ಎದೆಯಲ್ಲಿ ವೈರ್ ಬಿಟ್ಟು ಶಸ್ತ್ರಚಿಕಿತ್ಸೆ ಮಾಡಿ ಮುಗಿಸಿದ ಡಾಕ್ಟರ್​! ಸರ್ಕಾರಿ ವೈದ್ಯನ ವಿರುದ್ಧ ಪ್ರಕರಣ ದಾಖಲು| medical negligence

medical negligence : 2023ರಲ್ಲಿ ನಡೆಸಲಾದ ಶಸ್ತ್ರಚಿಕಿತ್ಸೆಯ ನಿರ್ಲಕ್ಷದಿಂದ ಮಹಿಳೆಯ ಎದೆಯಲ್ಲಿ ಶಸ್ತ್ರಚಿಕಿತ್ಸಾ ಮಾಗದರ್ಶಿ ಗೈಡ್​ ವೈರ್​ ಸಿಲುಕಿಕೊಂಡಿರುವ ಆರೋಪದ ಮೇರೆಗೆ ತಿರುವನಂತಪುರದ ಸರ್ಕಾರಿ ವೈದ್ಯನ ವಿರುದ್ಧ ಶುಕ್ರವಾರ ಪ್ರಕರಣ ದಾಖಲಾಗಿದೆ.

ಘಟನೆ ಏನು?

ಸುಬ್ಬಯ್ಯ ಎಂಬ ಮಹಿಳೆಯು 2023ರಲ್ಲಿ ಥೈರಾಡ್ ಸಮಸ್ಯೆಯಿಂದ ತಿರುವನಂತಪುರದ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದು, ಈ ವೇಳೆ ಶಸ್ತ್ರಚಿಕಿತ್ಸೆ ನಡೆಸಿದ ವೈದ್ಯರು ಕ್ಯಾತಿಟರ್‌ಗಳನ್ನು ಮಾರ್ಗದರ್ಶಿಸಲು ಬಳಸುವ ಗೈಡ್ ವೈರ್ ಅನ್ನು ತನ್ನ ದೇಹದಲ್ಲಿ ಸೇರಿಸಲಾಗಿದೆ ಎಂದು ಆರೋಪಿಸಿದ್ದಾರೆ.

ಇದನ್ನೂ ಓದಿ: ಪಾದಚಾರಿಗಳ ಮೇಲೆ ಹರಿದ ಕಂಟೇನರ್: ನಾಲ್ವರು ಸಾವು, ಇಬ್ಬರ ಸ್ಥಿತಿ ಗಂಭೀರ..accident

ಶಸ್ತ್ರಚಿಕಿತ್ಸೆ ನಂತರ ರೋಗಿಯ ಹೃದಯದ ಬಳಿ ಗೈಡ್ ವೈರ್ ಸಿಲುಕಿಕೊಂಡಿದ್ದು, ಗಂಭೀರ ಅಸ್ವಸ್ಥತೆಯನ್ನು ಉಂಟುಮಾಡಿದೆ. ಇನ್ನು ಶಸ್ತ್ರಚಿಕಿತ್ಸೆ ನಡೆಸಿದ ವೈದ್ಯ ಡಾ. ರಾಜೀವ್​ ಆರೋಪವನ್ನು ಒಪ್ಪಿಕೊಂಡಿದ್ದಾರೆ ಎಂದು ಸುಬ್ಬಯ್ಯ ಹೇಳಿದ್ದಾರೆ.

ಆರೋಪ ಏನು?

ಈ ವರ್ಷದ ಆರಂಭದಲ್ಲಿ ಮಹಿಳೆ ಅತಿಯಾದ ತೀವ್ರ ಕೆಮ್ಮಿನಿಂದ ಬಳಲ್ಪಟ್ಟಿದ್ದು, ನಂತರ ಇವರು ವೈದ್ಯರ ಬಳಿ ಪರೀಕ್ಷೆ ನಡೆಸಿದ್ದಾರೆ. ಇದಾದ ಬಳಿಕ ಅವರ ಹೃದಯಕ್ಕೆ ಹತ್ತಿರವಾಗಿ ಗೈಡ್​ ವೈರ್​ ಇರುವುದರಿಂದ ಅದನ್ನು ತೆಗೆದುಹಾಕುವುದು ತುಂಬಾ ಅಪಾಯಕಾರಿ ಎಂದು ಸೂಚಿಸಿದ್ದಾರೆ. ಇನ್ನು ಡಾ. ರಾಜೀವ್​ ತಪಾಸಣೆಗಾಗಿ ಹಣವನ್ನು ನೀಡಿದರೂ, ನಂತರ ಅವರು ಮಾಡಿದ ತಪ್ಪಿಗೆ ಹೊಣೆಗಾರರಾಗಿರಲು ನಿರಾಕರಿಸಿ, ಅರವಳಿಕೆ ನೀಡಿದವರ ಮೇಲೆ ದೂಷಿಸಿದರು ಎಂದು ಆರೋಪಿಸದರು.

ಇದನ್ನೂ ಓದಿ: ಹೆಣ್ಣಿಗೇಕೆ ಹೊರೆ?; ಆರ್​ಎಸ್​​ಎಸ್​​ ಮುಖ್ಯಸ್ಥ​ ಭಾಗವತ್​ ಹೇಳಿಕೆಗೆ ಸಂಸದ ಓವೈಸಿ ಖಂಡನೆ | Asaduddin Owaisi

ಈ ಆರೋಪವನ್ನು ಆಧರಿಸಿ ತಿರುವನಂತಪುರಂನ ಸರ್ಕಾರಿ ಜನರಲ್ ಆಸ್ಪತ್ರೆಯ ಡಾ. ರಾಜೀವ್ ಕುಮಾರ್ ವಿರುದ್ಧ ನಿರ್ಲಕ್ಷ್ಯದಿಂದ ಜೀವಕ್ಕೆ ಅಪಾಯವನ್ನುಂಟು ಮಾಡಿದಕ್ಕಾಗಿ ಐಪಿಸಿ ಸೆಕ್ಷನ್ 336 ಮತ್ತು 338 ರ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ. (ಏಜೆನ್ಸೀಸ್​)