ಬಹುತೇಕ ಸರ್ಕಾರಗಳು ಸಾಂಕ್ರಾಮಿಕ ರೋಗದ ವಿರುದ್ಧ ಗಮನ ಕೇಂದ್ರೀಕರಿಸಿರುವ ಈ ಸಂದರ್ಭದಲ್ಲಿ ಉಗ್ರರ ಸಂಘಟನೆಗಳು ದಾಳಿ ನಡೆಸಲು ಷಡ್ಯಂತ್ರ ರೂಪಿಸುವ ಸಾಧ್ಯತೆಯೂ ಇದೆ ಎಂದು ಎಚ್ಚರಿಸಿದ್ದಾರೆ. ಭದ್ರತಾ ಮಂಡಳಿಯ ಸಭೆಯಲ್ಲಿ ಮಾತನಾಡಿದ ಅವರು, ಕರೊನಾ ಮುಂದಿಟ್ಟಿರುವ ಅಪಾಯಕಾರಿ ಸವಾಲುಗಳನ್ನು ಪಟ್ಟಿ ಮಾಡಿದರು. ವಿಡಿಯೋ ಕಾನ್ಪರೆನ್ಸ್ ಮೂಲಕ ನಡೆದ ಈ ಸಭೆಯಲ್ಲಿ ಇದೇ ಮೊದಲ ಬಾರಿಗೆ ಕರೊನಾ ಬಗ್ಗೆ ರ್ಚಚಿಸಲಾಯಿತು. ಕೊವಿಡ್-19 ವಿರುದ್ಧದ ಹೋರಾಟವು ‘ಒಂದು ತಲೆಮಾರಿನ ಹೋರಾಟವಾಗಿದೆ; ಸ್ವತಃ ವಿಶ್ವಸಂಸ್ಥೆಯ ಅಸ್ತಿತ್ವದ ಹೋರಾಟವೂ ಆಗಿದೆ’ ಎಂದು ಗುಟೆರಸ್ ಹೇಳಿದ್ದಾರೆ. ಕರೊನಾ ಸಾಂಕ್ರಾಮಿಕವು ಜಾಗತಿಕ ಆರೋಗ್ಯ ಬಿಕ್ಕಟ್ಟಾಗಿದೆ ಹಾಗೂ ಅದು ದೂರಗಾಮಿ ಪರಿಣಾಮ ಬೀರುವಂಥದ್ದಾಗಿದೆ. ಅಂತಾರಾಷ್ಟ್ರೀಯ ಶಾಂತಿ, ಸುರಕ್ಷತೆಗೂ ಅದು ಅಪಾರ ಅಪಾಯ ಒಡ್ಡುತ್ತದೆ. ಸಾಮಾಜಿಕ ಅಶಾಂತಿ ಮತ್ತು ಹಿಂಸಾಚಾರ ಭುಗಿಲೆದ್ದು ರೋಗದ ವಿರುದ್ಧ ಹೋರಾಡುವ ಸಾಮರ್ಥ್ಯವೂ ಕುಗ್ಗಬಹುದು ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ.
