ರಾಜಮಂಡ್ರಿಯಲ್ಲಿ 'ಕಂಗುವ' ಹವಾ; ಸೂರ್ಯ ನಟನೆಯ ಚಿತ್ರಕ್ಕೆ ಫ್ಯಾನ್ಸ್​ ಕಾತರ

ಆಂಧ್ರಪ್ರದೇಶ: ತಮಿಳು ಚಿತ್ರರಂಗದ ಖ್ಯಾತ ನಟ ಸೂರ್ಯ ಅವರ ನಟಿಸುತ್ತಿರುವ ಬಹುನಿರೀಕ್ಷಿತ 'ಕಂಗುವ' ಚಿತ್ರದ ಹೊಸ ಅಪ್ಡೇಟ್​ಗೆ ಇದೀಗ ಫ್ಯಾನ್ಸ್ ಭಾರೀ ಸಂತಸ ವ್ಯಕ್ತಪಡಿಸಿದ್ದಾರೆ. ಆಂಧ್ರಪ್ರದೇಶದ ರಾಜಮಂಡ್ರಿಯಲ್ಲಿ ಚಿತ್ರದ ಮುಖ್ಯಭಾಗದ ಚಿತ್ರೀಕರಣ ಇಂದಿನಿಂದ ಪ್ರಾರಂಭಗೊಂಡಿದೆ.

ಇದನ್ನೂ ಓದಿ: ಅಪಹೃತ ಮರದ ವ್ಯಾಪಾರಿ ರಕ್ಷಣೆ ಇಬ್ಬರ ಬಂಧನ, 2 ಕಾರು ವಶ ಉಳಿದವರ ಪತ್ತೆಗೆ ಕಾರ್ಯಾಚರಣೆ

ತಮಿಳು ಭಾಷೆಯಲ್ಲಿ ತಯಾರಾಗುತ್ತಿರುವ 'ಕಂಗುವ' 2024ರ ಜನವರಿ ಅಥವಾ ಫೆಬ್ರವರಿಯಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿದ್ದು, ಭಾರೀ ನಿರೀಕ್ಷೆ ವ್ಯಕ್ತವಾದ ಚಿತ್ರಗಳಲ್ಲಿ ಇದು ಕೂಡ ಒಂದಾಗಿದೆ. ಸೂರ್ಯ ಅವರ ವೃತ್ತಿಜೀವನದಲ್ಲಿ ಈ ಚಿತ್ರ ಅತ್ಯಂತ ಬಿಗ್​ ಬಜೆಟ್​ ಸಿನಿಮಾ ಎಂದು ಹೇಳಲಾಗಿದೆ. ಆಕ್ಷನ್-ಡ್ರಾಮಾ ಜಾನರ್​ನಲ್ಲಿ ಮೂಡಿಬರಲಿರುವ ಚಿತ್ರವನ್ನು ಕಣ್ತುಂಬಿಕೊಳ್ಳಲು ಸಿನಿಪ್ರೇಕ್ಷಕರು ಮತ್ತು ಸೂರ್ಯ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

'ಕಂಗುವ' ಚಿತ್ರೀಕರಣದ ಹೊಸ ವೇಳಾಪಟ್ಟಿ ಇದೀಗ ಘೋಷಣೆಯಾಗಿದ್ದು, ಇಂದು (ಆಗಸ್ಟ್​ 16) ಬೆಳಗ್ಗೆ ರಾಜಮಂಡ್ರಿಯಲ್ಲಿ ಪ್ರಾರಂಭವಾಗಿದೆ. 3 ವಾರಗಳ ಕಾಲ ಶೂಟಿಂಗ್​ ನಡೆಯುವ ಈ ಶೆಡ್ಯೂಲ್​ನಲ್ಲಿ ಹಲವಾರು ನಿರ್ಣಾಯಕ ಆ್ಯಕ್ಷನ್ ಸೀಕ್ವೆನ್ಸ್ ಮತ್ತು ಟಾಕಿ ಭಾಗಗಳನ್ನು ಚಿತ್ರೀಕರಿಸಲಾಗುತ್ತದೆ. ನಟ ಜಗಪತಿ ಬಾಬು ಕೂಡ ಈ ಚಿತ್ರೀಕರಣದಲ್ಲಿ ಭಾಗವಹಿಸಲಿದ್ದಾರೆ. ರಾಜಮಂಡ್ರಿಯಲ್ಲಿ ಮುಗಿದ ನಂತರ ಚಿತ್ರ ತಯಾರಕರು ಮತ್ತೊಂದು ಭಾಗದ ಶೂಟಿಂಗ್​ಗಾಗಿ ಹೈದರಾಬಾದ್‌ಗೆ ತೆರಳಲಿದ್ದಾರೆ.

ಇದನ್ನೂ ಓದಿ: ಡಾ. ಬಿ.ಆರ್. ಅಂಬೇಡ್ಕರ್ ಪ್ರತಿಮೆ ಪ್ರತಿಷ್ಠಾಪಿಸಲು ಸ್ಥಳೀಯರ ಒತ್ತಾಯ

ಶಿವ ಅವರ ನಿರ್ದೇಶನದ ಕಂಗುವ ಚಿತ್ರದಲ್ಲಿ ಬಾಲಿವುಡ್​ನ ಹಾಟ್​ ನಟಿ ದಿಶಾ ಪಟಾನಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಬೇಬಿ ಡಿಯೋಲ್, ಕೋವೈ ಸರಳ, ಯೋಗಿ ಬಾಬು, ರೆಡ್ಡಿನ್​ ಕಿಂಗ್​​ಸ್ಲೇ, ಆನಂದ ರಾಜ ಸೇರಿದಂತೆ ಮುಂತಾದವರ ತಾರಾಗಣವಿದೆ ಸ್ಟುಡಿಯೋ ಗ್ರೀನ್ ಮತ್ತು ಯುವಿ ಕ್ರಿಯೇಷನ್ಸ್ ಬ್ಯಾನರ್​ನಡಿ ಚಿತ್ರ ತಯರಾಗಿದ್ದು, ದೇವಿ ಶ್ರೀ ಪ್ರಸಾದ್ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ,(ಏಜೆನ್ಸೀಸ್).

https://www.vijayavani.net/kodimata-swami-predicts-future-about-state-government