ಸುಚಿನ್ ಆತ್ಮಹತ್ಯೆ ಎಂದು ಹೇಳಲಾಗಿರುವ ಈ ಸಾವಿನ ಹಿಂದೆ ಅನುಮಾನಗಳ ಹುತ್ತವೇ ಸೃಷ್ಟಿಯಾಗಿದ್ದು, ಅಧಿಕಾರಿಗಳು ಇದು ಆತ್ಮಹತ್ಯೆಯೇ ಬಿಟ್ಟರೆ ಬೇರೇನೂ ಅಲ್ಲ ಎಂದರೆ, ಪೋಷಕರು ಮಾತ್ರ ಇಲ್ಲ ಇದು ಸಂಚಿನ ಕೊಲೆಯೇ ಎಂದು ಬಲವಾಗಿ ಆರೋಪಿಸಿದ್ದಾರೆ. ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಸಂಶೋಧಕರಾಗಿದ್ದ ಸುಚಿರ್ ಬಾಲಾಜಿ, ಓಪನ್ ಎಐ ಬಗ್ಗೆ ಇಡೀ ಜಗತ್ತಿಗೆ ಎಚ್ಚರಿಕೆ ರವಾನಿಸಿದ್ದರು. ಓಪನ್ ಎಐನ ಮಾದರಿಗಳು ಅನುಮತಿಯಿಲ್ಲದೆ ಇಂಟರ್ನೆಟ್ನಿಂದ ಸ್ಕ್ರ್ಯಾಪ್ ಮಾಡಲಾದ ಹಕ್ಕುಸ್ವಾಮ್ಯದ ವಸ್ತುಗಳ ಮೇಲೆ ತರಬೇತಿ ಪಡೆದಿವೆ ಎಂದು ಗಂಭೀರ ಆರೋಪ ಎಸಗಿದ್ದರು. ಇದು ಬಹಳ ಹಾನಿಕಾರಕ ಎಂಬುದನ್ನು ಒತ್ತಿ ಹೇಳಿದ್ದರು. ಸಂಸ್ಥೆ ವಿರುದ್ಧ ಧ್ವನಿ ಎತ್ತಿದ್ದ ಒಂದು ತಿಂಗಳ ನಂತರ ಇಂಜಿನಿಯರ್ ಆತ್ಮಹತ್ಯೆ ಮಾಡಿಕೊಂಡಿರುವ ಸುದ್ದಿ ಅನೇಕರಲ್ಲಿ ಭಾರೀ ಗೊಂದಲ ಹುಟ್ಟುಹಾಕಿದೆ.
