ಶನಿವಾರ ಮತ್ತು ಭಾನುವಾರದಂದು ಎರಡು ವಿಶೇಷ ವಿಮಾನಗಳು ಚೀನಾದ ವುಹಾನ್ನಿಂದ ಭಾರತಕ್ಕೆ ಬಂದಿಳಿದಿವೆ. ಅದರಲ್ಲಿ ಏಳು ಮಾಲ್ಡೀವ್ಸ್ ನಾಗರಿಕರು ಸೇರಿದಂತೆ ಒಟ್ಟು 647 ಜನರು ಭಾರತಕ್ಕೆ ಬಂದಿಳಿದಿದ್ದಾರೆ. ಈ ವಿಶೇಷ ವಿಮಾನಗಳಲ್ಲಿ ಭಾರತೀಯರನ್ನು ಕರೆ ತರಲು ಒಟ್ಟು 60 ಜನರ ವಿಶೇಷ ತಂಡ ಹೋಗಿತ್ತು. 30 ಜನ ಕ್ಯಾಬಿನ್ ಕ್ರ್ಯೂಗಳು, 10 ಕಮರ್ಷಿಯಲ್ ಸ್ಟಾಫ್ಗಳು, 8 ಪೈಲೆಟ್ಗಳು ಒಬ್ಬ ಹಿರಿಯ ಅಧಿಕಾರಿ ಇದರಲ್ಲಿ ಭಾಗಿಯಾಗಿದ್ದರು. ವಿಶೇಷ ಕಾರ್ಯಾಚರಣೆಯ ಮೂಲಕ ಸ್ವದೇಶಕ್ಕೆ ಜನರನ್ನು ಕರೆತಂದಿರುವ ಈ ತಂಡಕ್ಕೆ ಅಭಿನಂದಿಸಲಾಗಿದ್ದು, ಒಂದು ವಾರದ ಕಾಲ ಇವರೆಲ್ಲರಿಗು ರಜೆ ನೀಡಿರುವುದಾಗಿ ಏರ್ ಇಂಡಿಯಾದ ವಕ್ತಾರರು ತಿಳಿಸಿದ್ದಾರೆ.
