ಶಾಂತ ಮನಸಿಗೆ ಮಾರ್ಗ

ಏನೇ ಆಗಲಿ, ನಾನು ಅವನಿಗೆ ವಿಧೇಯನಾಗಿರಬೇಕು ಎಂದು ಬೆತ್ತಲೆಯಾಗಿ ಕೋಣೆಯೊಳಗೆ ಹೋಗಿ ಬೀಗ ಹಾಕಿಕೊಂಡನು. ಮುಂದಿನ ಊಟದ ಬಗ್ಗೆ ಚಿಂತೆ ಅವನನ್ನು ನಿರಂತರವಾಗಿ ಕಾಡುತ್ತಿತ್ತು. ದೇವರ ಪ್ರಾರ್ಥನೆಯನ್ನು ಮಾಡುವುದನ್ನು ಬಿಟ್ಟು ಅವನಿಗೆ ಬೇರೆ ದಾರಿ ಇರಲಿಲ್ಲ! ಕರುಣಾಳು ಭಗವಂತ ಯಾರನ್ನೂ ಕೈಬಿಡುವುದಿಲ್ಲ. ಅವನು ಆಹಾರವನ್ನು ಯಾರಿಂದಲೋ, ಮೂಲೆ ಮೂಲೆ ಗಳಿಂದಲೂ, ಪ್ರತಿದಿನ, ತಪ್ಪದೆ ಪಡೆಯುತ್ತಿದ್ದನು! ಇದೇ ರೀತಿ 6 ವರ್ಷಗಳ ಕಾಲ ನಡೆಯಿತು. ಒಂದು ರಾತ್ರಿ, ಮಲಗಿರುವಾಗ, ಅವನಿಗೆ ಒಂದು ವಿಚಾರ ಬಂದಿತು, ಇಂದು ನನಗೆ ನನ್ನ ಆಹಾರ ಸಿಕ್ಕಿತು. ಆದರೆ ನಾಳೆ ಏನಾಗುತ್ತದೆ ಎಂದು ಯಾರಿಗೆ ಗೊತ್ತು? ಎಂದು.

ಆ ಕ್ಷಣದಲ್ಲಿಯೇ ಅವನಿಗೆ ಒಳಗಿನಿಂದ ಕಠಿಣವಾದ ಆದರೆ ಪ್ರೀತಿಯ, ಜೋರಾಗಿ ಮತ್ತು ಸ್ಪಷ್ಟವಾದ ಧ್ವನಿ ಕೇಳಿಸಿತು, ಮೂರ್ಖ, ಕಳೆದ 6 ವರ್ಷಗಳಿಂದ, ನಾನು ನಿನ್ನನ್ನು ತಪ್ಪದೆ ನೋಡಿಕೊಳ್ಳುತ್ತಿದ್ದೇನೆ, ಆದರೂ ನೀನು ನನ್ನನ್ನೇ ಅನುಮಾನಿಸುತ್ತೀಯಾ?

ಈ ಮಾತುಗಳನ್ನು ಆಲಿಸಿದ ಯುವಕ ಕಣ್ಣೀರು ಸುರಿಸುತ್ತಾ ತನ್ನ ಹೃದಯದ ಆಳದಿಂದ ಕ್ಷಮೆಯಾಚಿಸಿದನು, ‘ಓ ದೇವರೇ! ನನ್ನ ಕೃತಘ್ನತೆಗೆ ನನ್ನನ್ನು ಕ್ಷಮಿಸು! ನೀನು ನನ್ನನ್ನು ತುಂಬಾ ಚೆನ್ನಾಗಿ ನೋಡಿಕೊಂಡೆ, ಆಗಲೂ ನಾನು ನಿನ್ನನ್ನು ಅನುಮಾನಿಸಿದೆ. ನಾನು ಕೃತಜ್ಞತೆಯಿಲ್ಲದ ಪಾಪಿ! ಅವನು ತೀವ್ರ ಪಶ್ಚಾತ್ತಾಪದಿಂದ ದೀರ್ಘಕಾಲ ಅನಿಯಂತ್ರಿತವಾಗಿ ಅಳುತ್ತಿದ್ದನು, ನಂತರ ಅವನ ಮನಸ್ಸು ತುಂಬಾ ಶಾಂತವಾಯಿತು. ಅಂದಿನಿಂದ, ಜೀವನದ ಬಗ್ಗೆ ಎಲ್ಲಾ ಚಿಂತೆಗಳು ಅವನನ್ನು ಸಂಪೂರ್ಣವಾಗಿ ಬಿಟ್ಟುಹೋದವು. ನಂತರದ ದಿನಗಳಲ್ಲಿ ಈ ಯುವಕ ಗುಜರಾತ್​ನಲ್ಲಿ ಪೂರ್ಣಾನಂದ ಬಾಪು ಎಂಬ ಅತ್ಯಂತ ಪ್ರಸಿದ್ಧ ಸಂತನಾದನು.