ವೀರೇಶ್ವರ ಪುಣ್ಯಾಶ್ರಮದಲ್ಲಿ ಗುರುವಾರ ಎನ್.ಡಿ.ಸುಂದರೇಶ್ ಜನ್ಮದಿನದ ಅಂಗವಾಗಿ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಸುಂದರೇಶ್ ರೈತರ ಪರವಾಗಿ ಸದಾ ಮಿಡಿಯುತ್ತಿದ್ದರು. ಸರ್ಕಾರದ ವಿರುದ್ಧ ಹೋರಾಟ ರೂಪಿಸಿ ರೈತರಿಗೆ ನ್ಯಾಯ ಒದಗಿಸಲು ಪ್ರಯತ್ನಿಸುತ್ತಿದ್ದರು ಎಂದು ತಿಳಿಸಿದರು.
ರಾಜ್ಯ ರೈತ ಸಂಘದ ಸಂಸ್ಥಾಪಕರಾಗಿ, ಕೆಚ್ಚೆದೆಯ ಹೋರಾಟಗಾರರಾಗಿ, ರೈತಕುಲದ ಕಣ್ಮಣಿಯಾಗಿ ತಮ್ಮ ಇಡೀ ಜೀವನವನ್ನೇ ರೈತರಿಗಾಗಿ ಮುಡಿಪಾಗಿಟ್ಟ ಸುಂದರೇಶ್ ಅವರ ಜನ್ಮದಿನವನ್ನು ಅಂಧ ಸಂಗೀತ ಕಲಾವಿದರ ಜತೆಗೆ ಆಚರಣೆ ಮಾಡುತ್ತಿರುವುದು ಅರ್ಥಪೂರ್ಣವಾಗಿದೆ ಎಂದರು.
ವೀರೇಶ್ವರ ಪುಣ್ಯಾಶ್ರಮದ ಅಧ್ಯಕ್ಷ ಸಂಗಮೇಶ್ವರ ಗವಾಯಿ ತಂಬೂರಿ ವಾದನದ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿದರು. ಕಲಾಶ್ರೀ ಪ್ರಶಸ್ತಿ ಪುರಸ್ಕೃತ ಹುಮಾಯೂನ್ ಹರ್ಲಾಪುರ್, ಶಿಕ್ಷಕ ಮಂಜುನಾಥ ಮಾಶಾಳ, ಪ್ರಮುಖರಾದ ಸುಜಾತಾ ಬಸವರಾಜ್, ಎನ್.ಎಸ್. ಸುಧಾಂಶು ಮುಂತಾದವರಿದ್ದರು
