ಕಿರುಕುಳಕ್ಕೆ ಪ್ರತಿರೋಧ ಒಡ್ಡಿದ ಅಪ್ರಾಪ್ತ ವಯಸ್ಕಳಿಗೆ ಸ್ಯಾನಿಟೈಸರ್​ ಕುಡಿಸಿ ಹತ್ಯೆ

ಲಖನೌ: ನಾಲ್ವರು ದುರುಳರು ತನಗೆ ನೀಡುತ್ತಿದ್ದ ಲೈಂಗಿಕ ಕಿರುಕುಳಕ್ಕೆ ಪ್ರತಿರೋಧ ಒಡ್ಡಿದ ಅಪ್ರಾಪ್ತ ವಯಸ್ಕ ಬಾಲಕಿಯೋರ್ವಳಿಗೆ ಸ್ಯಾನಿಟೈಸರ್​ ಕುಡಿಸಿ ಹತ್ಯೆ ಮಾಡಿರುವ ಘಟನೆ ಉತ್ತರಪ್ರದೇಶದ ಬರೇಲಿಯಲ್ಲಿ ನಡೆದಿದೆ.

ಘಠನೆಯೂ ಜುಲೈ 27ರಂದು ನಡೆದಿದ್ದು, ಅಪ್ರಾಪ್ತ ವಯಸ್ಕ ಬಾಲಕಿ ಚಿಕಿತ್ಸೆ ಫಲಕಾರಿಯಾಗದೆ ಮಂಗಳವಾರ ಅಸುನೀಗಿದ್ದಾಳೆ. ಪ್ರಕರಣದ ನಾಲ್ವರು ಆರೋಪಿಗಳು ತಲೆಮಾರಿಸಿಕೊಂಡಿದ್ದು, ಕಿಡಿಗೇಡಿಗಳ ಬಂಧನಕ್ಕೆ ಪೊಲೀಸ್​ ಇಲಾಖೆ ತಂಡ ರಚಿಸಿದೆ.

ಘಟನೆಯ ಹಿನ್ನಲೆ

ಪ್ರಕರಣದ ಕುರಿತು ಪ್ರತಿಕ್ರಿಯಿಸಿರುವ ಬರೇಲಿ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ರಾಹುಲ್​ ಭಾಟಿ ಜುಲೈ 27ರಂದು ಅಪ್ರಾಪ್ತ ವಯಸ್ಕಳು ಶಾಲೆ ಮುಗಿದ ಬಳಿಕ ತನ್ನ ಸಹೋದರನೊಂದಿಗೆ ಮನೆಗೆ ವಾಪಸ್​ ಆಗುತ್ತಿದ್ದ ವೇಳೆ ಉದೇಶ್​ ರಾಥೋಢ್​ ಎಂಬಾತ ಬಾಲಕಿಯನ್ಉ ಅಡ್ಡಗಟ್ಟಿದ್ದಾನೆ.

ಇದನ್ನೂ ಓದಿ: ಈಜಲು ಹೋಗಿ ನೀರು ಪಾಲಾದ ಬಾಲಕ; ಆತನನ್ನು ನೋಡಿ ಸ್ಥಳದಲ್ಲೇ ಪ್ರಾಣಬಿಟ್ಟ ಮಹಿಳೆ

ಬಳಿಕ ಆಕೆಗೆ ನಡುರಸ್ತೆಯಲ್ಲೇ ಆತ ಕಿರುಕುಳ ನೀಡಲು ಶುರು ಮಾಡಿದ್ದು, ಈತನಿಗೆ ಇನ್ನು ಮೂವರು ಸಾಥ್​ ನೀಡಿದ್ಧಾರೆ. ಇದನ್ನು ಪ್ರಶ್ನಿಸಿದ ಆಕೆಯ ಸಹೋದರನಿಗೆ ಆರೋಪಿಗಳ ಮನಬಂದಂತೆ ಥಳಿಸಿ ಬಾಲಕಿಗೆ ಸ್ಯಾನಿಟೈಸರ್​ ಕುಡಿಸಿ ಪರಾರಿಯಾಗಿದ್ದಾರೆ. ಈ ಕೃತ್ಯವನ್ನು ಆರೋಪಿಗಳು ಸೆರೆ ಹಿಡಿದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿ ಬಿಟ್ಟಿದ್ದಾರೆ.

ಸ್ಯಾನಿಟೈಸರ್​ ಸೇವಿಸಿ ಅಸ್ವಸ್ಥಗೊಂಡಿದ್​ದ ಬಾಲಕಿಯನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮಂಗಳವಾರ ಮೃತಪಟ್ಟಿದ್ದಾಳೆ. ಮೃತ ಬಾಲಕಿಯ ಪೋಷಕರು ನೀಡಿದ ದೂರಿನ ಮೇರೆಗೆ ಆರೋಪಿಗಳ ಬಂಧನಕ್ಕೆ ಬಲೆ ಬೀಸಲಾಗಿದ್ದು, ವಿಶೇಷ ತಂಡ ಒಂದನ್ನು ರಚಿಸಲಾಗಿದೆ ಎಂದು ಬರೇಲಿ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ರಾಹುಲ್​ ಭಾಟಿ ತಿಳಿಸಿದ್ದಾರೆ.

https://www.vijayavani.net/32-psi-transferred-in-onde-day

https://www.vijayavani.net/girl-kills-herself-in-raichur