ಸನ್ನಿ ಡಿಯೋಲ್​ ಮನೆ ಹರಾಜು ನೋಟಿಸ್​ ಹಿಂಪಡೆದ ಬ್ಯಾಂಕ್​; ಯಾವ ಕಾರಣಕ್ಕೆ ಎಂದ ಜೈರಾಮ್​ ರಮೇಶ್​

ನವದೆಹಲಿ: ಬಾಲಿವುಡ್​ ನಟ, ಗುರುದಾಸ್​ಪುರ ಕ್ಷೇತ್ರದ ಬಿಜೆಪಿ ಸಂಸದ ಸನ್ನಿ ಡಿಯೋಲ್ ಸರಿಯಾದ ಸಮಯಕ್ಕೆ ಸಾಲ ಮರುಪಾವತಿ ಮಾಡದ ಕಾರಣ​ ಅವರ ಮನೆಯನ್ನು ಹರಾಜಿಗಿಟ್ಟಿದ್ದ ಬ್ಯಾಂಕ್​ ಆಫ್​ ಬರೋಡಾ ಅಧಿಕಾರಿಗಳು ತಮ್ಮ ನಿರ್ಧಾರವನ್ನು ಹಿಂಪಡೆದಿದ್ದಾರೆ.

2022ರಿಂದ ಬಾಕಿ ಉಳಿಸಿಕೊಂಡಿದ್ದ 56 ಕೋಟಿ ರೂಪಾಯಿ ಸಾಲದ ಮೊತ್ತ ವಸೂಲಿಗೆ ಸಂಬಂಧಿಸಿದಂತೆ ಮುಂಬೈನ ಜುಹು ಪ್ರದೇಶದಲ್ಲಿರುವ ನಟ ಸನ್ನಿ ಡಯೋಲ್​ ಅವರ ಬಂಗಲೆಯನ್ನು ಹರಾಜಿಗೆ ಇಡಲಾಗಿತ್ತು. ಆಗಸ್ಟ್​ 25ರಂದು ಹರಾಜು ಪ್ರಕ್ರಿಯೆ ನಡೆಸಲಾಗುವುದು ಎಂದು ಬ್ಯಾಂಕ್​ ಅಧಿಕಾರಿಗಳು ತಿಳಿಸಿದ್ದರು.

ಇದನ್ನೂ ಓದಿ: ಏಷ್ಯಾಕಪ್​ ಟೂರ್ನಿಗೆ ಭಾರತ ತಂಡ ಪ್ರಕಟ; ಕನ್ನಡಿಗ ಕೆ.ಎಲ್​. ರಾಹುಲ್​, ಪ್ರಸಿದ್ಧ್​​ ಕೃಷ್ಣಗೆ ಸ್ಥಾನ

ಯಾವ ಕಾರಣಕ್ಕೆ

ಇತ್ತ ಬ್ಯಾಂಕ್​ನ ಕ್ರಮವನ್ನು ಖಂಡಿಸಿರುವ ಕಾಂಗ್ರೆಸ್​ ನಾಯಕ, ರಾಜ್ಯಸಭೆ ಸದಸ್ಯ ಜೈರಾಮ್​ ರಮೇಶ್​ ಬಿಜೆಪಿ ಸಂಸದ ಸನ್ನಿ ಡಿಯೋಲ್​ ಬ್ಯಾಂಕ್​ಗೆ 56 ಕೋಟಿ ರೂಪಾಯಿ ಸಾಲ ಮರುಪಾವತಿಸಿದ ಕಾರಣ ಅವರ ಮನೆಯನ್ನು ಹರಾಜಿಗೆ ಇಟ್ಟಿರುವ ವಿಚಾರ ಇಡೀ ದೇಶಕ್ಕೆ ತಿಳಿದಿತ್ತು. ಆದರೆ, ಈಗ ಯಾವ ಆಧಾರದ ಮೇಲೆ ನೋಟಿಸ್​ ಹಿಂಪಡೆದಿದ್ದೀರಾ.

ಹರಾಜು ಹಾಕುವುದಾಗಿ ಆದೇಶ ಹೊರಡಿಸಿದ 24 ಘಂಟೆಗಳಲ್ಲಿ ತಾಂತ್ರಿಕ ದೋಷದ ಕಾರಣ ನೀಡಿ ನೋಟಿಸ್​ ಹಿಂಪಡೆದಿದೆ. ಇದು ಯಾವ ರೀತಿಯ ನ್ಯಾಯ. ತಾಂತ್ರಿಕ ದೋಷ ಎಂದು ಹೇಳುವಂತೆ ಹಿಂದಿನಿಂದ ಯಾರು ಪ್ರಚೋದಿಸುತ್ತಿದ್ದಾರೆ ಎಂದು ಕಾಂಗ್ರೆಸ್​ ನಾಯಕ, ರಾಜ್ಯಸಭೆ ಸದಸ್ಯ ಜೈರಾಮ್​ ರಮೇಶ್​ ಪ್ರಶ್ನಿಸಿದ್ದಾರೆ.

https://www.vijayavani.net/kcr-announces-list-of-brs-candidates

https://www.vijayavani.net/pankaj-tripathis-father-banaras-tiwari-dies-at-98