ಅದು, - ಸತು ಧೀರ್ಘಕಾಲನೈರಂತರ್ಯಸತ್ಕಾರಾಸೇವಿತೋ ದೃಢಭೂಮಿಃ | ಅಂದರೆ, ದೀರ್ಘಕಾಲ, ನಿರಂತರವಾಗಿ ಹಾಗೂ ಶ್ರದ್ಧೆ ಅಥವಾ ಆದರದಿಂದ ಅಭ್ಯಾಸ ಮಾಡಿದಾಗ ಮಾತ್ರ ಯಶಸ್ಸು ಸಾಧ್ಯವಾಗುತ್ತದೆ ಎಂದು. ನಾವು ಯಾವುದೇ ಪ್ರಯತ್ನವನ್ನು ಪ್ರಾರಂಭಿಸಿ, ಕೆಲವು ದಿವಸಗಳಾದ ಮೇಲೆ ನಿಲ್ಲಿಸಬಾರದು. ಹೀಗೆ ಮಾಡುವುದರಿಂದ ನಾವು ನಮ್ಮ ಗುರಿಯನ್ನು ಮುಟ್ಟಲು ಸಾಧ್ಯವಿಲ್ಲ. ಬದಲಾಗಿ ನಾವು ನಮ್ಮ ಗುರಿಯನ್ನು ತಲುಪವವರೆಗೂ ಪ್ರಯತ್ನವನ್ನು ನಿಲ್ಲಿಸಬಾರದು. ಅದು ದೀರ್ಘಕಾಲದಿಂದ ಕೂಡಿರಬೇಕು. ಹಲವು ಬಾರಿ ಅಭ್ಯಾಸ ಮಾಡುವುದು ಮತ್ತು ಕೆಲವು ವಾರಗಳಾದ ಮೇಲೆ ನಿಲ್ಲಿಸುವುದರಿಂದ ಗುರಿಯನ್ನು ಮುಟ್ಟುವುದು ಅಸಾಧ್ಯ. ಅದ್ದರಿಂದ ಅದು ನಿರಂತರವಾಗಿರಬೇಕು. ಬಹಳ ದಿನಗಳಿಂದ, ತಿಂಗಳುಗಳಿಂದ, ನಿರಂತರವಾಗಿ ನಾನೇನೋ ಪ್ರಯತ್ನ ಮಾಡುತ್ತಿದ್ದೇನೆ ಸ್ವಾಮಿ.
