ಟಾಟಾಗೆ Ransomware ಮಾಲ್​ವೇರ್​ ದಾಳಿ; ತಾತ್ಕಾಲಿಕ ಐಟಿ ಸೇವೆ ಸ್ಥಗಿತ!

ಟಾಟಾ ಟಿಕ್ನಾಲಾಜೀಸ್​ Ransomware ಮಾಲ್​ವೇರ್​ ದಾಳಿಗೆ ತುತ್ತಾದ ಕಾರಣ ಮುನ್ನೆಚ್ಚರಿಕೆ ಕ್ರಮವಾಗಿ ಐಟಿ ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತ ಗೊಳಿಸಲಾಗಿದೆ ಎಂದು ಕಂಪನಿ(ಜ.31) ಶುಕ್ರವಾರ ಹೇಳಿಕೊಂಡಿದೆ.

Ransomware ಮಾಲ್​ವೇರ್​ ಹಿನ್ನೆಲೆ ಅಗತ್ಯ ಪರಿಹಾರ ಕ್ರಮ ತೆಗೆದುಕೊಳ್ಳಲು ಮತ್ತು ಸಮಸ್ಯೆಯ ಮೂಲ ಕಾರಣವನ್ನು ನಿರ್ಧರಿಸುಲು ವಿವರವಾದ ತನಿಖೆಗೆ ಅದೇಶಿಸಲಾಗಿದೆ ಎಂದು ಕಂಪನಿಯ ವಕ್ತಾರರು ತಿಳಿಸಿದ್ದಾರೆ ಎಂದು ವರದಿಯಾಗಿದೆ.

ಇದನ್ನೂ ಓದಿ:ಷೇರು ಮಾರುಕಟ್ಟೆಯಲ್ಲಿ 1 ಕೋಟಿ ರೂಪಾಯಿ ನಷ್ಟ: ಮನನೊಂದು ಸಾವಿಗೆ ಶರಣಾದ ಕಾನ್ಸ್​ಟೆಬಲ್​! Share Market

ಘಟನೆಯ ಕುರಿತು ಹೇಳಿಕೆ ನೀಡಿರುವ ಟಾಟಾ ಟೆಕ್ನಾಲಜೀಸ್, "ಮುನ್ನೆಚ್ಚರಿಕೆ ಕ್ರಮವಾಗಿ, ಕೆಲವು ಐಟಿ ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ ಮತ್ತು ಈಗ ಮರುಸ್ಥಾಪಿಸಲಾಗಿದೆ. ನಮ್ಮ ಕ್ಲೈಂಟ್ ವಿತರಣಾ ಸೇವೆಗಳು ಸಂಪೂರ್ಣವಾಗಿ ಕಾರ್ಯನಿರ್ವಹಿಸುತ್ತಿವೆ ಮತ್ತು ಯಾವುದೇ ಪರಿಣಾಮ ಬೀರುವುದಿಲ್ಲ."

ಇದನ್ನೂ ಓದಿ:ಆನ್​ಲೈನ್ ಉಗ್ರರ ಮೇಲೆ ಎನ್​ಐಎ! ಯುವಕರ ಸೆಳೆಯಲು ಟೆಲಿಗ್ರಾಂ, ಸಿಗ್ನಲ್​, ವೈಬರ್​ ಬಳಕೆ, 325 ಶಂಕಿತರು ಸೆರೆ

ಮೂಲ ಕಾರಣವನ್ನು ನಿರ್ಣಯಿಸಲು ಮತ್ತು ಅಗತ್ಯ ಪರಿಹಾರ ಕ್ರಮಗಳನ್ನು ತೆಗೆದುಕೊಳ್ಳಲು ತಜ್ಞರೊಂದಿಗೆ ಸಮಾಲೋಚನೆಯಲ್ಲಿ ಹೆಚ್ಚಿನ ವಿವರವಾದ ತನಿಖೆ ನಡೆಯುತ್ತಿದೆ. ನಾವು ಸುರಕ್ಷತೆ ಮತ್ತು ಡೇಟಾ ರಕ್ಷಣೆಯ ಉನ್ನತ ಮಾನದಂಡಗಳಿಗೆ ಬದ್ಧರಾಗಿದ್ದೇವೆ ಮತ್ತು ಯಾವುದೇ ಸಂಭಾವ್ಯ ಅಪಾಯಗಳನ್ನು ತಗ್ಗಿಸಲು ಎಲ್ಲಾ ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದೇವೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:500 ವರ್ಷದ ಬಳಿಕ ರೂಪುಗೊಳ್ಳಲಿದೆ ನವಪಂಚಮ ಯೋಗ: ಈ 3 ರಾಶಿಯವರಿಗೆ ಭಾರೀ ಅದೃಷ್ಟ, ಧನ ಲಾಭ! Navapanchama Yoga

Ransomware ದಾಳಿ ಎಂದರೇನು?

Ransomware ಒಂದು ರೀತಿಯ ಮಾಲ್‌ವೇರ್ ಆಗಿದ್ದು ಅದು ಡೇಟಾವನ್ನು ಎನ್‌ಕ್ರಿಪ್ಟ್ ಮಾಡುತ್ತದೆ, ಅಲ್ಲಿ ದಾಳಿಕೋರರು ಫೈಲ್‌ಗಳು ಮತ್ತು ನೆಟ್‌ವರ್ಕ್‌ಗೆ ಪ್ರವೇಶವನ್ನು ಮರುಸ್ಥಾಪಿಸಲು "ರಾನ್ಸಮ್" ಅಥವಾ ಪಾವತಿಗಾಗಿ ಬೇಡಿಕೆಯಿಡುತ್ತಾರೆ ಎಂದು ಐಟಿ ತಜ್ಞರು ಹೇಳುತ್ತಾರೆ.

ಇದನ್ನೂ ಓದಿ:ಸಿಗರೇಟ್​ ಸೇದುತ್ತ ಶಿವಲಿಂಗದ ಮೇಲೆ ಕಾಲಿಟ್ಟು Reels ಮಾಡಿದ ಮುಸ್ಲಿಂ ವ್ಯಕ್ತಿ; ವಿಡಿಯೋ ವೈರಲ್​

ಇತ್ತೀಚಿನ ಸೈಬರ್‌ಪೀಸ್ ವರದಿಯ ಪ್ರಕಾರ, 2024 ರಲ್ಲಿ ransomware ಘಟನೆಗಳಲ್ಲಿ 55% ಹೆಚ್ಚಳವಾಗಿದೆ. ಕಳೆದ ವರ್ಷದ(2023) 63 ಘಟನೆಗಳಿಗೆ ಹೋಲಿಸಿದರೆ ಈ ಬಾರಿ 98 ದಾಖಲಾಗಿದೆ ಎಂದು ವರದಿ ಉಲ್ಲೇಖಿಸಿದೆ.(ಏಜೆನ್ಸೀಸ್​)

https://www.vijayavani.net/loss-of-one-crore-rupees-in-the-share-market-constable-ends-his-own-life