ಮಾಸ್ಕ್ ಧರಿಸದ ತಹಸೀಲ್ದಾರ್​ಗೂ ದಂಡ

ಎನ್.ಆರ್.ಪುರ: ಸರ್ಕಾರದ ಮಾರ್ಗಸೂಚಿ ಪ್ರಕಾರ ಮಾಸ್ಕ್ ಧರಿಸದ ಎನ್.ಆರ್. ಪುರ ತಹಸೀಲ್ದಾರ್ ಪರಮೇಶ್ ಅವರಿಗೆ 100 ರೂ. ದಂಡ ವಿಧಿಸಲಾಗಿದೆ. ಕರೊನಾ ತಡೆಗೆ ಅನುಸರಿಸ ಬೇಕಾದ ಮುಂಜಾಗ್ರತಾ ಕ್ರಮಗ ಬಗ್ಗೆ ರ್ಚಚಿಸಲು ಜಿಲ್ಲಾಧಿಕಾರಿ ಡಾ.ಬಗಾದಿ ಗೌತಮ್ ಮಂಗಳವಾರ ಕರೆದಿದ್ದ ಅಧಿಕಾರಿಗಳ ಸಭೆಯಲ್ಲಿ ತಹಸೀಲ್ದಾರ್ ಪರಮೇಶ್ ಮಾಸ್ಕ್ ಅನ್ನು ಮುಖಕ್ಕೆ ಸರಿಯಾಗಿ ಹಾಕಿಕೊಳ್ಳದೆ ಕೆಳಗೆ ಜಾರಿಸಿಕೊಂಡಿದ್ದರು. ಇದನ್ನು ಗಮನಿಸಿದ ಡಿಸಿ, ತಹಸೀಲ್ದಾರ್​ಗೆ ದಂಡ ಹಾಕುವಂತೆ ಪಪಂ ಮುಖ್ಯಾಧಿಕಾರಿ ಕುರಿಯಾಕೋಸ್ ಅವರಿಗೆ ಸೂಚಿಸಿದರು.

ದಂಡ ವಿಧಿಸದಿದ್ದರೆ ನಿಮಗೆ ದಂಡ ಹಾಕಬೇಕಾಗುತ್ತದೆ ಎಂದು ಡಿಸಿ ಎಚ್ಚರಿಸುತ್ತಿದ್ದಂತೆ ಪಪಂ ಮುಖ್ಯಾಧಿಕಾರಿ 100 ರೂ. ದಂಡ ಹಾಕಿ ರಸೀದಿ ನೀಡಿದರು.