ಮೆಸೇಜ್ಪಬ್ಲಿಕ್.ಕಾಮ್ನಲ್ಲಿ ಟೆಕ್ಕಿಗೆ ಯುವತಿ ಪರಿಚಯವಾಗಿದ್ದು, ವಾಟ್ಸ್ಆ್ಯಪ್ ಕರೆ ಮಾಡಿ ಕಾಲ್ ಗರ್ಲ್ ಎಂದು ಪರಿಚಯ ಮಾಡಿಕೊಂಡಿದ್ದಳು. 1 ಗಂಟೆಗೆ 6 ಸಾವಿರ ರೂ. ನೀಡಿದರೆ ನಿನ್ನ ಜೊತೆಗೆ ಖಾಸಗಿ ಕ್ಷಣಗಳನ್ನು ಕಳೆಯುವುದಾಗಿ ಆಮಿಷವೊಡ್ಡಿದ್ದಳು. ಇದಕ್ಕೆ ಒಪ್ಪಿಕೊಂಡ ಟೆಕ್ಕಿ, ರೂಮ್ ಬುಕ್ ಮಾಡುವಂತೆ ಸಲಹೆ ನೀಡಿದ್ದ. ಅದರಂತೆ ಆ. 27ರಂದು ಬಿಟಿಎಂ ಲೇಔಟ್ನಲ್ಲಿ ಹೋಟೆಲ್ ರೂಮ್ ಬುಕ್ ಮಾಡಿದ್ದು, ಸಂಜೆ 5.30ಕ್ಕೆ ಭೇಟಿ ಮಾಡಲು ಸೂಚಿಸಿದ್ದಳು. ಆದರೆ 6.25ಕ್ಕೆ ಬಂದಿದ್ದು, ಯುವಕನಿಂದ 10 ಸಾವಿರ ರೂ. ಮತ್ತು ಕ್ಯಾಬ್ ಬಾಡಿಗೆ ಸಾವಿರ ರೂ.ಗಳನ್ನು ತನ್ನ ವ್ಯಾಲೆಟ್ಗೆ ವರ್ಗಾವಣೆ ಮಾಡಿಸಿಕೊಂಡಿದ್ದಳು. ಇದಾದ ಮೇಲೆ ವರಸೆ ಬದಲಾಯಿಸಿ, ‘ನಾನು ಪೊಲೀಸ್. ಹೆಚ್ಚಿಗೆ ಮಾತನಾಡಿದರೆ ಕೇಸ್ ಹಾಕಿ ಜೈಲಿಗೆ ಕಳುಹಿಸುತ್ತೇನೆ’ ಎಂದು ಬೆದರಿಸಿ 1 ಲಕ್ಷ ರೂ. ನೀಡುವಂತೆ ಕೇಳಿದ್ದಳು. ಹೆದರಿದ ಟೆಕ್ಕಿ, ಆರೋಪಿ ಖಾತೆಗೆ ಹಣ ವರ್ಗಾಯಿಸಿದ್ದ.
