ತೈವಾನ್​ ನ್ಯಾಷನಲ್​ ಡೇ: ಬಿಜೆಪಿ ನಾಯಕ ಶುಭ ಕೋರಿ ಹಾಕಿದ್ದ ಪೋಸ್ಟರ್ ತೆರವು!

ನವದೆಹಲಿ: ತೈವಾನ್​ ರಾಷ್ಟ್ರೀಯ ದಿನಕ್ಕೆ ಬಿಜೆಪಿಯ ದೆಹಲಿ ನಾಯಕ ತೇಜಿಂದರ್ ಪಾಲ್​ ಸಿಂಗ್ ಶುಭ ಕೋರಿ ಹಾಕಿದ್ದ ಪೋಸ್ಟರ್ ಕೆಲವೇ ಗಂಟೆಗಳಲ್ಲಿ ತೆರವುಗೊಂಡಿದೆ. ಈ ಶುಭಾಶಯದ ಪೋಸ್ಟರನ್ನು ನವದೆಹಲಿ ಮುನಿಸಿಪಲ್​ ಕೌನ್ಸಿಲ್​ (ಎನ್​ಡಿಎಂಸಿ) ತೆರವುಗೊಳಿಸಿದೆ.

ತೇಜಿಂದರ್ ಪಾಲ್​ ಸಿಂಗ್ ದೆಹಲಿಯಲ್ಲಿರುವ ಚೀನಾದ ರಾಯಭಾರ ಕಚೇರಿಗೆ ಸನಿಹದಲ್ಲೇ 'ತೈವಾನ್​ ಹ್ಯಾಪಿ ನ್ಯಾಷನಲ್ ಡೇ ಅಕ್ಟೋಬರ್ 10' ಎಂಬ ಪೋಸ್ಟರ್ ಶುಕ್ರವಾರ ರಾತ್ರಿ ಹಾಕಿಸಿದ್ದರು. ಮಾತ್ರವಲ್ಲ ಅದರ ಫೋಟೋ ಕೂಡ ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ.

ಶನಿವಾರ ರಾಷ್ಟ್ರೀಯ ದಿನವನ್ನು ಆಚರಿಸುವುದಾಗಿ ತೈವಾನ್ ಸರ್ಕಾರ ಬುಧವಾರ ಭಾರತದ ಹಲವಾರು ಮಾಧ್ಯಮಗಳಿಗೆ ಜಾಹೀರಾತು ನೀಡಿತ್ತು. ಈ ಹಿನ್ನೆಲೆಯಲ್ಲಿ ತೈವಾನ್​ಅನ್ನು ದೇಶ ಅಥವಾ ರಿಪಬ್ಲಿಕ್​ ಆಫ್​ ಚೈನಾ ಎಂದು ಉಲ್ಲೇಖಿಸಬಾರದು ಹಾಗೂ ದೆಹಲಿಯ 'ಒನ್​ ಚೈನಾ' ನೀತಿಯನ್ನು ಉಲ್ಲಂಘಿಸಬಾರದು ಎಂದು ಚೀನಾ ಕೂಡ ನಂತರ ಭಾರತಕ್ಕೆ ಮನವಿ ಮಾಡಿಕೊಂಡಿತ್ತು. ತೈವಾನ್​ಗೆ ಶುಭಕೋರಿದ್ದ ಪೋಸ್ಟರ್​ ಈ ಹಿನ್ನೆಲೆಯಲ್ಲಿ ತೆರವುಗೊಳಿಸಲಾಗಿದೆ ಎನ್ನಲಾಗಿದೆ. (ಏಜೆನ್ಸೀಸ್​)