ದೇಶದ ಮೂರನೇ ಅತ್ಯಂತ ಸ್ವಚ್ಛನಗರಿಯಾಗಿ ನವಿ ಮುಂಬೈ ಸ್ಥಾನ ಪಡೆದಿದೆ. ಈ ಮೂರೂ ನಗರಗಳು ಒಂದು ಲಕ್ಷಕ್ಕಿಂತಲೂ ಅಧಿಕ ಜನಸಂಖ್ಯೆಯ ವಿಭಾಗದಲ್ಲಿ ಈ ಸ್ಥಾನ ಗಳಿಸಿವೆ. ನವಿ ಮುಂಬೈ ಕಳೆದ ವರ್ಷವೂ ಮೂರನೇ ಸ್ಥಾನದಲ್ಲಿತ್ತು. ಒಂದು ಲಕ್ಷಕ್ಕಿಂತ ಮೇಲ್ಪಟ್ಟ ವರ್ಗದಲ್ಲಿ ಆಂಧ್ರಪ್ರದೇಶದ ವಿಶಾಖಪಟ್ಟಣ (ಜಿವಿಎಂಸಿ), ಮಧ್ಯಪ್ರದೇಶದ ಭೋಪಾಲ್, ಆಂಧ್ರಪ್ರದೇಶದ ವಿಜಯವಾಡ, ದೆಹಲಿಯ ನವದೆಹಲಿ (ಎನ್ಡಿಎಂಸಿ), ಆಂಧ್ರಪ್ರದೇಶದ ತಿರುಪತಿ, ತೆಲಂಗಾಣದ ಗ್ರೇಟರ್ ಹೈದರಾಬಾದ್, ಮಹಾರಾಷ್ಟ್ರದ ಪುಣೆ ಕ್ರಮವಾಗಿ 4, 5, 6, 7, 8, 9, 10ನೇ ಸ್ಥಾನಗಳನ್ನು ಪಡೆದಿವೆ. ಒಂದು ಲಕ್ಷಕ್ಕಿಂತ ಕಡಿಮೆ ಜನಸಂಖ್ಯೆ ಹೊಂದಿರುವ ನಗರಗಳ ಪೈಕಿ ಮಹಾರಾಷ್ಟ್ರದ ಸಾಸ್ವಾಡ್ ಅತ್ಯಂತ ಸ್ವಚ್ಛನಗರಿಯಾಗಿ ಹೊರಹೊಮ್ಮಿದೆ. ಛತ್ತೀಸ್ಘಡದ ಪಠಾಣ್ ಹಾಗೂ ಮಹಾರಾಷ್ಟ್ರದ ಲೋನವಾಲಾ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಪಡೆದಿವೆ.
