ಇದೇ ನೋಡಿ ಯೂಟ್ಯೂಬ್​ನಲ್ಲಿ ಅಪ್​​ಲೋಡ್​ ಆದ ಮೊದಲ ವಿಡಿಯೋ! ವ್ಯೂವ್ಸ್ ಎಷ್ಟು ಗೊತ್ತಾ? ನಿಜಕ್ಕೂ ಅಚ್ಚರಿಪಡ್ತೀರಾ!​​ YouTube

YouTube : ಯೂಟ್ಯೂಬ್ ಸಾಮಾಜಿಕ ಜಾಲತಾಣ ವೇದಿಕೆಗಳ ರಾಜನಾಗಿ ಜನಪ್ರಿಯ ಪಡೆದುಕೊಂಡಿದೆ. ಇಂದಿನ ಪೀಳಿಗೆ ಯಾವುದೇ ವಿಷಯವನ್ನು ಕ್ಷಣಾರ್ಧದಲ್ಲಿ ತಿಳಿದುಕೊಳ್ಳಲು ಮತ್ತು ಯಾವುದೇ ಸಣ್ಣ ಸಂದೇಹವನ್ನು ಬಗೆಹರಿಸಿಕೊಳ್ಳಲು ಯೂಟ್ಯೂಬ್​ ಮೊರೆ ಹೋಗುತ್ತಿದ್ದಾರೆ. ಅದು ಅಡುಗೆಯಾಗಿರಲಿ, ಅಧ್ಯಯನ ಮಾಡುತ್ತಿರಲಿ ಅಥವಾ ಇನ್ನೇನಾದರೂ ಆಗಿರಲಿ ಯೂಟ್ಯೂಬ್​ ಮೂಲಕ ಕ್ಷಣಾರ್ಧದಲ್ಲಿ ಕಲಿಯುತ್ತಿದ್ದಾರೆ. ಅಷ್ಟೇ ಅಲ್ಲ, ಇದೇ ಯೂಟ್ಯೂಬ್ ಸಹಾಯದಿಂದ ಅನೇಕ ಜನರು ರಾತ್ರೋರಾತ್ರಿ ಸ್ಟಾರ್‌ಗಳಾಗಿದ್ದಾರೆ. ಇದಲ್ಲದೆ, ಇದು ಅನೇಕ ಜನರಿಗೆ ಜೀವನೋಪಾಯವನ್ನೂ ಒದಗಿಸಿದೆ. ಅಂತಹ ಯೂಟ್ಯೂಬ್ ವೇದಿಕೆಯಲ್ಲಿ ಅಪ್‌ಲೋಡ್ ಮಾಡಲಾದ ಮೊದಲ ವಿಡಿಯೋ ಯಾವುದು ಎಂದು ನಿಮಗೆ ತಿಳಿದಿದೆಯೇ? ಅದು ಇಂದಿಗೂ ಮೌನವಾಗಿಯೇ ಅಂತರ್ಜಾಲದಲ್ಲಿ ಇತಿಹಾಸ ಸೃಷ್ಟಿಸುತ್ತಿದೆ.

ಯೂಟ್ಯೂಬ್ ಅನ್ನು 2005, ಫೆಬ್ರವರಿ 14ರಂದು ಜಾವೇದ್ ಕರೀಮ್, ಚಾಡ್ ಹರ್ಲಿ, ಸ್ಟೀವ್ ಚೆನ್, ಪೇಪಾಲ್ ಮತ್ತು ಇತರರು ಸ್ಥಾಪಿಸಿದರು. ಇದು ಪ್ರಸ್ತುತ ಗೂಗಲ್ ಒಡೆತನದಲ್ಲಿದೆ. ಅಂದಿನಿಂದ, ಯುವ ಪ್ರತಿಭೆಯನ್ನು ಅನ್ವೇಷಿಸಲು ಮತ್ತು ಪ್ರದರ್ಶಿಸಲು ಯೂಟ್ಯೂಬ್ ಜಗತ್ತಿಗೆ ಒಂದು ವೇದಿಕೆಯಾಗಿ ಹೊರಹೊಮ್ಮಿದೆ.

ಇದಲ್ಲದೆ, ಇದರ ಸಹಾಯದಿಂದ ಕೆಲವರು ಕಂಟೆಂಟ್​ ಕ್ರಿಯೆಟರ್​ಗಳಾಗುತ್ತಿದ್ದಾರೆ ಮತ್ತು ಸಂಚಲನ ಸೃಷ್ಟಿಸುತ್ತಿದ್ದಾರೆ. ಅಂತಹ ಯೂಟ್ಯೂಬ್ ಪ್ಲಾಟ್‌ಫಾರ್ಮ್‌ನಲ್ಲಿ ಅಪ್‌ಲೋಡ್ ಮಾಡಲಾದ ಮೊದಲ ವಿಡಿಯೋ ಯಾವುದು ಎಂದು ನಿಮಗೆ ತಿಳಿದಿದೆಯೇ! ಇದು ಇಂದಿಗೂ ಲಕ್ಷಾಂತರ ವೀಕ್ಷಣೆಗಳೊಂದಿಗೆ ಇತಿಹಾಸವನ್ನು ಸೃಷ್ಟಿಸುತ್ತಿದೆ. ಇದು ಕೇವಲ 19 ಸೆಕೆಂಡುಗಳ ವಿಡಿಯೋ. 2005, ಏಪ್ರಿಲ್ 23ರಂದು ಯೂಟ್ಯೂಬ್ ಸಹ-ಸಂಸ್ಥಾಪಕ ಜಾವೇದ್ ಕರೀಮ್ ಸ್ಯಾನ್ ಡಿಯಾಗೋ ಮೃಗಾಲಯದಲ್ಲಿ ನಿಂತು ಒಂದು ಸಣ್ಣ ವಿಡಿಯೋವನ್ನು ಮಾಡಿದರು.

ಇದನ್ನೂ ಓದಿ: ಇದು ಪ್ಯಾನ್​ ವರ್ಲ್ಡ್​​ ಹೈವೇ… 14 ದೇಶಗಳನ್ನು ಸಂಪರ್ಕಿಸುವ ವಿಶ್ವದ ಅತಿ ಉದ್ದದ ರಸ್ತೆ ಇದು! Pan American Highway

ಸುಮಾರು 20 ವರ್ಷಗಳ ಹಿಂದೆ, ಜಾವೇದ್ ಆನೆಗಳ ಮುಂದೆ ನಿಂತು ಅವುಗಳ ಬಗ್ಗೆ ಮಾತನಾಡುವ ಸರಳ ವಿಡಿಯೋವನ್ನು ಮಾಡಿದರು. ಅದು ಕೂಡ ಯಾವುದೇ ಎಡಿಟಿಂಗ್​ ಇಲ್ಲದೆ, ಕನಿಷ್ಠ ಯಾವುದೇ ಹಿನ್ನೆಲೆ ಸಂಗೀತ ಇಲ್ಲದೆ ಸರಳ ವಿಡಿಯೋ ಕ್ಲಿಪ್ ಆಗಿತ್ತು. ಆದರೆ ಕಳೆದ ಕೆಲವು ವರ್ಷಗಳಿಂದ ಆ ವಿಡಿಯೋಗೆ ಸಿಗುತ್ತಿರುವ ವೀಕ್ಷಣೆಗಳು ಮತ್ತು ಲೈಕ್​ಗಳು ದಿಗ್ಭ್ರಮೆಗೊಳಿಸುವಂತಿವೆ.

ಈ ವಿಡಿಯೋ 335 ಮಿಲಿಯನ್​ಗೂ ಹೆಚ್ಚು ವೀಕ್ಷಣೆಗಳನ್ನು ಮತ್ತು 17 ಮಿಲಿಯನ್​ಗೂ ಹೆಚ್ಚು ಲೈಕ್ ಗಳನ್ನು ಪಡೆದಿರುವುದು ಗಮನಾರ್ಹ. ಇನ್ನೊಂದು ಕುತೂಹಲಕಾರಿ ಸಂಗತಿಯೆಂದರೆ ಕರೀಮ್ ಅವರ ಯೂಟ್ಯೂಬ್ ಚಾನೆಲ್​ನಲ್ಲಿ ಅಪ್ಲೋಡ್ ಮಾಡಲಾದ ಏಕೈಕ ವಿಡಿಯೋ ಇದಾಗಿದೆ. ತಡ ಏಕೆ? ನೀವು ಕೂಡ ವಿಡಿಯೋ ನೋಡಲೇಬೇಕು! ಲಿಂಕ್​ ಕೆಳಗೆ ಇದೆ. ಒಮ್ಮೆ ನೋಡಿಕೊಂಡು ನಿಮ್ಮ ಅಭಿಪ್ರಾಯವನ್ನು ಕಾಮೆಂಟ್​ ಮಾಡೋದನ್ನು ಮರೆಯಬೇಡಿ. (ಏಜೆನ್ಸೀಸ್​)

https://www.vijayavani.net/top-let-commander-altaf-lalli-killed-in-gunfight-in-jks-bandipora

https://www.vijayavani.net/where-will-we-store-the-water-asaduddin-owaisi-on-india-suspending-indus-treaty-with-pak