ದುರಂತದ ನಡುವೆ ಏರುತ್ತಿದೆ ಒಳಹರಿವು

ಹೊಸಪೇಟೆ: ತುಂಗಭದ್ರಾ ಜಲಾಶಯದ ಗೇಟ್ ದುರಂತದ ನಡುವೆ ಮಂಗಳವಾರ 32425 ಒಳಹರಿವು ಹೆಚ್ಚಳವಾಗಿದ್ದು ಟಿಬಿಬಿಗೆ ಆತಂಕ ಎದುರಾಗಿದೆ.

ಶನಿವಾರ ತಡರಾತ್ರಿ ನಡೆದ ಘಟನೆ ವೇಳೆ ಜಲಾಶಯ ಸಂಪೂರ್ಣ ಭರ್ತಿಯಾಗಿತ್ತು. 25605 ಕ್ಯೂಸೆಕ್ ಒಳಹರಿವಿತ್ತು. ಘಟನೆ ನಂತರ ಹಂತಹಂತವಾಗಿ ಲಕ್ಷ ಕ್ಯೂಸೆಕ್‌ ಅಧಿಕ ನೀರು ಹೊರೆಗೆ ಬಿಡಲಾಗುತ್ತಿದೆ. ಸೋಮವಾರ 25 ಸಾವಿರ ಕ್ಯೂಸೆಕ್‌ ಇದ್ದ ಒಳಹರಿವು ಜಲಾನಯನ ಪ್ರದೇಶದಲ್ಲಿ ಮಳೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಮಂಗಳವಾರ 35 ಸಾವಿರಕ್ಕೆ ಏರಿಕೆಯಾಗಿದೆ. ಮುಂದಿನ ದಿನಗಳಲ್ಲಿ ಇನಷ್ಟು ಏರಿಕೆಯಾದರೆ ಜಲಾಶಯ ಗೇಟ್ ಅಳವಡಿಕೆಯಲ್ಲಿ ಮತ್ತಷ್ಟು ಜಟಿಲವಾಗುತ್ತದೆ. ತಜ್ಞರ ತಂಡ ನೀರಿನಲ್ಲೆ ಗೇಟ್ ಅಳವಡಿಕೆ ಮಾಡಬೇಕು ಎಂದು ಹೇಳುತ್ತಿದ್ದಾರೆ. ಆದರೆ, ನೀರಿನ ಒಳಹರಿವು ಹೆಚ್ಚಾದರೆ ಸಮಸ್ಯೆಯಂತು ಇನಷ್ಟು ಹೆಚ್ಚಾಗಲಿದೆ.