ಬೆಟ್ಟಿಂಗ್, ಜೂಜು, ಅಕ್ರಮ ಸಾಲ ಸೇವೆಗಾಗಿ ಚೀನಾ ಕಂಪನಿಗಳು ಸೇರಿದಂತೆ ವಿದೇಶಿ ಸಂಸ್ಥೆಗಳು ಬಳಸುವ 232 ಆಪ್ಗಳನ್ನು ಭಾರತ ಸರ್ಕಾರವು ಕಳೆದ ಫೆಬ್ರುವರಿಯಲ್ಲಿ ನಿಷೇಧಿಸಿದೆ. ಎಲೆಕ್ಟಾ›ನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯವು ನಿಷೇಧಿಸಿರುವ ಈ ಆಪ್ಗಳಲ್ಲಿ 138 ಆಪ್ಗಳು ಬೆಟ್ಟಿಂಗ್, ಜೂಜು ಮತ್ತು ಅಕ್ರಮ ಹಣ ವರ್ಗಾವಣೆಗೆ ಸಂಬಂಧಿಸಿದ್ದವುಗಳಾದರೆ, 94 ಆಪ್ಗಳು ಸಾಲ ಸೇವೆಯನ್ನು ಕಾನೂನುಬಾಹಿರವಾಗಿ ನೀಡುವಂತಹವು ಆಗಿವೆ. ಈಗ ಚೀನಾ ಉತ್ಪಾದಿಸುವ ಮೊಬೈಲ್ಫೋನ್ಗಳಲ್ಲಿ ಗೂಢಚರ್ಯ ಮಾಡಬಹುದಾದ ಅಂಶಗಳು ಇರುವ ಅನುಮಾನವನ್ನು ಗೂಢಚರ್ಯ ಸಂಸ್ಥೆಗಳು ವ್ಯಕ್ತಪಡಿಸಿರುವ ಹಿನ್ನೆಲೆಯಲ್ಲಿ ಈ ಕುರಿತಂತೆ ವ್ಯಾಪಕ ತಪಾಸಣೆ, ತನಿಖೆಯ ಅಗತ್ಯ ಗೋಚರಿಸುತ್ತದೆ.
