70ರ ದಶಕದ ಅತ್ಯಂತ ಶ್ರೀಮಂತ ನಟಿ, 900 ಕೋಟಿಗೂ ಅಧಿಕ ಸಂಪಾದನೆ! ಯಾರೀ ಆ್ಯಕ್ಟರ್​?|Actor

Actor : ಚಿತ್ರರಂಗದಲ್ಲಿ ಆಳ್ವಿಕೆ ನಡೆಸಿದ ರಾಣಿಯೆಂದೇ ಹೆಸರುವಾಸಿಯಾಗಿರುವ ನಟಿ, ರಾಜಕಾರಣಿ ಜಯಲಲಿತಾ ಕರ್ನಾಟಕದ ಮಂಡ್ಯ ಜಿಲ್ಲೆಯಲ್ಲಿ ಫೆಬ್ರವರಿ 24, 1948 ರಂದು ಜನಿಸಿದರು. ಇವರು ತಮ್ಮ ಚಿಕ್ಕ ವಯಸ್ಸಿನಲ್ಲಿಯೇ ತಂದೆಯನ್ನು ಕಳೆದುಕೊಂಡರು. ಈ ಸಂದರ್ಭದಲ್ಲಿ ಅವರ ತಾಯಿ ಕುಟುಂಬದ ಜವಾಬ್ದಾರಿಗಳನ್ನು ಹೊರಬೇಕಾಯಿತು. ಅವರು ಚೆನ್ನೈನ ಚರ್ಚ್ ಪಾರ್ಕ್ ಶಾಲೆಯಲ್ಲಿ ವಿದ್ಯಾಬ್ಯಾಸ ಮಾಡಿದರು. ಅವರು ಅತೀ ಶೀಘ್ರದಲ್ಲೇ, ಚಲನಚಿತ್ರಗಳಲ್ಲಿ ಆಕರ್ಷಿತರಾಗಿ, 1961 ರಲ್ಲಿ ತಮಿಳು ಚಿತ್ರ ಎಪಿಸ್ಟಲ್ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು.

ಇದನ್ನೂ ಓದಿ: https://www.vijayavani.net/7-month-pregnant-woman-dies-due-to-severe-bleeding

ನಂತರ ಬಾಲಿವುಡ್​ಗೆ ಜಯಲಲಿತ ಸಂಚಾರ ನಡೆಸಿದ್ದು, 1968 ರಲ್ಲಿ ಧರ್ಮೇಂದ್ರ ಅವರೊಂದಿಗೆ ಇಜ್ಜತ್ ಸಿನಿಮಾ ಮಾಡಿದರು. ಇದು ಅವರ ಮೊದಲ ಪೂರ್ಣ ಪ್ರಮಾಣದ ಹಿಂದಿ ಚಿತ್ರವಾಗಿತ್ತು.

ದಕ್ಷಿಣ ಚಿತ್ರರಂಗದ ಆಳ್ವಿಕೆ ನಡೆಸಿದ ರಾಣಿ

ಮುಂದಿನ ಎರಡು ದಶಕಗಳಲ್ಲಿ, ಜಯಲಲಿತಾ 300 ಕ್ಕೂ ಹೆಚ್ಚು ತಮಿಳು, ತೆಲುಗು ಮತ್ತು ಕನ್ನಡ ಚಿತ್ರಗಳಲ್ಲಿ ನಟಿಸಿದರು. ಅವರು ತಮ್ಮ ನೃತ್ಯ ಮತ್ತು ಅದ್ಭುತ ಪರದೆಯ ಉಪಸ್ಥಿತಿಗೆ ಹೆಸರುವಾಸಿಯಾದರು. ನಂತರದಲ್ಲಿ ಅವರು, ಎಂ.ಜಿ. ರಾಮಚಂದ್ರನ್, ಶಿವಾಜಿ ಗಣೇಶನ್, ಎನ್.ಟಿ. ರಾಮರಾವ್ ಮತ್ತು ಅಕ್ಕಿನೇನಿ ನಾಗೇಶ್ವರ ರಾವ್​ರಂತಹ ದಿಗ್ಗಜರೊಂದಿಗೆ ಕೆಲಸ ಮಾಡಿದರು. 1970 ರ ದಶಕದಲ್ಲಿ ಅವರ ವೃತ್ತಿಜೀವನವು ಉತ್ತುಂಗಕ್ಕೇರಿತು. ಇನ್ನು ಚಿತ್ರರಂಗದಲ್ಲೇ ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಒಬ್ಬರಾಗಿದ್ದು, ಇವರು ಪ್ರತಿ ಚಿತ್ರಕ್ಕೆ ಲಕ್ಷಗಳಲ್ಲಿ ಸಂಭಾವನೆ ಪಡೆಯುತ್ತಿದ್ದರು.

ಸಂಪತ್ತು ಮತ್ತು ಕುಖ್ಯಾತ ದಾಳಿ

70 ರ ದಶಕದ ಅಂತ್ಯದ ವೇಳೆಗೆ, ಜಯಲಲಿತ ಭಾರತದ ಅತ್ಯಂತ ಶ್ರೀಮಂತ ನಟಿಯರಲ್ಲಿ ಒಬ್ಬರಾಗಿದ್ದರು. 1997 ರಲ್ಲಿ, ಅವರ ಪೋಯಸ್ ಗಾರ್ಡನ್ ನಿವಾಸದ ಮೇಲೆ ನಡೆದ ಆದಾಯ ತೆರಿಗೆ ದಾಳಿಯಲ್ಲಿ 10,500 ಸೀರೆಗಳು, 750 ಶೂಗಳು, 91 ಕೈಗಡಿಯಾರಗಳು, 1,250 ಕೆಜಿ ಬೆಳ್ಳಿ, 28 ಕೆಜಿ ಚಿನ್ನ, ಬಹು ಐಷಾರಾಮಿ ಕಾರುಗಳು ಮತ್ತು ಇತರ ಹೆಚ್ಚಿನ ಮೌಲ್ಯದ ವಸ್ತುಗಳು ಹೊಂದಿದ್ದರು. ಅಂದಾಜಿನ ಪ್ರಕಾರ ಅವರ ಸಂಪತ್ತು 900 ಕೋಟಿ ರೂ.ಗಳಿಗೂ ಹೆಚ್ಚಾಗಿತ್ತು.

ಇದನ್ನೂ ಓದಿ: https://www.vijayavani.net/20-year-old-woman-dies-of-heart-attack-she-had-26-iphones

ನಟಿಯಿಂದ ಆರು ಬಾರಿ ಮುಖ್ಯಮಂತ್ರಿ ಆಗಿ ಪಯಣ

1980 ರಲ್ಲಿ ಜಯಲಲಿತಾ ಚಲನಚಿತ್ರಗಳಿಂದ ದೂರ ಉಳಿದು, ಎಂ.ಜಿ. ರಾಮಚಂದ್ರನ್ ಅವರ ಎಐಎಡಿಎಂಕೆ ಮೂಲಕ ರಾಜಕೀಯಕ್ಕೆ ಪ್ರವೇಶಿಸಿದರು. ಈ ವೇಳೆ ಬೇಗನೆ ಪ್ರವರ್ಧಮಾನಕ್ಕೆ ಬಂದ ಇವರು ರಾಜ್ಯಸಭಾ ಸಂಸದರಾದರು. ನಂತರ ಆರು ಬಾರಿ ಮುಖ್ಯಮಂತ್ರಿಯಾಗಿ ಹುದ್ದೆ ಅಲಂಕರಿಸಿದರು. ಅಪಾರವಾದ ಜನಗಳಿಗಳಿಕೆಯನ್ನು ಸಂಪಾದಿಸಿದ್ದರು. ಜಯಲಲಿತರವರು ತಮ್ಮ ಬೆಂಬಲಿಗರಿಗೆ 'ಅಮ್ಮ' ಎಂದು ಪರಿಚಿತರಾಗಿದ್ದು, ಹಲವಾರು ಕಲ್ಯಾಣ ಯೋಜನೆಗಳನ್ನು ಪ್ರಾರಂಭಿಸಿದರು. ಈ ಎಲ್ಲಾ ವಿವಾದಗಳ ಹೊರತಾಗಿಯೂ ತಮ್ಮ ರಾಜಕೀಯ ಸ್ಥಾನಮಾನವನ್ನು ಗಟ್ಟಿಗೊಳಿಸಿದರು.

ಜಯಲಲಿತ ಬೆಳ್ಳಿತರೆ ಹಾಗೂ ರಾಜಕೀಯ ವೇದಿಕೆ ಎರಡರಲ್ಲೂ ಸಮಾನ ಶಕ್ತಿಯಿಂದ ಪ್ರಾಬಲ್ಯ ಸಾಧಿಸಿದ ಮಹಿಳೆಯಾಗಿದ್ದರು. ಇವರು 2016ರಲ್ಲಿ ಭಾರತದ ಅತ್ಯಂತ ಧ್ರುವೀಕರಣದ ನಾಯಕಿಯರಲ್ಲಿ ಒಬ್ಬರೆಂಬ ಪರಂಪರೆಯನ್ನು ಬಿಟ್ಟು 2016 ರಲ್ಲಿ ನಿಧನರಾದರು.(ಏಜೆನ್ಸೀಸ್​)

https://www.vijayavani.net/make-and-enjoy-crispy-squid-cutlets