ಉಪರಾಷ್ಟ್ರಪತಿ ಚುನಾವಣೆಯಲ್ಲಿ ಎನ್​ಡಿಎ ಅಭ್ಯರ್ಥಿಗೆ ಬೆಂಬಲ; ತೆಲುಗು ಹೆಮ್ಮೆಯ ಪ್ರಶ್ನೆಯೇ ಇಲ್ಲ; ಚಂದ್ರಬಾಬು ನಾಯ್ಡು|Chandrababu Naidu

Chandrababu Naidu: ಲೋಕಸಭಾ ಚುನಾವಣೆಗೂ ಮೊದಲೇ ಎನ್​ಡಿಎ ಜೊತೆ ಟಿಡಿಪಿ ಮೈತ್ರಿ ಮಾಡಿಕೊಂಡಿದೆ. ಉಪರಾಷ್ಟ್ರಪತಿ ಚುನಾವಣೆಯಲ್ಲಿ ಯಾವುದೇ ರಾಜಕೀಯವಿಲ್ಲ. ಎನ್​ಡಿಎ ಅಭ್ಯರ್ಥಿಗೆ ನಮ್ಮ ಬೆಂಬಲ. ತೆಲುಗು ಹೆಮ್ಮೆಯ ಪ್ರಶ್ನೆಯೇ ಇಲ್ಲ ಎಂದು ಆಂಧ್ರ ಪ್ರದೇಶ ಸಿಎಂ ಚಂದ್ರಬಾಬು ನಾಯ್ಡು ಶನಿವಾರ (ಆಗಸ್ಟ್ 23) ಹೇಳಿದ್ದಾರೆ.

ವಿಜಯವಾಡದಲ್ಲಿ ಈ ಕುರಿತು ಮಾತನಾಡಿರುವ ಅವರು, ಎನ್​ಡಿಎ ಅಭ್ಯರ್ಥಿಗೆ ಸ್ಪಷ್ಟ ಬಹುಮತ ಇದೆ. ಗೆಲ್ಲುವ ಸಾಧ್ಯತೆಯೇ ಇಲ್ಲದೆ ಅಭ್ಯರ್ಥಿಯನ್ನು ಇಂಡಿಯಾ ಕೂಟದವರು ನಿಲ್ಲಿಸಿ ರಾಜಕೀಯ ಮಾಡುತ್ತಿದ್ದಾರೆ. ನಾವು ರಾಜಕೀಯ ಮಾಡಲ್ಲ. ಇಂಡಿಯಾ ಕೂಟದ ಅಭ್ಯರ್ಥಿಯನ್ನು ಬೆಂಬಲಿಸಲ್ಲ ಎಂದು ಒತ್ತಿ ಹೇಳಿದರು.

ಇದನ್ನೂ ಓದಿ: ದೇಶದ ಸಂವಿಧಾನ ಮತ್ತು ಪ್ರಜಾಪ್ರಭುತ್ವದ ಮೇಲೆ ದಾಳಿ ನಡೆಯುತ್ತಿದೆ: ಇಂಡಿಯಾ ಕೂಟದ ಆಭ್ಯರ್ಥಿ ಸುದರ್ಶನ್ ರೆಡ್ಡಿ|Sudarshan Reddy

ಇದೇ ಅಖಂಡ ಆಂಧ್ರ ಪ್ರದೇಶದ ಮೂಲದ ಇಂಡಿಯಾ ಮೈತ್ರಿಕೂಟ ಅಭ್ಯರ್ಥಿ ನ್ಯಾ. ಸುದರ್ಶನ್ ರೆಡ್ಡಿ ಅವರನ್ನು ಎರಡು ತೆಲುಗು ರಾಜ್ಯಗಳು ಬೆಂಬಲಿಸಬೇಕು ಎಂಬ ಅಭಿಪ್ರಾಯವನ್ನು ತಿರಸ್ಕರಿಸಿದ ಅವರು, ಇದರಲ್ಲಿ ತೆಲುಗು ಹೆಮ್ಮೆ ಅಪ್ರಸ್ತುತ ಎಂದರು.

ಈ ವೇಳೆ ಟಿಡಿಪಿಯ ಐತಿಹಾಸಿಕ ನಿಲುವನ್ನು ನೆನಪಿಸಿಕೊಂಡ ಅವರು, ಪಿ.ವಿ,ನರಸಿಂಹರಾವ್ ಪ್ರಧಾನಿಯಾಗಿದ್ದಾಗ, ಕಾಂಗ್ರೆಸ್ ವಿರೋಧಿಯಾಗಿದ್ದರು ಅವರನ್ನು ಬೆಂಬಲಿಸಿತ್ತು. ಗೆಲುವಿನ ಸಾಧ್ಯತೆ ಇದ್ದು ತೆಲುಗು ಅಭ್ಯರ್ಥಿಯನ್ನು ನಿಲ್ಲಿಸಿದ್ದರೆ ಉತ್ತಮವಾಗಿರುತ್ತಿತ್ತು ಎಂದು ತಿಳಿಸಿದರು. ಎನ್​ಡಿಎ ಅಭ್ಯರ್ಥಿ ಸಿ.ಪಿ.ರಾಧಕೃಷ್ಣನ್ ಉತ್ತಮ, ಸಜ್ಜನ ವ್ಯಕ್ತಿಯಾಗಿದ್ದು, ಉಪರಾಷ್ಟ್ರಪತಿ ಸ್ಥಾನಕ್ಕೆ ಖ್ಯಾತಿ ತರುತ್ತಾರೆ ಎಂದರು. (ಏಜೆನ್ಸೀಸ್)

https://www.vijayavani.net/argument-with-wife-son-in-law-cuts-off-mother-in-laws-hand-police-arrest-accused