ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಪೂಂಛ್ನಲ್ಲಿ ಗುರುವಾರ ಭಯೋತ್ಪಾದಕರು ನಡೆಸಿದ ಗ್ರೆನೇಡ್ ದಾಳಿಯಲ್ಲಿ ಮಿಲಿಟರಿ ವಾಹನ ಹೊತ್ತಿ ಉರಿದು ರಾಷ್ಟ್ರೀಯ ರೈಲ್ಸ್ನ ಐವರು ಯೋಧರು ಮೃತಪಟ್ಟು, ಮತ್ತೊಬ್ಬರು ಗಾಯಗೊಂಡಿದ್ದಾರೆ. ಮಧ್ಯಾಹ್ನ 3 ಗಂಟೆ ಹೊತ್ತಿಗೆ ಉಗ್ರರು ಮಿಲಿಟರಿ ವಾಹನದ ಮೇಲೆ ದಾಳಿ ನಡೆಸಿದರು. ಬಹುಶಃ ಗ್ರೆನೇಡ್ ಸ್ಫೋಟದಿಂದ ಬೆಂಕಿ ಹೊತ್ತಿಕೊಂಡಿರಬಹುದು ಎಂದು ಸೇನೆಯ ಉತ್ತರ ಕಮಾಂಡ್ನ ಕೇಂದ್ರ ಕಾರ್ಯಾಲಯ ತಿಳಿಸಿದೆ. ಪೂಂಛ್ ಜಿಲ್ಲೆಯ ರಜೌರಿ ಸೆಕ್ಟರ್ನ ಭಿಂಬರ್ ಗಾಲಿ ಮತ್ತು ಪೂಂಛ್ ನಡುವೆ ಸೇನಾ ವಾಹನ ಸಂಚರಿಸುತ್ತಿದ್ದಾಗ ಭಾರಿ ಮಳೆ ಮತ್ತು ಮಂದನೋಟದ ಲಾಭ ಪಡೆದು ಭಯೋತ್ಪಾದಕರು ದಾಳಿ ನಡೆಸಿದರು ಎಂದು ಸೇನೆ ವಿವರಿಸಿದೆ.
