ನಗರದ ಜಿ.ಪಂ. ಸಭಾಂಗಣದಲ್ಲಿ ಗುರುವಾರ ಹಮ್ಮಿಕೊಂಡಿದ್ದ ಕೆಡಿಪಿ ಸಭೆಯಲ್ಲಿ ಮಾತನಾಡಿದರು. ಸಭೆ ಆರಂಭದಲ್ಲಿ, ಆಗಬೇಕಿರುವ ಕೆಲಸಗಳ ಕುರಿತು ಸರ್ಕಾರಕ್ಕೆ ಪ್ರಸ್ತಾವ ಸಲ್ಲಿಸಲಾಗಿದೆ. ಜಿಲ್ಲಾ, ರಾಜ್ಯ ಹಂತದಲ್ಲಿ ಕಡತ ಬಾಕಿ ಇದೆ ಎಂದು ಅಧಿಕಾರಿಗಳು ತಿಳಿಸಿದಾಗ ಗರಂ ಆದ ಸಚಿವರು, ಸಭೆಗೆ ಬಂದು ಪ್ರಸ್ತಾವನೆ ಸಲ್ಲಿಸಲಾಗಿದೆ. ಬಾಕಿ ಇದೆ ಎಂದರೆ ಏನರ್ಥ?, ಇದರಿಂದ ನಿಮ್ಮ ಇಲಾಖೆ ಪ್ರಗತಿ ಸಾಧನೆಯಾಗಿಲ್ಲ ಎಂದ ಅವರು, ಸಾರ್ವಜನಿಕರ ಕೆಲಸಗಳ ಬಗ್ಗೆ ಯಾವ ಅಧಿಕಾರಿಗೂ ಗಂಭೀರತೆಯಿಲ್ಲದAತಾಗಿದೆ. ಕೇವಲ ಪತ್ರ ಕೊಡು, ಶಿಷ್ಟಾಚಾರಕ್ಕೆ ಆಹ್ವಾನ ಪತ್ರಿಕೆ ಕೊಡುವುದೇ ಕೆಲಸ ಆಗ್ಹೋಗಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
ನಾವೇನು ಕಾಟಾಚಾರಕ್ಕೆ ಸಭೆ ನಡೆಸುತ್ತಿಲ್ಲ. ಏನಾದರೂ ಸಮಸ್ಯೆ ಆದರೆ ಜನ ಮೊದಲು ಪ್ರಶ್ನೆ ಮಾಡೊದು ಎಂಎಲ್ಎ, ಎಂಎಲ್ಸಿ ಮತ್ತು ಸಚಿವರನ್ನು. ಇಡೀ ರಾಜ್ಯದ ಅಧಿಕಾರಿಗಳು ನನ್ನನ್ನು ಸೇರಿ ಇತರ ಸಚಿವರನ್ನು ಭೇಟಿಯಾಗಲು ಬರುತ್ತಾರೆ. ಇಲ್ಲಿನ ಅಧೀಕಾರಿಗಳು ಕೆಡಿಪಿಗೆ ಸಿಮಿತವಾಗಿದ್ದರೆ ಏನು ಪ್ರಯೋಜನ? ನಮ್ಮ ಪಿಎಗೆ ಕಾಲ್ ಮಾಡಿಕೊಂಡು ಬನ್ನಿ, ಸಮಸ್ಯೆ ಹೇಳಿಕೊಂಡರೆ ಮಾತ್ರ ಕೆಲಸಗಳು ಆಗಲು ಸಾಧ್ಯ ಎಂದರು.
ಮಧ್ಯಪ್ರವೇಶ ಮಾಡಿದ ಸಂಸದ ಎಂ.ಮಲ್ಲೇಶ್ಬಾಬು, ಜಿಲ್ಲೆಯ ಅಧಿಕಾರಿಗಳಿಗೆ ಸಮಸ್ಯೆ ಏನು ಎಂಬುದು ಅರ್ಥವಾಗುತ್ತಿಲ್ಲ. ಯಾರೊಬ್ಬರು ನಮ್ಮ ಬಳಿಗೂ ಬರುವುದಿಲ್ಲ. ಜಿಲ್ಲಾಧಿಕಾರಿ ಅಧಿಕಾರಿಗಳನ್ನು ಹಿಡಿತಕ್ಕೆ ತೆಗೆದುಕೊಳ್ಳದಿದ್ದರೆ ಕಷ್ಟ ಎಂದು ಎಚ್ಚರಿಸಿದರು.
ಶಾಸಕ ಕೆ.ವೈ.ನಂಜೇಗೌಡ ಮಾತನಾಡಿ, ಅಽಕಾರಿಗಳು ಕಚೇರಿ ಬಿಟ್ಟು ಹೊರಬರದಿದ್ದರೆ ಸಮಸ್ಯೆಗಳು ಅರ್ಥವಾಗುವುದಿಲ್ಲ. ಈಗಲೇ ರಾಗಿ ಬೆಳೆ ಒಣಗಿ ಹೋಗಿದೆ. ಕೂಡಲೇ ಸರ್ವೇ ಮಾಡಿ ಸರ್ಕಾರಕ್ಕೆ ವರದಿ ಕಳುಹಿಸಿಕೊಡಿ ಎಂದರು. ಇದಕ್ಕೆ ಧ್ವನಿಗೂಡಿಸಿದ ಸಚಿವ, ಪರಿಹಾರ ಕೊಡಲು ಮಾನದಂಡ ಪಾಲನೆ ಮಾಡಬೇಕು ಎಂದು ಸೂಚಿಸಿದರು.
ಎಂಎಲ್ಸಿ ನಜೀರ್ ಅಹ್ಮದ್, ಗ್ಯಾರಂಟಿ ಯೋಜನೆಗಳ ಅಧ್ಯಕ್ಷ ಎಚ್.ಎಂ.ರೇವಣ್ಣ, ಜಿಲ್ಲಾಽಕಾರಿ ಅಕ್ರಂಪಾಷಾ, ಕೋಲಾರ ಎಸ್ಪಿ ಬಿ.ನಿಖಿಲ್, ಕೆಜಿಎಫ್ ಎಸ್ಪಿ ಶಾಂತಕುಮಾರ್, ಡಿಸಿಎಫ್ ಏಡುಕೊಂಡಲು ಹಾಜರಿದ್ದರು.
