291ರಿಂದ 2 ರೂಪಾಯಿಗೆ ಕುಸಿದಿದ್ದ ಟಾಟಾ ಷೇರಿಗೆ ಮತ್ತೆ ಬೇಡಿಕೆ: ಬುಧವಾರ 8% ಹೆಚ್ಚಳದೊಂದಿಗೆ 98 ರೂಪಾಯಿಗೆ ಏರಿಕೆ

ಮುಂಬೈ: ಟಾಟಾ ಗ್ರೂಪ್ ಕಂಪನಿಯ ಟಾಟಾ ಟೆಲಿಸರ್ವೀಸಸ್​ (ಮಹಾರಾಷ್ಟ್ರ) ಲಿಮಿಟೆಡ್​ (Tata Teleservices (Maharashtra) Ltd) ಅಂದರೆ ಟಿಟಿಎಂಎಲ್ ಷೇರುಗಳಿಗೆ ಬುಧವಾರ ಸಾಕಷ್ಟು ಬೇಡಿಕೆ ಬಂದಿದೆ.

ಈ ಕಂಪನಿಯ ಷೇರುಗಳಲ್ಲಿ ಬುಧವಾರ ಇಂಟ್ರಾ ಡೇ ವಹಿವಾಟಿನಲ್ಲಿ ಶೇ.8ರಷ್ಟು ಏರಿಕೆ ಕಂಡುಬಂದಿದ್ದು, 98.65 ರೂಪಾಯಿ ತಲುಪಿದ್ದವು. ಹಿಂದಿನ ದಿನವಾದ ಮಂಗಳವಾರ ಕಂಪನಿಯ ಷೇರುಗಳು ಬೆಲೆ 92 ರೂಪಾಯಿಗೆ ಮುಕ್ತಾಯವಾಗಿತ್ತು. ಷೇರುಗಳ ಈ ಏರಿಕೆಯ ಹಿಂದಿನ ಕಾರಣವೆಂದರೆ ಡಿಸೆಂಬರ್ ತ್ರೈಮಾಸಿಕದ ಫಲಿತಾಂಶಗಳು. ಈ ತ್ರೈಮಾಸಿಕದಲ್ಲಿ 307 ಕೋಟಿ ರೂ. ನಷ್ಟವಾಗಿದೆ. ಕಳೆದ ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ನಿವ್ವಳ ನಷ್ಟ 310 ಕೋಟಿ ರೂ ಇತ್ತು. ಪ್ರಸಕ್ತ ಹಣಕಾಸು ವರ್ಷದ ಮೊದಲ 9 ತಿಂಗಳ ಅವಧಿಯಲ್ಲಿ 919 ಕೋಟಿ ರೂ.ಗಳ ನಿವ್ವಳ ನಷ್ಟವಾಗಿದೆ.

ಷೇರು ಬೆಲೆ ಇತಿಹಾಸ:

BSE ಯಲ್ಲಿ ಲಭ್ಯವಿರುವ ಮಾಹಿತಿಯ ಪ್ರಕಾರ, TTML ಷೇರುಗಳು ಕಳೆದ ಒಂದು ವರ್ಷದಲ್ಲಿ 27% ಮತ್ತು ಕಳೆದ ಆರು ತಿಂಗಳಲ್ಲಿ 21% ರಷ್ಟು ಏರಿಕೆ ಕಂಡಿವೆ. ಕಳೆದ ಐದು ವರ್ಷಗಳಲ್ಲಿ TTML ಷೇರುಗಳು 3,268.79% ವರೆಗೆ ಆದಾಯವನ್ನು ನೀಡಿವೆ. ಈ ಅವಧಿಯಲ್ಲಿ ಇದರ ಬೆಲೆ 2 ರೂ.ನಿಂದ ಈಗಿನ ಬೆಲೆಗೆ ಏರಿಕೆಯಾಗಿದೆ. ಈ ಷೇರಿನ 52 ವಾರಗಳ ಗರಿಷ್ಠ ಬೆಲೆ ರೂ 109.10 ರೂ. ಮತ್ತು ಕನಿಷ್ಠ ಬೆಲೆ ರೂ 49.80 ಆಗಿದೆ. ಜನವರಿ 11, 2022 ರಂದು ಟಾಟಾ ಗ್ರೂಪ್‌ಗ್ರೂನ ಈ ಷೇರು ತನ್ನ ಜೀವಿತಾವಧಿಯ ಗರಿಷ್ಠ ಬೆಲೆಯಾದ ರೂ 291.05 ತಲುಪಿತ್ತು. ಪ್ರಸ್ತುತ ಷೇರುಗಳು ತಮ್ಮ ಜೀವಿತಾವಧಿಯ ಗರಿಷ್ಠಕ್ಕಿಂತ 66% ಕಡಿಮೆಯಾಗಿದೆ.

ಟಾಟಾ ಟೆಲಿಸರ್ವಿಸಸ್‌ನ ಅಂಗಸಂಸ್ಥೆಯಾಗಿದೆ TTML. ಈ ಕಂಪನಿಯು ತನ್ನ ವಿಭಾಗದಲ್ಲಿ ಮಾರುಕಟ್ಟೆ ಅಗ್ರಗಣ್ಯ ಕಂಪನಿಯಾಗಿದೆ. ಕಂಪನಿಯು ಧ್ವನಿ ಮತ್ತು ಡೇಟಾ ಸೇವೆಗಳನ್ನು ಒದಗಿಸುತ್ತದೆ. ಕಂಪನಿ ಗ್ರಾಹಕರು ಪಟ್ಟಿಯಲ್ಲಿ ಅನೇಕ ದೊಡ್ಡ ಹೆಸರುಗಳಿವೆ. ಇದರ ಮಾರುಕಟ್ಟೆ ಮೌಲ್ಯ 18,563.99 ಕೋಟಿ ರೂಪಾಯಿ.