ಬಿ.ಇಡಿ ಪದವಿ ಪಡೆದ ಅಭ್ಯರ್ಥಿಗಳು ಪ್ರತಿ ವರ್ಷ 2.5ರಿಂದ 3 ಲಕ್ಷ ಅಭ್ಯರ್ಥಿಗಳು ಪರೀಕ್ಷೆ ಬರೆಯಲಿದ್ದಾರೆ. ಸರ್ಕಾರ ನೇಮಕಾತಿ ಪ್ರಕ್ರಿಯೆಗಳನ್ನು ನಡೆಸದಿದ್ದರೂ ಖಾಸಗಿ ಶಾಲೆಗಳು, ಅನುದಾನಿತ ಶಾಲೆಗಳು ಮತ್ತು ಸರ್ಕಾರಿ ಶಾಲೆಗಳಲ್ಲಿ ಅತಿಥಿ ಶಿಕ್ಷಕರಾಗಿ ನೇಮಕವಾಗಲು ಟಿಇಟಿ ಅರ್ಹತೆಯನ್ನು ಪರಿಗಣಿಸಲಾಗುತ್ತದೆ. ಹೀಗಾಗಿ, ಪ್ರತಿ ವರ್ಷ ಆಕಾಂಕ್ಷಿಗಳು ಇರಲಿದ್ದಾರೆ.
2023ರಲ್ಲಿ ಪತ್ರಿಕೆ-1ಕ್ಕೆ (1ರಿಂದ 5ನೇ ತರಗತಿ ಬೋಧನೆ) 1,27,130 ಮಂದಿ ಪರೀಕ್ಷೆ ಬರೆದಿದ್ದರು. ಪತ್ರಿಕೆ-2 (6ರಿಂದ 8ನೇ ತರಗತಿ ಬೋಧಿಸುವ ಶಿಕ್ಷಕರು) 1,74,834 ಪರೀಕ್ಷೆಗೆ ಹಾಜರಾಗಿದ್ದರು. 2024ರಲ್ಲಿ ಎರಡೂ ಪತ್ರಿಕೆಗಳಿಂದ 2,70,514 ಮಂದಿ ನೋಂದಣಿ ಮಾಡಿಕೊಂಡು 2,45,466 ಮಂದಿ ಪರೀಕ್ಷೆ ಬರೆದಿದ್ದರು.
