ಅದ್ಧೂರಿಯಾಗಿ ನಡೆದ ಸ್ವರಮೇಧಾ ಸಂಗೀತೋತ್ಸವ...

ಬೆಂಗಳೂರು : ಮಳೆಯನ್ನು ಲೆಕ್ಕಿಸದ ಸಂಗೀತಪ್ರೇಮಿಗಳು ಭಾನುವಾರ, ರಾಜರಾಜೇಶ್ವರಿ ನಗರದಲ್ಲಿ ನಡೆದ ಸ್ವರಮೇಧಾ ಸಂಗೀತೋತ್ಸವದಲ್ಲಿ ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.

'ಇಂದಿನ ಯುವ ಪೀಳಿಗೆ ಬೇರೆಯವರನ್ನು ಅನುಕರಿಸುವುದನ್ನು ಬಿಟ್ಟು ಸ್ವಂತಿಕೆಯನ್ನು ಬೆಳೆಸಿಕೊಳ್ಳಬೇಕು. ಸಂಗೀತದ ಕಲಿಕೆಯಲ್ಲಿ ನಿಜವಾದ ಸಂಕಲ್ಪಶಕ್ತಿ ಹಾಗೂ ಶ್ರದ್ಧೆಯಿದ್ದರೆ ಮಾತ್ರ ಸಾಧಿಸಬಹುದು' ಎಂದು ‘ಸ್ವರಮೇಧಾ ಸಂಗೀತಶ್ರೀ‘ ಬಿರುದನ್ನು ಪಡೆದು ಮಾತನಾಡಿದ ಪ್ರಖ್ಯಾತ ಹಿನ್ನೆಲೆ ಗಾಯಕಿ ಚೈತ್ರ ಹೇಳಿದರು.

91 ವರ್ಷದ ಹಿರಿಯ ಸಂಗೀತ ವಿದ್ವಾಂಸ ವಿದ್ವಾನ್ ಟಿ.ಆರ್ ರಂಗಸ್ವಾಮಿಗೆ ‘ಸ್ವರಮೇಧ ಸಂಗೀತರತ್ನ‘ ಬಿರುದನ್ನು ಪ್ರದಾನ ಮಾಡಲಾಯಿತು. ಹಿರಿಯ ಸಂಗೀತ ವಿದುಷಿ ಶ್ರೀಮತಿಗೆ ‘ಸ್ವರಮೇಧಾ ಸಂಗೀತ ವಿಭೂಷಣ‘ ಬಿರುದನ್ನು ಕೊಟ್ಟು ಗೌರವಿಸಲಾಯಿತು.

ಮುಖ್ಯ ಅತಿಥಿಯಾಗಿ ಮಾತನಾಡಿದ ಖ್ಯಾತ ನಟ ವಿಜಯ್ ಕಾಶಿ ‘ಗ್ರಾಮೀಣ ಭಾಗದಿಂದ ಇಂತಹ ಮಹಾನಗರಕ್ಕೆ ಬಂದು ಸಂಗೀತದ ಸೇವೆಯಲ್ಲಿ ತೊಡಗಿರುವ ಸ್ವರಮೇಧಾ ಸಂಸ್ಥೆಯ ಸಂಸ್ಥಾಪಕ ಚಿನ್ಮಯ ರಾವ್ ಇನ್ನೂ ಹೆಚ್ಚಿನ ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳನ್ನು ಬೆಳೆಸುವಂತಾಗಲಿ‘ ಎಂದು ಶುಭಹಾರೈಸಿದರು.

ಸಭಾಕಾರ್ಯಕ್ರಮದ ಕಡೆಗೆ ವಿದ್ಯಾರ್ಥಿಗಳು ಸಂಗೀತ ಕಛೇರಿ ಪ್ರಸ್ತುತ ಪಡಿಸಿದರು. ಸ್ವರಮೇಧಾ ಸಂಸ್ಥೆಯ ಸಂಸ್ಥಾಪಕ ಡಾ.ಚಿನ್ಮಯ ರಾವ್, ಅಧ್ಯಕ್ಷರಾದ ಲೆಕ್ಕ ಪರಿಶೋಧಕ ಭರತ್ ರಾವ್ ಕೆ.ಎಸ್, ಸುಪ್ರಸಿದ್ಧ ಗೋಸೇವಕ ಮಹೇಂದ್ರ ಮುನ್ನೋಟ್ ಹಾಗೂ ಉದ್ಯಮಿ ರಾಜೇಶ್ ಬಾಬು ಈ ಸಂದರ್ಭದಲ್ಲಿ ಹಾಜರಿದ್ದರು.

https://www.vijayavani.net/allowance-for-daivanartakas-decision-by-karnataka-govtt/

https://www.vijayavani.net/anurag-thakur-gives-strong-reply-to-pak/

https://www.vijayavani.net/puneeth-rajkumar-was-awarded-karnataka-ratna/