಜನ ಶಿವವಯೋಗಿಗಳಾಗಿದ್ದು, ಶತಾಯುಷಿ ಶ್ರೀ ಇಮ್ಮಡಿ ನಿರ್ವಾಣ ಮಹಾಸ್ವಾಮಿಗಳು ಹಾಗೂ ಶ್ರೀ ಇಮ್ಮಡಿ ಮಹಾಲಿಂಗ ಮಹಾಸ್ವಾಮಿಗಳು ಸ್ಥಾಪನೆ ಮಾಡಿರುವ ಶೈಕ್ಷಣಿಕ ಸಂಸ್ಥೆಗಳಲ್ಲಿ ಸಾವಿರಾರು ಬಡ ವಿದ್ಯಾರ್ಥಿಗಳು ಅಧ್ಯಯನ ನಡೆಸುತ್ತಿದ್ದಾರೆ.

ಇಂತಹ ಸುದೀರ್ಘ ಪರಂಪರೆಯ ದೇಗುಲಮಠದ ಶ್ರೀ ಆದಿ ನಿರ್ವಾಣ ಮಹಾಶಿಯೋಗಿಗಳವರ ಜಾತ್ರಾ ಮಹೋತ್ಸವವು ಪ್ರತಿ ವರ್ಷದಂತೆ ಈ ವರ್ಷವೂ ಪ್ರಸ್ತುತ ಪೀಠಾಧಿಪತಿಗಳಾದ ಶ್ರೀ ಡಾ.ಮುಮ್ಮಡಿ ನಿರ್ವಾಣ ಮಹಾಸ್ವಾಮಿಗಳ ನೇತೃತ್ವದಲ್ಲಿ ಇಂದು ನಡೆಯಲಿದೆ.

ಬೆಳಗ್ಗೆ 5.00 ಗಂಟೆಗೆ ಮಹಾರುದ್ರಾಭಿಷೇಕ, ಬೆಳಗ್ಗೆ 7 ಗಂಟೆಗೆ ಷಟಸ್ಥಲ ಧ್ವಜಾರೋಹಣ,10.00 ಗಂಟೆಗೆ ರಾಜೋಪಚಾರ ಹಾಗೂ 10.30ಕ್ಕೆ ಮಹಾರಥೋತ್ಸವವನ್ನು ವಿಶೇಷ ಪೂಜಾ ಕೈಂಕರ್ಯಗಳೊಂದಿಗೆ ಹಮ್ಮಿಕೊಳ್ಳಲಾಗಿದೆ. ಧಾರ್ಮಿಕ ಕಾರ್ಯಕ್ರಮಗಳ ಜೊತೆಗೆ ಸಾಂಸ್ಕೃತಿಕ ಹಾಗೂ ಕ್ರೀಡೆ ಮೊದಲಾದ ಚಟುವಟಿಕೆಗಳು ನಾಡಿನ ವಿವಿಧ ಮಠಾಧೀಶರ ಸಮ್ಮುಖದಲ್ಲಿ ಹಾಗೂ ಗಣ್ಯ ಮಹನೀಯರ ಉಪಸ್ಥಿತಿಯಲ್ಲಿ ಜರುಗಲಿವೆ. ಸದ್ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುವಂತೆ ಶ್ರೀಮಠದ ಪೂಜ್ಯರು ಕರೆ ನೀಡಿದ್ದಾರೆ.

https://www.vijayavani.net/the-jagadguru-of-srishaila-and-kashi-peetha-opined-that-the-real-mahakumbhabhishekam-is-to-cleanse-the-impure-knowledge-with-wisdom